Jizan Art Lovers Association - JALA

14/10/2026

05/10/2026

03/10/2026

ജിസാൻ: കഴിഞ്ഞ ഇരുപത് വർഷമായി വിവിധ കാരണങ്ങളാൽ നാട്ടിലേക്ക് പോകുവാൻ സാധിക്കാതിരുന്ന കോഴിക്കോട് സ്വദേശി മുരളീധരൻ, ഒടുവിൽ ജലയുടെ ഇടപെടലിലൂടെ നാടണഞ്ഞു .

ആഗസ്റ്റ് 31ന് ഏക മകളുടെ വിവാഹത്തിൽ പങ്കെടുക്കാൻ നാട്ടിലേക്ക് പോകാമെന്ന പ്രതീക്ഷയിലായിരുന്നു മുരളീധരൻ. എന്നാൽ ജോലി ചെയ്യുന്ന കമ്പനി വിസ പുതുക്കി നൽകാതിരുന്നതോടെ ആ പ്രതീക്ഷയും അസ്തമിച്ചു. ഇതിനിടയിൽ സെപ്റ്റംബർ 6ന് പക്ഷാഘാതം സംഭവിച്ച് ശരീരത്തിന്റെ ഒരു ഭാഗം പൂർണമായും തളർന്നതിനെ തുടർന്ന് ജിസാനിലെ അൽ ഹയാത്ത് ആശുപത്രിയിൽ പ്രവേശിപ്പിക്കപ്പെട്ടു.
> തുടർന്ന് ജലയുടെ ജീവകാരുണ്യ വിഭാഗത്തിന്റെ നേതൃത്വത്തിൽ ജല ജനറൽ സെക്രട്ടറി സലാം കൂട്ടായി, പ്രസിഡന്റ് ഫൈസൽ മേലാറ്റൂർ, മുഖ്യ രക്ഷാധികാരി മനോജ് കുമാർ, കേന്ദ്ര കമ്മിറ്റി അംഗം ജബ്ബാർ പാലക്കാട്, ജിസാൻ ഏരിയ പ്രസിഡന്റ് സലീം മൈസൂർ എന്നിവർ ആശുപത്രിയിൽ ആവശ്യമായ സഹായങ്ങൾ നൽകുകയും മുരളീധരനെ നാട്ടിലെത്തിക്കുന്നതിനുള്ള നടപടികൾക്ക് നേതൃത്വം നൽകുകയും ചെയ്തു.
> മുരളീധരന്റെ യാത്ര സാധ്യമാക്കുന്നതിനായി അദ്ദേഹത്തിന്റെ കമ്പനിയുടെ ജിസാൻ, റിയാദ് ഓഫീസുകളുമായും , ജിദ്ദ കോൺസുലേറ്റുമായും നിരന്തരം ബന്ധപ്പെട്ടതിന്റെ ഫലമായി വിസ പുതുക്കുകയും റീ-എൻട്രി വിസ ലഭ്യമാക്കുകയും ചെയ്തു.
> എന്നാൽ സ്വന്തമായി തിരിഞ്ഞുകിടക്കാനോ എഴുന്നേൽക്കാനോ പോലും കഴിയാത്ത അദ്ദേഹത്തെ നാട്ടിലെത്തിക്കുക എന്നത് വലിയ വെല്ലുവിളിയായിരുന്നു. ജലയുടെ നിരന്തര ഇടപെടലിനെ തുടർന്ന് കമ്പനി അധികൃതർ ഒരു സഹപ്രവർത്തകനെ കൂടി അദ്ദേഹത്തോടൊപ്പം യാത്ര ചെയ്യാൻ അനുവദിച്ചു.
> തുടർന്ന് വീൽചെയർ അസിസ്റ്റൻസോടെ, 02-10-2026 വെള്ളിയാഴ്ച രാവിലെ 8:45ന് ജിദ്ദയിൽ നിന്ന് ആകാശ എയർലൈൻസ് വിമാനത്തിൽ മുരളീധരൻ നാട്ടിലേക്ക് യാത്ര തിരിച്ചു. വൈകുന്നേരം 5:30ഓടെ നാട്ടിലെത്തിയ അദ്ദേഹത്തെ കുടുംബാംഗങ്ങൾ ഏറ്റുവാങ്ങുകയും വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളേജിൽ പ്രവേശിപ്പിക്കുകയും ചെയ്തു.

ഈ ദൗത്യത്തിൽ ജലയ്ക്ക് ആവശ്യമായ സഹായങ്ങളും സഹകരണവും നൽകിയ ആശുപത്രിയിലെ ഡോക്ടർമാർ, നഴ്സുമാർ, മറ്റ് ജീവനക്കാർ, മുരളീധീധരന്റെ സഹപ്രവർത്തകനായ തമിഴ്നാട് സ്വദേശി പൂമല, യാത്രയിൽ അദ്ദേഹത്തോടൊപ്പം പോയ ഡൽഹി സ്വദേശി മോയിൻ, റിയാദിൽ നിന്ന് സഹായം നൽകിയ നവാസ്, ജിസാനിലെ പ്രോജക്ട് മാനേജർ സുഡാൻ സ്വദേശി മുഹന്നത് എന്നിവർക്കും ജലയുടെ പേരിൽ ഹൃദയം നിറഞ്ഞ നന്ദി അറിയിക്കുന്നു.
> മുരളീധരന് തുടർന്നുള്ള ചികിത്സയിലൂടെ എത്രയും വേഗം പൂർണ ആരോഗ്യത്തിലേക്ക് തിരിച്ചെത്താൻ കഴിയട്ടെയെന്ന് ജല ആശംസിക്കുന്നു.

ജല ജിസാൻ
WELFARE WING

03/10/2026

ജലയുടെ മുഖ്യ രക്ഷാധികാരിയായി ചുമതലയേറ്റ മനോജ്കുമാറിന് അഭിവാദ്യങ്ങൾ

22/09/2026

Happy National Day.

15/09/2026

ഈ മാസം സെപ്റ്റംബർ 18 വരെ സമയമൊള്ളൂ..ഇനിയും നോർക്കയും,നോർക്ക ഇൻഷുറൻസും എടുക്കാൻ ആഗ്രഹിക്കുന്നവർ ജലയുടെ welfarewing വിഭാഗവുമായി ബന്ധപ്പെട്ട് (Helpdesk phone.0555370977, 0534198044) registration process പൂർത്തീകരിക്കുക.

10/09/2026

ഇന്ന് നടത്താനിരുന്ന അനുശോചന യോഗം മറ്റൊരു ദിവസത്തേക്ക് മാറ്റിവെച്ചിരിക്കുന്നു.

07/09/2026

ജിസാനിലെ ഒരു മലയാളിക്കും മറക്കാനാവാത്ത താഹ സാറിനെ സ്നേഹിക്കുന്ന ഏവർക്കും സ്വാഗതം

06/09/2026

NORKA Santhwana Scheme (സാന്ത്വന പദ്ധതി) എന്നത് വിദേശത്ത് ജോലി ചെയ്ത് തിരിച്ചെത്തിയ പ്രവാസികൾക്കും അവരുടെ ആശ്രിതർക്കും NORKA-Roots നൽകുന്ന ഒറ്റത്തവണ സാമ്പത്തിക സഹായ പദ്ധതിയാണ്.

*ലഭിക്കുന്ന സഹായങ്ങൾ:*
01). 0,50,000.00 ₹ ഗുരുതര രോഗ ചികിത്സ
02). 1,00,000.00 പ്രവാസിയുടെ മരണസഹായം
03). 0,15,000.00 മകളുടെ വിവാഹസഹായം
04). 0,10,000.00 Disability equipment

ഒരാൾക്ക്/കുടുംബത്തിന് Santhwana പദ്ധതിയിൽ നിന്ന് ഈ വിഭാഗങ്ങളിൽ ഒരു വിഭാഗത്തിൽ മാത്രം (Medical / Death / Marriage / Disability) ആനുകൂല്യം / സഹായം ലഭിക്കൂ.

Santhwana Registration link:
https://norkaroots.org/web/guest/santhwana
https://santhwana.norkaroots.kerala.gov.in/?utm_source=chatgpt.com

*പ്രധാന Eligibility*

01). കുറഞ്ഞത് 2 വർഷം വിദേശത്ത് ജോലി ചെയ്തിരിക്കണം. _(2 വർഷത്തിൽ താഴെയാണെങ്കിൽ സാധാരണയായി അർഹതയില്ല)._

02). വിദേശത്ത് നിന്ന് തിരിച്ചെത്തിയ പ്രവാസി ആയിരിക്കണം. _(അപേക്ഷിക്കുന്ന സമയത്തും സഹായം ലഭിക്കുന്ന സമയത്തും വിദേശത്ത് ആയിരിക്കരുത്)._

03). വാർഷിക കുടുംബവരുമാനം ₹1.50 ലക്ഷം കവിയരുത്. _(₹1,50,000-ൽ കൂടുതലാണെങ്കിൽ അർഹതയില്ല)._

04). തിരിച്ചെത്തിയതിന് ശേഷം സമയപരിധിക്കുള്ളിൽ അപേക്ഷിക്കണം.
ഔദ്യോഗിക NORKA വിവരപ്രകാരം വിദേശത്ത് ജോലി ചെയ്ത കാലയളവോ 10 വർഷമോ — ഇതിൽ കുറവായ കാലയളവിനുള്ളിൽ അപേക്ഷിക്കണം.

05). അവശ്യ രേഖകൾ സമർപ്പിക്കണം.
(Passport, Income Certificate, Aadhaar, Ration Card, Bank Passbook, Wedding Certificate, Medical Certificate, Death Certificate, Disability Certificate..)

06). അപേക്ഷ പരിശോധിച്ചതിന് ശേഷം NORKA enquiry നടത്തും.

07). ആവശ്യമായ രേഖകൾ നൽകാത്ത പക്ഷം അപേക്ഷ നിരസിക്കാം.

08). Medical assistance ആണെങ്കിൽ original medical certificate enquiry സമയത്ത് ആവശ്യമാണ്

*NORKA Santhwana Medical Assistance സംബന്ധിച്ച് ഔദ്യോഗിക NORKA വിവരത്തിൽ പ്രത്യേകം പരാമർശിച്ചിരിക്കുന്ന ഗുരുതര രോഗങ്ങൾ ഇവയാണ്:*

🏥 *പ്രധാന രോഗങ്ങൾ*
⭕ Cancer (കാൻസർ)
⭕ Heart Surgery / ഗുരുതര ഹൃദയ രോഗങ്ങൾ
⭕ Chronic / Serious Kidney Disease (വിട്ടുമാറാത്ത/ഗുരുതര വൃക്കരോഗം)
⭕ Brain Hemorrhage (മസ്തിഷ്ക രക്തസ്രാവം)
⭕ Paralysis (പക്ഷാഘാതം)
⭕ Severe Disabilities due to Accidents (അപകടത്തെ തുടർന്നുണ്ടായ ഗുരുതര വൈകല്യങ്ങൾ)

ഔദ്യോഗിക പേജിൽ ഇതിനെ “such as” എന്ന് പറഞ്ഞിട്ടുള്ളതിനാൽ, ഈ 6 രോഗങ്ങൾ മാത്രമാണ് eligible എന്ന് കരുതേണ്ടതില്ല. ഗുരുതരമായ മറ്റ് രോഗങ്ങൾക്കും ചികിത്സാ സഹായം പരിഗണിക്കാം; അപേക്ഷ രേഖകളും NORKA enquiry-യും അടിസ്ഥാനമാക്കിയാണ് അന്തിമ തീരുമാനം.

Jala Jizan
Welfare wing

A distress relief scheme intended to provide time bound financial support to the Pravasi who has returned back to his homeland. The scheme can be availed for medical treatments, death assistance, marriage assistance, purchase of physical aids to combat disability etc.

27/08/2026

താഹ കൊല്ലേത്ത്- പ്രവാസികളുടെ ഹൃദയത്തിൽ എന്നും ജീവിക്കുന്ന ഓർമ്മ

യെമനോട് ചേർന്നുകിടക്കുന്ന തെക്കുപടിഞ്ഞാറൻ സൗദി അറേബ്യയിലെ ജിസാൻ പ്രവിശ്യയിൽ മൂന്നു പതിറ്റാണ്ടോളം പ്രവാസജീവിതത്തിന്റെ സന്തോഷങ്ങളും വേദനകളും അടുത്തറിഞ്ഞ വ്യക്തിയായിരുന്നു ശ്രീ താഹ കൊല്ലേത്ത് — എല്ലാവരുടെയും പ്രിയപ്പെട്ട താഹ സാർ.
ഭാഷയുടെയും ജാതിയുടെയും മതത്തിന്റെയും വേർതിരിവുകളില്ലാതെ, പ്രയാസത്തിലാകുന്ന ഓരോ പ്രവാസിയെയും സ്വന്തം സഹോദരനായി കണ്ട മനുഷ്യനായിരുന്നു അദ്ദേഹം. കരുണ, സഹാനുഭൂതി, സാഹോദര്യം, സൗമ്യത, മാനവികത — ഈ വാക്കുകൾക്കെല്ലാം ജീവൻ നൽകിയ ഒരു സ്നേഹസാന്നിധ്യം. കഴിഞ്ഞ ആഗസ്റ്റ് 26-ന്, തിരുവോണദിനത്തിൽ, തമിഴ്നാട്ടിലെ തെങ്കാശിയിൽ ഉണ്ടായ ദാരുണമായ വാഹനാപകടത്തിൽ അദ്ദേഹം നമ്മെ വിട്ടുപിരിഞ്ഞപ്പോൾ ജിസാനിലെ പ്രവാസിസമൂഹത്തിന് നഷ്ടമായത് ഒരു വ്യക്തിയെ മാത്രമല്ല, താങ്ങും തണലുമായി നിന്ന ഒരു വലിയ മനുഷ്യനെയായിരുന്നു.

ഏകദേശം ഒരു വ്യാഴവട്ടക്കാലം ജല ജിസാൻ എന്ന സംഘടനയുടെ വളർച്ചയ്ക്കും ശക്തിപ്പെടലിനും പിന്നിൽ താഹ സാറിന്റെ സജീവ സാന്നിധ്യമുണ്ടായിരുന്നു. സംഘടനയെ രൂപപ്പെടുത്തുന്നതിൽ മാത്രമല്ല, അതിന്റെ സാമൂഹികവും സാംസ്കാരികവുമായ പ്രവർത്തനങ്ങൾക്ക് ദിശാബോധം നൽകുന്നതിലും അദ്ദേഹം നിർണായക പങ്കുവഹിച്ചു. സംഘടനാ പ്രവർത്തകർക്ക് ഒരു സഹപ്രവർത്തകനെന്നതിലുപരി വഴികാട്ടിയും മാതൃകയുമായിരുന്നു അദ്ദേഹം. ജല ജിസാൻ എന്ന സംഘടനയുടെ മുഖ്യ രക്ഷാധികാരിയായും പ്രവർത്തിച്ചു വരുന്നു.

മറ്റുള്ളവരുടെ വേദനകളോട് വളരെ ചെറുപ്പം മുതലേ അദ്ദേഹം അസാധാരണമായ കരുതൽ പുലർത്തിയിരുന്നു. മനുഷ്യർ അനുഭവിക്കുന്ന കഷ്ടപ്പാടുകളും ചൂഷണങ്ങളും അദ്ദേഹത്തിന്റെ മനസ്സിനെ ആഴത്തിൽ അസ്വസ്ഥമാക്കിയിരുന്നു. “മറ്റൊരാൾക്ക് വേണ്ടി എന്തെങ്കിലുമൊന്ന് ചെയ്യാൻ കഴിയുക എന്നതാണ് ഏറ്റവും വലിയ കർമ്മം” എന്ന ആശയം അദ്ദേഹം പലപ്പോഴും പങ്കുവെച്ചിരുന്നു. ആ വാക്കുകൾ സ്വന്തം ജീവിതത്തിലൂടെ അർത്ഥവത്താക്കിയ മനുഷ്യനായിരുന്നു താഹ സാർ.

പതിറ്റാണ്ടുകളോളം ജിസാൻ പ്രവിശ്യയിൽ സ്വതന്ത്ര പത്രപ്രവർത്തകനായും അദ്ദേഹം പ്രവർത്തിച്ചു. പ്രവാസികളുടെ പ്രശ്നങ്ങൾ കേൾക്കാനും അവ സമൂഹത്തിനു മുന്നിൽ അവതരിപ്പിക്കാനും അദ്ദേഹം എന്നും ജാഗരൂകനായിരുന്നു. ജിദ്ദ കോൺസുലർ വെൽഫെയർ കമ്മിറ്റി അംഗമായും പ്രവർത്തിച്ച അദ്ദേഹം, പ്രവാസികൾ നേരിടുന്ന തൊഴിൽപ്രശ്നങ്ങൾ, ചൂഷണം, അവകാശനിഷേധം തുടങ്ങി നൂറുകണക്കിന് വിഷയങ്ങൾ തന്റെ ലേഖനങ്ങളിലൂടെ നിരന്തരം സമൂഹത്തിന്റെ ശ്രദ്ധയിൽ കൊണ്ടു വരിക മാത്രമല്ല അതിൽ നേരിട്ട് ഇടപെട്ട് പലർക്കും താങ്ങും തണലുമായി. എഴുത്ത് വെറും പത്രപ്രവർത്തനമായിരുന്നില്ല; അത് ദുരിതമനുഭവിക്കുന്നവർക്കുവേണ്ടിയുള്ള ഒരു ഇടപെടലും ശബ്ദവുമായിരുന്നു. കേരള സർക്കാരിന്റെ മലയാളം മിഷൻ പ്രവർത്തന ങ്ങൾക്ക് സൗദി അറേബ്യയിൽ തുടക്കം കുറിച്ചതോടൊപ്പം അഞ്ചു വർഷക്കാലം മലയാളം മിഷൻ സൗദി ചാപ്റ്ററിന്റെ ആദ്യ സെക്രട്ടറിയായും പ്രവർത്തിച്ചു. കഴിഞ്ഞ മൂന്നു വർഷമായി മലയാളം മിഷൻ സൗദി അറേബ്യ ചാപ്ടറിന്റെ ചെയർമാനായി പ്രവർത്തിച്ചു വരികയായിരുന്നു .

കുടുംബം
പരേതനായ മുഹമ്മദ് കുഞ്ഞിന്റെയും പരേതയായ ഖദീജ കുട്ടിയുടെയും മകനാണ് താഹ കൊല്ലേത്ത്.
ഭാര്യ ലീമ — ജിസാൻ സർവകലാശാലയിലെ ഗണിതശാസ്ത്ര അധ്യാപിക.

മക്കൾ: അഡ്വ. മുഹമ്മദ് ഹാഷ്മി (ഹൈക്കോടതി), ഖദീജ (പത്താം ക്ലാസ് വിദ്യാർത്ഥിനി).
സഹോദരിമാർ: പരേതയായ നബീസ തങ്ങൾ, റംലത്ത്, ജമീല, സഫിയ, ലൈല, നസ്സീ ബീഗം, ആബിദ, സീന.
താഹ സാറിന്റെ വേർപാട് ജിസാനിലെ പ്രവാസിസമൂഹത്തിന്റെ ഹൃദയത്തിൽ ഒരിക്കലും മായാത്ത ശൂന്യതയാണ് സൃഷ്ടിച്ചിരിക്കുന്നത്. എന്നാൽ അദ്ദേഹം പകർന്നുനൽകിയ സ്നേഹവും കരുതലും മാനവികതയും അദ്ദേഹം കൈവെച്ച സാമൂഹിക ഇടപെടലുകളും എന്നും നമ്മോടൊപ്പം നിലനിൽക്കും.
മനുഷ്യരെ ചേർത്തുപിടിച്ച ആ നല്ല മനുഷ്യന്റെ ഓർമ്മ, അദ്ദേഹത്തിന്റെ പ്രവർത്തനങ്ങളിലൂടെ എന്നും ജീവിക്കട്ടെ.
പ്രിയ താഹ സാറിന് നിത്യശാന്തി നേരുന്നു.
അദ്ദേഹത്തിന്റെ അകാലവിയോഗത്തിൽ ജല ജിസാൻ അഗാധമായ ദുഃഖവും ഹൃദയംഗമമായ അനുശോചനവും രേഖപ്പെടുത്തുന്നു. പ്രിയ താഹ സാറിന്റെ കുടുംബത്തിന്റെ തീരാനഷ്ടത്തിലും അഗാധമായ ദുഃഖത്തിലും ജല ജിസാൻ ഹൃദയപൂർവം പങ്കുചേരുന്നു.

ജല ജിസാൻ
കേന്ദ്ര കമ്മിറ്റി