Art & Design factory

06/09/2026

06/09/2026

احلى شي لمن تعمل مق باسمك 😂 ومايكون ليك
تخيلو دي اول مره اعمل مق باسم اسماء 💜
شكلي حامعل لي انا كمان مق

04/09/2026

لنبدأ من جديد 💜🤍

04/09/2026

بدينا نرجع مره تانيه ياجماعه ماتتصوروا السعاده الغمراني برجوعي لعالمي تاني بعد كل الزمن الطويل دا

ومع رجوعنا ان شاءالله في update حكون حاصل 🫶🏻
وحده من الحاجات الي زمان كان نفسي اضيفها هي حركه الظرف والختم الشمعي الحاجه دي حقيقه كنت بتمنى اشاركها معاكم
طبعا اضافه لي ال logo الي اتغير 🥳 حماسكم معاي لرجوع الجديد

27/01/2026

لكل انسان بدا بزنس او بدا عالم جميل هو بحبه بغض النظر هو كان شنو ماتقيفو

ما تغلطوا غلطتي 🚩

١.ماتقيفو تشاركوا اعمالكم الجميله
وحده من التصرفات الغبيه العملتها ورغم اني انسانه اصلا دي هوايتي من نعومة اظافري يعني الناس البتعرفني بتعرف اني مربوطه بالفنون حرفيا في كل شي في حياتي
لكن بتصرف غبي مني ربطه هويتي بشغل صفحتي يعني لمن الظروف والجوطه والح.رب وقفت الصفحه انا كمان من دون ما احس وقفته تفاصيلي دي ودا غلط هويتي هي انا وانا الي خلقته لنفسي هذا العالم انا موجوده اذا هويتي وعالمي موجود وليس العكس

٢.الصور الصور الصور يخوانا
كمييييه من الاعمال الي اشتغلتها وكانت حقييقه تحفه كبيره وجميله جدا للاسف لم توثق بصور ظناً مني اني لمن انتهي حابدأ اصورها بطريقه احترافيه
التأجيل والتسويف يا جماعه ضياع انا عارفه انو الكلام دا يبدو مكرر وكلنا عارفنو بس والله العظيم الكلام ما زي لمن تعيش الحاجه ماتضيعو اعمالكم ما تضيعو جهدكم الجميل ، انا لاني بشوف نفسي ما بعرف اصور كويس كنت اغلب الاعمال ما بصورها وحتى الاعمال الموجوده في الصفحه هي نتيجه لتصوير اثناء ما بوري مثلا الزبون العمل وصل وين اي ان في اعمال شكلها النهائي تطور عن الصوره الاصلا وصلت ليكم

٣.ماتحجم افكارك
من النقاط الي جدا ندمانه عليها انو بكون عندي افكار لمن حسي بعد ما وعيت نضجته اكتر عرفته انها كانت افكار وقتها كانت حتضيف لي كتير وحتضيف لسوق افكار مختلفه وحتعمل نقله بس وقتها كنت قاعده في منطقه الراحه وكنت خايفه انو ما انجح او انو امكن ما تعجب الناس لكن الطبيعي انو ما كل اعمالي تعجب الناس وطبيعي انو الناس حتجيني بافكار معينه لانو دي الافكار الي شيفاها بس انا كنت خايفه من اوهام وبتعذر بالزمن وبانو ممكن لمن افضى شويه او لمن اشتري مواد اكتر في حين انو انا كان عندي مخزون مواد كبير جدا بس التفكير ما كان صح

٤.التشتت
جاني شعور في لحظه اني دايره اعمل كل شي اني عايزه اشتغل في كذا نوع وافتح عملي على كذا خامه ووو ودا ادا اني ابدا كل شي بس ما اصل لمستوى المفروض اكون فيه

٥.مخاوفك هي في الحقيقه اوهام
كل حاجه كنت بخاف منها ومفتكراها بعبع كانت مجرد خوف وهروب من التغير لا اكثر ولا اقل

٦.الفشل ليس خساره
لمن سألو تومس ايدسون عن تجاربوا الفاشله قاليهم انا ما فشلته انا اكتشفته٩٩ طريقه لا تضيئ المصباح ، ودي حقيقه يا جماعه تجاربكم هي خبراتكم على فكره كان لازم احرق واخرب واكسر عشان اكون خبره وعشان بعدين يجي الزبون لي خصيصاً عشان خبرتي ومستواي الي وصلته ليه من تجاربي

٧.الخطه والروتين مهم
لازم يكون عندكم ترتيب معين ليومكم ما بالساعه والدقيقه لا بس يكون عندكم فهم واضح وترتيب ليومكم ما حينفع تكون بس موجه نفسك ومكرس حياتك بس لشغل او بس للبيت او مشتت رتب يومك حسب نظام حياتك ماكلنا نفس أسلوب الحياه ولا نفس الظروف والتفاصيل
ودا بقودنا لنقطه البعده

٨.التقليد
ماتشوف الناس الحولك وتظن انها المثاليه والنمط المفروض تعيشه يعني واحد ليه سنييين في المجال ماحاقارن نفسي بيه لان ظلم لي وحاخليني دايما ما استمتع بما اقوم به وحاخليني دايما محبطه ولا افكر اصلا اني اقارن نفسي باي شخص انا اتطور وأقارن نفسي كيف كنت وكيف اصبحت واشوف هل انا ماشه صح او خطا اخد نصح من الاقدم اتعرف على المعاي اخلق مجتمع حولي صحي ونظيف من دون ضغط نفسي ما لازم عشان دا عمل اعلانات مموله اعمل زيه ولا عشان دا نزل منتج جديد او بوست جديد اعمل زيه

٩.المواكبه
وحده من الحاجات الي جدا كنت مهتم بيها اني اواكب الصفحات المعاي واني عايزه اصلا لارقام متابعين كبيره زي ما بشوف عند الاجانب 😂 بس مره صديقتي امنيه سألتني سؤال وحقيقه وقتها فهمت وانتبهت لمن كنت بشتكي ليها ان المتابعين والتفاعلات ووو قالت لي بتجيك طلبات ؟ قلتلها كتير قالت لي طيب لو الصفحه كبرت بسرعه والطلبات زادت اكتر حتلحقي على الطلبات الاكتر؟ هنا عرفت اني لا ما حاقدر ووقتها فعلا انا كنت تعبانه من عدد الطلبات الكبير جدا ولي ما كنت ملحقه عليه ، كل شيء بوقته وانتي بتطوري وحده وحده

١٠.لاتبخيس
ماتبخسو اعمالكم مهما كانت تافهه دايما في احسن وفي اسوء منك مهما عملت ماتحقر اعمالك وتبخسها ما عجبتك ممتاز طورها عجبتك افرح وكافئ نفسك وفكر كيف تتطور اكثر حتى في التسعير وحتى في التقديم اذا جاك احساس ان العمل ما احسن حاجه ماتقدمه بس او اعيده تاني انا عارفه ان ممكن نزياده تكلفه عليك بس دي ضريبه ثابته كل اصحاب المنتجات بغض النظر سواء اعمال يدويه او صناعيه او حتى تجار عندهم بضاعه عارفين ان في جزء من اعمالهم ممكن يتكسر او يخرب او يتلف بصفة عامة عشان كذا مافي مشكله اخسر ماده شوي مقابل احافظ على سمعتي و رضاي عن نفسي

المهم يا جماعه استمروا وجربوا واغلطوا واتعلمو واستمتعوا اول شي باعمالكم قبل اي حاجه تانيه