11/09/2020
🌼ይ 🌼ታ 🌼የ 🌼ኛ 🌼ል 🌼
ልጆችሽ ተዋደው ዕርቅ ሆኖ መንደሩ
ለእኔ ይታየኛል ፍቅርን ሲዘምሩ
በአድሱ አመት መንፈስ አድስ እንደገና
ፈጣሪ አብዝቶልን ሲሳይና መና
ሰላማችን በዝቶ በሁሉ ሰው ጉያ
ዕሴታችን ሆኖ ዘመን መሻገሪያ
እንደ አደይ አበባ ይፈካል ፊታችን
የይቅርታን ካባ ደርቦ ልባችን
በረከት ሲሳዩ ተርፎ ተትረፍርፎ
ማጀቱ ሞልቶልን ከጎረቤት አልፎ
ይህን ዘር የሚሉት የልክፍት በሽታ
ከውስጣችን ነቅሎ አርቆልን ጌታ
አለም ሲቀናብን ተዋደን አምሮብን
የጥበብ ልብሳችን ሲያንጸባርቅብን
ሙሉ ኢትዮጺያ ሆኖ ዳር እሰከዳር ጰንቶ
የእፎይታ ሳቅ ስቀን ልባችን እረክቶ
ይህ ሁሉ ይታየኛል እልፍ ስንሻገር
በአድሱ አመት መንፈስ በሰላም በፍቅር
ተስፋን የሰነቀ ምህረት የበዛበት
በቃ ይታየኛል ይሄ አድድሱ አመት
ሀዘን ተወግዶ ደስታ ተተክቶ
ሰላም እና ፍቅር ከሁሉ ቤት ገብቶ
ወንድምአማች ሁነን
እህት አማች ሁነን
መልካምን አንግበን
ሰው በመሆን አመነን
ዘር ብሄር ሳይከፍለን ድንበር ሳይገድበን
ሀይማኖት ሳይለየን ከልብ ተዋደን
ዳግም በዚህ አመት በአድሱ ተስፋችን
ኢትዮጲያዊ እንሁን ለሁሉ ወገናችን
ያኔ ኢትዮጲያዬ
ኢትዮጵያ ተብለሽ ሀበሻ ተብለሽ
በሁሉም ልብ ውስጥ ላጠፊ ተጽፈሽ
ጨላማው ብርሀን ደመናው ይጠራል
ስምሽ እጅግ ገኖ አለም ላይ ይጠራል
🌼🍃🌼🍃🌼🍃🌼🍃🌼🍃🌼🍃🌼🍃🌼🍃🌼🍃🌼🍃🌼🍃🌼🍃🌼🍃
✍ አብዲ ዳና
http://t.me/danatibeb
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
