20/06/2024
Thabit Cabdi Maxamed, duqii h**e ee Muqdisho oo ka digay is hor taagga hanka Marwo Fowsiya Yuusuf Xaaji Aadan.
-----------------------------------------------------
Xildhibaan Marwo Fawziya Yusuf X. Aadan, Raisulwasaare ku-xigeenkii h**e ahaydna Wasiirkii Arrimaha Dibedda ee Soomaaliya si dareen, taariikh iyo gobonnimo leh ayay u garnaqsatay shirkeedii jaraa’id ee maanta.
Aabahay iyo Hooyaday AUN iyo jiilkooda waxay marqaati u ahaayeen Aabaha Marwo Xil. Fawziya, Halgamaa AUN Yuusuf Xaaji Aadan iyo AUN Halgamaa Gen Abukar Maxamed Liibaan Aftooje seyga Marwo Xil. Fawziya qiimaha ay Qaranka Soomaaliyeed ku leeyihiin.
Waxaan aniguna marqaatiga nool u ahay wadaninimada, kartida, aqoonta, waayo-aragnimada iyo dal jacaylka ay Marwo Xildhibaan Fawziya Yusuf X. AAdan u heyso Qaranka Soomaaliyeed.
Dowladda Soomaaliyeed wuxuu waajib ka saaran yahay una dhaaratay inay mudnaanta koowaad siiso muwaadinkeeda hanka sare leh ee u tartamaya Guddoomiyaha Ururka Midowga Afrika ee 2025-2029 ee markan loo qoondeeyay Bariga Afrika, ahmiyad weyna u leh danaha iyo karaamada Soomaaliya iyo midda guud ee qaaradda Afrika,
Marna ma filanayn in Marwo Xildhaan Fawziya oo ah daljire, xildhibaan, aqoonyahanad dalka wili u adeegeysa, kana soo jeeda qoys ummadda Soomaaliyeed qiimo weyn ku leh si lama filaan ah hankeeda laga hor istaago iyadoo markii h**eba dowladda Soomaaliya garab istaag u muujisay.
Haybadda, sharafta iyo karaamada Qaranka waxay ku jirtaa in go’aannada dowliga ee mandaqadda Afrika iyo caalamkaba ahaadaan kuwo sugan oo u adeegaya danaha muwaadiniinta Soomaaliyeed haddii mar qoraal lagu diiwaan geliyayna aanan si sahlan looga laaban illeen xeerka diplomaasiyadeed ee mandaqadda iyo caalamkaba waa sugnaanta diiwaanka qoraalada dowliga ah.
Waxaan ka codsanayaa ummadda soomaaliyeed iney sii labba jibaaraan garab istaagga Marwo Xildhibaan Fawziya haddii ay noqon laheyd dhaqaalo iyo dhiirogelinba, waxayna maanta joogtaa inaan ka dhabeyno erayadii heestii “SOOMAALIYEEY TOOS, TOOSOY ISKU TIIRSADA” ee uu tiriyay AUN Halgamaa Yuusuf Xaaji Aadan oo ah Aabaha Marwo Xildhibaan Fawziya Yusuf X. AAdan.
Waxaan Labbada Aqal ee BJFS ugu baaqayaa iney taageeradii h**e ay labba jibaaraan maadama Marwo Xildhibaan Fawziya ay tahay Xildhibaan ka mid ah Golaha Shacabka BJFS wilina u taagan tahay Musharraxnimada Guddoomiyaha Ururka Midowga Afrika.
