14/05/2024
Gabay= INKAAR QABE
MA OGTAHAY RAG AAN EEDAY BAAN,AMAR KAQATAAYE
MA OGTAHAY ABEESAAN BAHNIMO ,UGU ADEEGAAYE
ASALKAYGA RUUX DIIDANBAAN,U OLLO ‘OLLEEYAAYE
ANFACADA NINKII IGA JARRAAN, ARI URAACAAYE
ADOOGEY NINKII TOOGTAYBAAN ,KU INDHA KUUSHAAYE
ARWAAXDAYDA RUUX WIIQAYAAN,DAN U ILLAALSHAAYE
SIDAAS AYAAN ADOONSIGA ,WALIBA KU ISTAREEXAAYE
SIDAAS AYAA ADUUNYADU U QABTAA IN AAN AHAADAAYE
BALSE IN AAN AYAAN DARANAHAY ,OON EEDAY TALLADAYDA
MA INKAAR QABAA LA IGU YIRI ,BADI AMAAN TIISA
EBTALLADA NINKII SIDAY MIYAA, WALIBA LOO IISHAY
ABAAJAHAL WALLAALKII MIYAA ,NOO ARIMINAAYA
INANKII FIRCOON DHALAY MIYAA ,WALIBA IIMAAM AH
ABRAHAM IYO KAN-CAAN MA ANIGAA, WALI ADEECAAYA
MA ANAA AFDUUBAHA BULSHADA, AABE QARAN MOODA
OO WALI UGAASNIMO UQIRA, WAA AMUUR KALLE’ E
MIDA KALLE WAXBAA AASAN ,OON UURKA KU HAYAAYE
AMUURAHA DAHSOON BAAN ,IN LA ARKA DOONAAYE
ALBAAB AAN FURMAYN BAA JIRO , AAN ABID GARAACAAYE
WAX UJEEDA LOO QARINAYAAN ,AAWAY LEEYAHAYE
EHELKAYGA WAX LOODIIDAY ,AYAAAN KU ANDACOODAAYE
ARJIBAAN QORRAA , DAN AAN NOO AHAANAYNE
AYADA OON LEY OGGEYN BAAN ,DANIGA SII ALKUMAYAAYE
HIDI DIILA AAN MUUQAN BAAN, SII ODOROSAAYE
ARINTAYDA OON SOCON ,AYAAN TALO ABUURTAAYE
AFKAARTAYDA OO LIIDATAAN ,MAANSA OLLOLAAYE
AROORTII KASTA IYO WAABARYAAN ,GABAY KU OOYAAYE
BULSHADAAN ABAABUL IS IRAA, OON KU OORIYAAYE
UMAD SEEXATAAN HAD IYO JEER ,WAX U INSHAARAAYE
ASXAABUL KAHFI BAAN IRAA ,TALO OGEYSIIYE
QOLO AWRKIRAAL NOQOTAY BAAN ,WAR ULA EEXDAAYE
AQLI LAGA DANBEEYAAN, WAXKALLE KU AQRINAYAAYE
DHAG HORTAY LASII OWDAYBAAN ,KU ADIMAAYAAYE
MIYAAN AARSAN KARI WAXAANBA NAHAY KOOX LA IIBSADAYE
TOLKYOW AAN IDIIN ISHAAREE, RAGAAN NOO ARIMINAAYA
ARXAN LAAWE YASHAAN WAQTIGU ,NOOGU ULLA DHIIBAY
AHBALKA , ABOODIGA DHARGAY IYO ,AABUQYADA NAAXAY
ABQARAAB YADAAN MIIDHAN ,EE OWLIYADU DIIDAY
ARQOOBYADA DHARGAY EE SHACBIGA ,CABAYA DHIIGIISA
NIMANKAAN ILLAA AAMANUU ,KA ASHTAKOONEYNAY
KUWA ABID NAGUUD FUUSHAN, EE NAGA INKAARQAATAY
ILAAHEY HORTII KOOXDA YAR EE ,NAGA IDLAAN WAYDAY
MID AAN UGU ILDUUFNAA, JIRTOO WAA ILMA ADEER
