30/05/2026
نعمة عظيمة، مشاعر مختلفة ماتشبه اي شعور فالدنيا.. كائن ماخذ من الأم والأب صغير مايعرف يسوي لنفسه شي غير انه يبكي وانت اكتشفي ايش يبغى 🥹 أمانه لازم تنتبهيلها، توتر، مسؤولية، قل نوم، خوف، ضغط نفسي، تعب جسدي، اعادة تشكيل لحياتك "وهذا اكبر شي مخيف" وتغير كبير في الهرمونات والجسم 🤍
ومع كل الي بيصيرلك، تجيبك: ايش فيك؟ ايش فيك متنشنه ؟ هدي! مشاعرك سلبية! يالله ماتعرفي تسوي كذا! عقلك مو معاك! مخك نايم! يالله نسيتي! ليش نومك مقلوب! عدلي نومك! ماذكرتيني! ليش ماسويتي الشي الفلاني! انت دايما متنشنه! ليش تبكي! صايره غريبة! الواحد مايعتمد عليك! زهقتينا بهرموناتك! الحريم كلها حملت وولدت عادي! انت دايماً كذا! سمنانة!
كلام واسئلة كثيرة يحسبوا انها ما تأثر عليك وتضغط على نفسيتك ويحسبوا ان هرموناتك شماعة قاعده تعلقي عليها تصرفاتك، وانها مشاعر عادية قادرة تتحكمي فيها ومو انها متعبتك انت بالدرجة الأولى! محد شايف انك قاعده تحاولي تتمالكي نفسك ومشاعرك وتكوني قوية قد ماتقدري وترضي كل الأطراف واحياناً تضغطي نفسك وتخبي تعبك عشان حياتك تمشي بسلاسة وهدوء وايجابية وفالأخير لما تتنشني مع نفسك يصير في هجوم عليك مو احتواء لك وتطلعي متخلفة وسلبية!!
كل اللي نحتاجه هو الاحتواء، كلمة طيبة، أحد يسمع بدون "حكم"، ووقت نرتاح فيه شوي.
الأم مهي آلة.. الأم انسانة قلبها حساس وتعيش تغيّرات كبيرة جداً، ومع هذا تحاول تعطي حب وحنان وأمان لامنتهي بكل طاقتها لكل أفراد عائلتها 🩷
الله يقوي كل أم وامرأة ويكتب لها الأجر والتوفيق والراحة 🤍
مع أرهب مصورة 😍
ميك أب @
شعر @
