sada mulawan - سادة ملون

sada mulawan - سادة ملون Contact information, map and directions, contact form, opening hours, services, ratings, photos, videos and announcements from sada mulawan - سادة ملون, Art, الساحة الشعبية, Rufa`a.

10/01/2024

ترثي أسرة كافي سادة ملون الحاله المتردية التي ألت اليها المدينه جراء دخول مليشيا الدعم السريع لها ، و كُنا نحلم بمقهى أشبة بوطن مصغر يحتوي أختلافنا الفكري و العرقي و الديني بكل حب و يصبح منصة لتبادل الأراء و نشر السلام ، لكن أحزننا هذا الغزو البرري و حطم أحلامنا ، لكننا سنكون علي العهد القديم ريثما تصفو السماء ...

في ظل حالة تكميم الافواه و التعتيم الاعلامي ، ستسلط صفحة كافي سادة ملون الأضواء علي الانتهاكات و الأضرار التي تسببت بها هذه المليشيا الأجرامية في المحلية ..

ابحر في عالم النكهات والإبداع مع سادة ملون - حيث يجتمع الفن والمشروبات الشهية! نبحث عن فنان مشروبات يمتلك القدرة على خلق...
09/12/2023

ابحر في عالم النكهات والإبداع مع سادة ملون - حيث يجتمع الفن والمشروبات الشهية!

نبحث عن فنان مشروبات يمتلك القدرة على خلق تجارب رائعه لا تُنسى. إذا كنت تتقن فن صنع الشاي وصنع القهوة ، فأنت الشخص المناسب لكي تنضم إلى فريقنا.

في سادة ملون، نؤمن بأن المشروبات ليست مجرد مزيج من المكونات، بل هي لوحة فنية تعبّر عن الذوق والروح. ستكون مسؤولاً عن إعداد وتقديم مجموعة متنوعة من المشروبات الساخنة والباردة، وستتحدى نفسك لابتكار وصفات جديدة تأسر قلوب زبائننا.

إذا كنت تمتلك شغفًا حقيقيًا لعالم المشروبات وتتمتع بمهارات فنية استثنائية، فإننا نرحب بك لتكون جزءًا من عائلة سادة ملون. نحن نقدّر الإبداع والتفرد، وسنقدم لك بيئة عمل ملهمة حيث يمكنك تطوير مهاراتك وتحويل أفكارك إلى حقيقة.

للتقديم، عليك زيارة صفحتنا على فيسبوك وتقديم طلبك.

_موية و بن_جنزبيل زيادة_زيدي السكر_هبهان و قرفة_أنا قهوتي مافي زول بزبطها زي خالتي_لو غبت يومين من أمي دي لازم اشرح ليها...
05/12/2023

_موية و بن
_جنزبيل زيادة
_زيدي السكر
_هبهان و قرفة

_أنا قهوتي مافي زول بزبطها زي خالتي
_لو غبت يومين من أمي دي لازم اشرح ليها إني ما مشيت شربت عند واحدة تانية



_مرتيين راصات تمنية بنابر قصاد بعض، تمنية بنابر فاتحين بيتين.
ماسكين أكتر من خمسة أطفال، و عرسو لبت.
ولسه بسددو في حق قراية الباقين.
لسه بيضحكوا وما حصل رجّعو واحد ما عندو.
وياها الكلمة الواحدة "جبنتك زي ماهي يا ولدي".
تجي و قت ما تجي و تلقى الموية الباردة في الجك، و المحل "مع انو في الشارع" نظيف و مرتب.

"أنا ما بمشي أشرب الجبنة عند ست الشاي دي، أنا بمشي أجدد من طاقتي ".

_خالتي فاطنة ما متعلمة، بس بتعرف تتكلم أحسن من دكاترة الجامعة.
_أمي عشة قدر ما أمشي ليها زهجان و قافلة معاي برجع متأكد إنها ح تفرج " لاني من اوصلها بتقول لي ح يعدلها ، و ما حصل ما اتعدلت بعد كلامها "

_ليه أنت بتقعدي ليل و نهار، في الشمس و الحر في البرد عشان تبيعي شاي و جبنة؟
=فاتحة بيت، أمي و أبوي ، كبار ما عندهم غيري.
=عندي زول عيان بسدد حق علاجو.
=قسمة الله لي ما أتعلم بس أنا من شغلي دا بعلم الأولاد عشان ما يبقو زي، عايزة اطلعهم دكاترة كبار كده، و يبقو لي مهندسين كمان.
=الشغل الحلال صعب، بس ما بدخل في خشمي لقمة حرام.

أمي _خالتي

ست الشاي...
ست الرزق الحلال

أسطورة المزاجيحكى قبل 5000 ألف سنة و ماقبل وجود البشرية، سعت الإلهة لصنع الحياة على كوكب الأرض ف بدأ البحث عن أصول الحيا...
21/11/2023

أسطورة المزاج

يحكى قبل 5000 ألف سنة و ماقبل وجود البشرية،
سعت الإلهة لصنع الحياة على كوكب الأرض
ف بدأ البحث عن أصول الحياة و مسهلات الإستمرار و التعايش على الكوكب الجديد.
وجدت الفصائل الأولى الحياة في الغابة و بعد الف تجربة و خوض معارك لمحاولة الحفاظ على فرصة الإستمرار أوجدت من بيئتها مشروب عرف بأكسير الحياة "قهوة"
مشروب بدائي يدوي الصنع من بين الغابات و الطبيعة البسيطة
و تم تقديم المشروب للآلهة لإعتماد الشراب و نشره بين باقي الفصائل.
فى الجهة الأخرى وصلت فصائل المرعى لمشروب له تسمية مقابلة عرف بأصل الإستمرار "شاي لبن"
، شراب من أصل وجودها ومن اضرع حيواناتها، يمزج بين الطبيعة و ما يمكن للفصائل أن تسمية بادرة التطور .
بدأ الصراع بين الفصائل عن أي مشروب أحق بالإعتماد و قامت حروب كادت تنهي النوع الجديد،
مما آثار الموضوع قلق الإلهة ف تم الجمع بين الفصائل و تبديل كاسات الشراب بينهم دون علم.
بعد تذوق كل فصيلة لكأسها زادت اصرار و تمسك بجانبها.
إلى أن كشفت الإلهة عن الحقيقة.
أجمعت الفصائل عن أحقية كل شراب للأسم و تم تعميمة و أصبح الشرابان جزء من إستمرار الحياةو التطور و أطلق عليهم أسطورة المزاج.
فى نظرك تم كتابة القصة تحت تأثير أي نوع؟

- محمد ود فاطنة بكرة عندهم مناسبة ما تنسوا يا شباب لازم نمشي نقوم بالواجب. - يا ولد قوم وصلني لي عوضية الليله القعده معا...
18/11/2023

- محمد ود فاطنة بكرة عندهم مناسبة ما تنسوا يا شباب لازم نمشي نقوم بالواجب.

- يا ولد قوم وصلني لي عوضية الليله القعده معاها و غشيني القط لي حاجات اشيلها معاي

- يا إبراهيم ما تنسى بكرة جمع الشباب في نفس المكان نلعب لينا كم قيم نطلع من جو الحرب دا.

- يا سامية قولي لي امك بكره الجبنة مع سعاد و ما تنسي قروش الصندوق زي الاسبوع الفات

-أنتو الميدان دا محتاج يتصلح بكرة نمشي عليه

-يا ربي بكره اعمل شنو عشان اشيلو معاي للبنات

مية إسم و الف سبب، بس نفس المكان البتجمعوا فيه، نفس الحته البقعدو فيها عشان الونسة و الضمنة ، هي هي البجمعو فيها حق الدواء،و البتشاركوا فيها الضحكة و فكرة.

الجمبة قبل تكون مكان ، هى ملاذ للناس
كم حلم بدأ فيها و كم قصة اتحكت بين بنابرها
ومن جيب معاك و هاك
ظهرت مباديء المشاركة
و الهم الواحد و المتين اخ
وحقي حقك واحد.
و بدل أعمل بقى نعمل
بدل أمشي بقى نمشي
و فيها ساد الكل على الفرد.

جمبتكم سادة ملون
حقكم علينا نجهزا و حقها عليكم تعملوها بيتكم الأول


كباية 1x2 =سادة ملون زهجت من الجانب الواحد؟ تعبت من الألوان؟ عايز تدمج حياتك و اختيارات شرابك؟ عايز تغذي معدتك وعقلك في ...
16/11/2023

كباية 1x2 =سادة ملون

زهجت من الجانب الواحد؟
تعبت من الألوان؟
عايز تدمج حياتك و اختيارات شرابك؟
عايز تغذي معدتك وعقلك في وقت واحد؟
طيب ما نحن عندنا ليك الحل

زي ما معروف أن الألوان هي رمز الفرح والسعادة فكمان السادة رمز البساطة و الهدوء .
فنحن أخترنا الإسم عشان نعكس بيه رؤيتنا للحياة.
وفي نفس الوقت حنعكس مفهوم الأسم في أصنافنا.

كافيه " سادة ملون " مكان يقدر الناس يجوا يستمتعوا فيه بالألوان والبساطة في الحياة.
ولأننا نؤمن بأهمية الثقافة والتواصل بين الناس؛ فكافيه "سادة ملون" حيكون منبع لمختلف المنتديات الحتلمس جوانب الحياة في كل شعابها.
وغير أنه حيكون كافيه لمختلف الأذواق فهو حيجمع مختلف الآراء و الخلفيات الثقافية و حيطرح الحوار في نفس دائرة الأصناف.

كم مرة حاولت تطرح أفكارك في مكان مابشهك؟
كم مرة حاولت تجرب تشرب حاجة تمثل رؤيتك؟
مالقيت صح!
عشانك وعشان أسبابك دي قررنا نخلي من كافيه "سادة ملون " مكان مريح ثم مكان للثقافة و التواصل.

Address

الساحة الشعبية
Rufa`a

Opening Hours

Monday 17:00 - 12:00
Tuesday 17:00 - 12:00
Wednesday 17:00 - 12:00
Thursday 17:00 - 12:00
Friday 17:00 - 12:00
Saturday 17:00 - 12:00
Sunday 17:00 - 12:00

Website

Alerts

Be the first to know and let us send you an email when sada mulawan - سادة ملون posts news and promotions. Your email address will not be used for any other purpose, and you can unsubscribe at any time.

Shortcuts

Share

Category