Hal Abuur Colhaye

Hal Abuur Colhaye Aduunyadu habsaan male
hadhka labadiisa galin iyo
waa hooskaa wareegaya
hadaad aduun tabco tidha
weliba haanta buuxi tidha
ogow waa lagu hodmaaye

24/10/2025

HEESKA JACAYL WADKII GALAY

Inkastuu walhanaayo,
Wadnahaygu boholyoow,
Inkastoon warwaraayoo,
Xasuusuhu i weydeeyeen.

May wakin ayaamuhu,
Naftaydaad kol wiiqdee,
Waxaan helay nasiibkii,
Wakhtigaygu ii sidey.

KOORAS
Waalaloow aduunyiyo,
Waan ka raystay murugo,
Wixii aan jab soo maray,
Weyne wayga mootiyay.

Inkastuu xiskii tebay,
Wajigiyo codkaagii,
Jacaylkii wadkii galay,
Ruuxna waabin maayee.

Adna wacadki tuurtaye,
Nabsi kuguma weecdoo,
Kuma qoomo waayuhu,
Kuu wacnaa ayaankaa.

KOORAS
Waalaloow aduunyiyo,
Waan ka raystay murugo,
Wixii aan jab soo maray,
Weyne wayga mootiyay.

Hal Abuur Colhaye 2025✍️✍️✍️

20/07/2025

Adoon qosol muujinayn,
Anigu ma mabsuudi karo.

Hal Abuur Colhaye ✍️✍️✍️2025

13/07/2025

Ereyada qaar cudoonidooda anigaa is idhaa ma qaadaa hadana inanan cod iyo luuq midna lahayn ban ogaada oo wxn ka baqa inan ereyada wanaagsan xumeeyo yaa waduud🤣🤣

Kashaan hamigeeda dhawrey
Hadyada ruuxaan ku siiyay
Dhabtii k**a helin riyaaqee
Hungaan ku qabaa jacaylka.

Cishqigu wuu ila habaaboo
Wakhtiga ruuxaan u huri jirey
Inuu ila heer yahaan filayee
Ma hanan xubnihii buseelay.

KOORAS
Xidhiidhkaan lahaa hawaaro
Hog buu ku dhacoo ku hoobte
Wadnaha haab haabanaayow
Kasoo kabo hadimadiisa.

Hal Abuur Colhaye 2025✍️✍️✍️

*Cindigaygan maare diide, caku murugoonayoow.**Cashar waxa kuugu filan, yartii kaa carawdaye.**Ha ciseyn mar kale ruux, ...
11/07/2025

*Cindigaygan maare diide, caku murugoonayoow.*
*Cashar waxa kuugu filan, yartii kaa carawdaye.*
*Ha ciseyn mar kale ruux, aan kuu cuntamahayn.*
*Hana Cugan mar kale ruux, aan ku caawinahayn.*

Hal Abuur Colhaye 2025✍️✍️✍️

10/07/2025

BEYT 1
Inkastoon ajiiboon jacayl kaa aqbalay huuno
Ujeed keygu ma ahayn urugadaan qabo ee
Awood sheego anigoon is odhan abidkay walaal
Af xumada Maxaa kuugu wacan waa uurkutaale.

Xidhiidhkay abuurtee waligaa ku adoonsa oo
Ayaan qudha is maan odhan ugu itaal sheego e
Anfariir waxa igu ridey aayar kala dhamaadkase
Sow ma ogid ifkaba inaan gooni kuu ahaa adi.

KOORAS
Inkastoon shuruud li adiga huuno kugu aaminay
Rajo ma leh arwaaxdaan ku idhi hoo ilaasho e
Umal waxa iigu filan xasuustaan la ilmaynayee
Abaal badaneey ilwaad anaa kaa fasaxay uurka.

BEYT 2
Aflagaado anigoon ku odhan erey turxaanti leh
Oo aan ixtiraamkii guudiyo tuurin sharaftii
Adigaa irdheeyoo wadnaha eelka kala daalee
Sow ma ogid axdigii inaad soo af meerayso.

Xididkaan abqaalkiisa lahaa wuu aflixi mooyee
Wuu idlaan aroor qudha sooma dhigan meele
Anigoon ku eedaynayn abhintaadu wey badante
Sow ma ogid balantii inaad oofin Kari weydey.

KOORAS
Inkastoon shuruud li adiga huuno kugu aaminay
Rajo ma leh arwaaxdaan ku idhi hoo ilaasho e
Umal waxa iigu filan xasuustaan la ilmaynayee
Abaal badaneey ilwaad anaa kaa fasaxay uurka.

Hal Abuur Colhaye 2025✍️✍️✍️

03/07/2025

Saaxiib dayrtiyo guga
Daneeya agtaada badi
Kolkuu jiilaal dareemo
Ama se u duruuf adag
Korkaaga ka daalacdana
Dantiyo kugu naca nugaylku
Walaal maaha daacada.

Hal Abuur Colhaye 2025✍️✍️✍️

02/07/2025

Nasiibku wuxuu i tusay
Riyada noocaan u rabay
Anoo ku nagaadayoo
Naqii rajadeydu da’ay.

Nasiibku wuxuu i tusay
Anoo nasrigii heloo
Nolosha heerkaan la rabay
Nimcada ku libaystay guul.

Nasiibku wuxuu i tusay
Intaan nashqadeeyay badi
Anoo ku nastoo dunida
Nuurkii barakada helay.

Nasiibku wuxuu i tusay
Anoo naxli caashaq iyo
Nacayb qof kale ka madhan
Oo nadiif qalbigaygu yahay.

Cafiska ruux naasiboo
Waxaan ahay naflaha
Naxariis badan ku soora
Nitaaqana aan u geysan.

Xumaantiyo noocyadeeda
Ma naax naaxiyoo afkaygu
Aadmiga ma nusqaamiyee
Niyadaan ku kaba kalsooni.

Hal Abuur Colhaye 2025✍️✍️✍️

30/06/2025

BEYT 1AAD
Wadnahaan kugu daabacay.
Adoon siinayn daryeel guud.
Hadana dakhar bad ku jiidaaye.
Bal muxuu damacaagu yahay.

Markaan derbiyada hurdaayay.
Markaan dibadaha marayaay.
Adigu nolol baad dersaysay.
Dan kuu gaaraad ku fooftay.

KOORAS
Qalbigan kaligaa ku doortey.
Duruuf adag buu soo maree.
Adaa dayacee walaalo.
Docdiisa ka baydh hadeer.

Hal Abuur Colhaye 2025✍️✍️✍️

Nabdiga farxadaan ku beero Maxaa u bedela nacaybka Wajiga nuurkaan u daaro Maxaa damiyee nusqaansha.Naruuro hankaan ku s...
27/06/2025

Nabdiga farxadaan ku beero
Maxaa u bedela nacaybka
Wajiga nuurkaan u daaro
Maxaa damiyee nusqaansha.

Naruuro hankaan ku sooro
Maxaa u nugleeya cadaw
Qalbiga naxariistu buuxdo
Nasiimo Maxaa u diiday.

Niyada hormar baan faraa
Hadana naxash bey kortaa
Hiyiga rajee nolol baan idha
Hadana nasiib Uma yeesho.

Hal Abuur Colhaye 2025✍️✍️✍️

22/06/2025

Dakharkiisa jacaylka iyo doogta kolayto
Qalbigaan ka dareemee darmo ii fidiyoo
Ii daryeelo sidaan Anba kuugu diranahay.

Niyad kuu dagan baa i dabiibo ku lehooo
Wadne aad dhex dagtaa salaan kuula diyaare
Adigoon dayacaynin Maruun dooji hankayga.

☑️KOORAS
Hadii aad dalabkayga daganeey kol ajiibto
Dalxiis baan kugu marin degmadii berberoo
Waxaad daawan macaan dacalkaa bada oo
Waxaan kuugu diyaarin wax kastoo isha deeqa.

Hal Abuur Colhaye 2025✍️✍️✍️

18/06/2025

Dhalin yahay tahriibtee
Badahaa ku teedsani
Ma ogtihiin timaadada
Dhulkan aan tafiirtiyo
Tarankeenu yaal ee
Dhaxal tooyadeena ah
In ajanabi ku taamaayo.

Taxtaxaashka yurub iyo
Niman yahow taswiirteeda
Waxa inooga Tookh roon
Dalkeenoon u tacabnaaye.

Axmaarada tarmaysiyo
Tarantani kordhaysaa
Ogoow waa tumaati
Tab cadaawe dhigay e
Shacab yohow tiriigiyo
Tooshashkiina ku ifiya
Oo takoora oromada.

Qarankaan tusmayniyo
Dawladayda toolmoon
Taar baan u dirayaa
Tamar baan bidayaa
Baaq baan ku toosin
Oo tarxiila baan odhan
Ugxaamaha is taraya.

Cabdiyoow tilmaamaha Abdulrizak Ahmed Gutale
Tirtiraaya dhaqan keenu
Waa taroomada indhaha
Iyo tuugsiga xad dhaafay
Inagana tolaay iyo hada
Qabiil baa tigtigay maanka.

Hal Abuur Colhaye 2025✍️✍️✍️

14/06/2025

Naf basaastay oo in badan ku buseeshay
Bestii Wadne gaadhayoo baalasha is gooyay
Naf bidhaantaadi weydoo buruudki ka tagay
Oo bayhoofsan baan ahee Kumee bilaneey.
Bahdilaada ruux qaadan Oon baawar kale haysan
Baxnaano na ka dayi baxsan aragaaga
Adigaa burjigeedi la tagay booramiyo awdale
Bariidaduna waa sade koluun baloogta iga qaad
Boholyoowga aan qabaa iigu wacan baahidee
Mar uun aan bogsoodee kaalay barbarkayga.

Hal Abuur Colhaye 2025✍️✍️✍️

Address

Hargeisa
Hargeisa

Telephone

+252634839563

Website

Alerts

Be the first to know and let us send you an email when Hal Abuur Colhaye posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Hal Abuur Colhaye:

Shortcuts

Share

Category