29/07/2026
W/Q Garyaqaan Tawakal Ibarhim.
Si Waafaqsan Qod:-27aad (4) Dastuurka Jsl, wuxu si cad u sheegayaa In qofka Xoriyada laga qaaday lagu xidhayo Meel ku haboon xadhigiisa. Si kooban waxaynu Farqadan ka qaadanayna in qofka loo ilaalinayo Caafimaad ahaan, Akhlaaq ahaan, amni ahaan IWM. Maaha in eedaysanaha la saaro culays Cafimaad, mid amni ama mid Xoriyad ahaan lagu sarayo culays (Xoriyad la'aan ama dhibaatayn),
Si waafaqsan Qodobka 26(3)Dastuurka Somaliland waa in Eedaysanaha xidhan cida gacanta ku haysaa ula dhaqanto sidii oo uu yahay Danbi Laawe (Innocent). "Eedaysanuhu waa Danbi laawe ilaa Inta Maxamed horteed Kaga cadaanayo danbi” Qod: 13 Xeerka habraaca ciqaabta (XHC). Xeerarka Caalamiga ah, Dastuurkeena iyo habraaca Ciqaabta Somaliland eedaysnaha wuxu u yaqaana danbi laawe ilaa inta Maxkamad horteed Kaga cadaanayo danbi. Ma jirto Saban loo saaro culays Eedaysanaha.
Ciidanka Police-ka ayaa gacan ku haynta Eedaysanaha leh si waafaqsan xeerka habraaca ciqaabta Somaliland. Marka Danbi ku cadaado Eedaysanaha waxa la wareega gacan ku hayntiisa Ciidanka Asluubta sida ku xusan Qodobka 124 (2) Dastuurka jsl, oo si cad u sheegaysa in ciidanka Asluubta Somaliland gacan ku aynta maxaabiista la wareegayaaan Akhaaqdooda oo ay dhisayaan, si uu bulshada ugu so noqdo qofka xukunku ku dhacay isagoo toosan.
Pooliska iyo Ciidanka Asluubta mid weliba haku dedaalo sugida bad-qabka Eedaysanaha xidhan (Qofka Xoriyad laga qaaday).
