Quel est le site Web ?

https://www.facebook.com/109038691945417/

Komité Éli

Komité Éli
Sa in lasosiasyon la lwa 1901
I égzis dépi 1999
nou soubat po rann omaz nout bann zansèt

09/11/2025

Lanmouniman pou zansét
Lomaz basin Misouk
Ravine Trou
Terla minm la fors la nét
Terla minm na kontinyé

08/11/25

18/10/2025

Dan lo kad lanmouniman pou bann révolté sinlé
Artrouv anou lo 5 novanm dovan lo stél par koté la méri pou in lomaz ek in kozé sanm la prés parla 9h

29/08/2025

Oyé ! Juste pou prévenir azot que septembre nora pas d’Ron Maloya lo prochain nora lieu lo 11 octobre

13/08/2025

Ayo banna
Dimans lo 24 out
Nou komémor souvnans la trét négriyér ek son labolisyon
Vyin antouré pou bann zansét la pase térla

25/05/2025

Kosa in soz....
Agét drapo la
Si nou kalkil ali nou va di kosa sa
Na pwin riyin awar sanm nou

Atann aou
Ma rakont aou zistwar nout fyérté na parti trapé
In ti zistwar dan lo zistwar

Konm zot i koné zesklavizé la révolé an lan 1811 la ba kartyé trwa lét

Eli Zefir Vinsan Lubin Zéréon Zasmin Pol....in takon

Zistoryin i di ant 200 ek 500 la dobouté kont lo sistinm kolonyal

Mi sar pa rakont azot tout lo zistwar mé in ti bout ke la pwin bonpé la kapté

Period soulang la la Rényon té pi fransé
Koné la frans té batay batay in pé kont lé zot péyi kolon pou konét kisa nora lo méyèr plas
Sasfé ke parla 1806 koma sé langletér la kapay anou

Sakifé ke bann bato té tourn otour bin té anglé
Na in zour na in bato la marine anglé, le Edam, la bat dann ros
Bann kolon lokal la parti la trap tout sak navé pou trapé si lo bato

La pa mayé zis apré
Nout bann té pou prépar lo soulangaz
Zot la désann kapay lo magazin in mét
Dann magazin la zot i trouv drapo la
Zot i sap avek

Wala pa kank lo révolt i pét
Nout bann la soulév drapo la konm zot létandar

Kosa nana déryèr sa

Sa i vé dir ke nout vénéré zansét kan i soulév
Zot lé politizé
O sans nob
Dan zot koko na déza in lidé la liberté
Mé osi in lidé Pép, in lidé Nasyon
In lidé zot Tér, in lidé zot Péyi

Kinm lo drapo la pa konm nou kalkil
La dan nou trap in fyèrté dépi kank té ankor esklavizé nout zansét té mazine déza in péyi pou nou
Ala pou kwé zordi zour nou dwa ét fyér lév nout drapo

https://youtu.be/rW7ntvygyAk?feature=shared

02/03/2025

Ayo banna la Ravine a Jacques la monté laba lazaré
La stel omaz nout bann dada Sintomer, Fuma sanm Dédé la soté
Agard koman galé la boulé ziska ousa nou la touzour rann omaz nout bann promyé zansét la riv par bato
Anon armét lamour pou rokomans sak la pi
Lo mir la sa lo mir lo promyé lazaré, nout bann la pase terla, sanm zot fors na kontinyé lo konba
Lo bann zimaz i sort sanm vitry

02/11/2024

Get sa koman lé zoli dann
komémorasyon la Révolt Éli 2024

Adresse

281 Rue Georges Pompidou
Saint-Leu
97436

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Komité Éli publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.