05/01/2026
✨ ✨✨بزمِ اردو قطر نے 4 جنوری کو ہوٹل شیزان میں بزم کے اراکین کے ساتھ ایک خصوصی نشست کا اہتمام کیا، جس کا مقصد 26 دسمبر 2025 کو منعقد ہونے والے تاریخی اور شاندار عالمی مشاعرہ کی کامیابی کا جشن منانا تھا۔ اس موقع پر نہ صرف عالمی مشاعرے کی شاندار کامیابی پر مسرت کا اظہار کیا گیا بلکہ آئندہ پروگراموں کے حوالے سے تفصیلی تبادلۂ خیال بھی کیا گیا۔
اس نشست میں بزم کے جنرل سیکریٹری جناب احمد اشفاق نے تمام اراکین کی انتھک محنت اور خلوص کو سراہتے ہوئے کہا کہ یہ عظیم کامیابی کسی ایک فرد کا نتیجہ نہیں بلکہ بزمِ اردو کے تمام اراکین کی مشترکہ کوششوں کا نتیجہ ہے، اور ہم مستقبل میں بھی باہمی تعاون اور اتحاد کے ساتھ اپنا سفر جاری رکھیں گے۔
اس موقع پر بزم کے عہدیداران کی موجودگی کچھ یوں تھی:
جنرل سیکریٹری: جناب احمد اشفاق
سیکریٹری: جناب راقم اعظمی
سوشل میڈیا انچارج: جناب محمد عمران
خزانچی: جناب علی اشہد اعظمی
مشیران: جناب اطہر اعظمی اور جناب یاور حسین
اس کے علاوہ ہمارے معزز اراکین جناب ندیم جیلانی اور جناب منصور اعظمی بھی شریک تھے۔
مہمان شاعر جناب فراز ادیبی اور بھارت سے تشریف لانے والے معزز مہمان جناب غضنفر صاحب کی شرکت نے اس نشست کی وقار اور رونق میں مزید اضافہ کیا۔
عشائیے کے بعد یہ خوشگوار اور یادگار نشست اختتام پذیر ہوئی، جس پر جناب احمد اشفاق نے دل کی گہرائیوں سے تمام شرکاء کا شکریہ ادا کیا۔
