کلامِ اشفاق

30/05/2026

چراغِ سحر
نسیمِ سحر چھیڑتی ہے رُباب
کہ بیدار ہوئے خوابیدہ گلاب

شبنم کے موتی پر پڑتی کرن
دھنک بن کے رنگوں میں نکھرتی کرن

فلک سے اترتی ہے اُجلی ضیا
کرنوں میں لپٹتی سنورتی ضیا

شبنم کے قطروں کو حدت ملی
گُلابوں کی خوشبو ہوا میں گھلی

چمکنے لگی شاخ پر روشنی
مچلنے لگی تتلیوں کی بنسی

فضا میں پرندوں کا نغمہ بہا
کہ شب کی خموشی کا پردہ گرا

گھٹائیں سنہری ردائیں لیے
پہاڑوں کی چوٹی پہ ادائیں لیے

صبا گنگناتی ہوئی چل پڑی
بہار اپنی خوشبو میں ڈھلنے لگی

چراغِ سحر نے دکھایا سماں
یہ منظر، یہ قدرت، یہ رنگین جہاں

شاعر: اشفاقؔ احمد بھٹی

29/05/2026

29/04/2025

غزل

دست و پا میں نہ زنجیر کی گنجائش ہے
بندِ قفس میں مگر تکبیر کی گنجائش ہے

جان بخشی کی تمنا نہیں ہے اہلِ جنوں میں
دار پہ چڑھنے میں نہ تاخیر کی گنجائش ہے

ہر موڑ پر شب کی سیاہی کی گھات ہے
لیکن شبِ تار میں تنویر کی گنجائش ہے

ویران دل کے در و بام خاموش کیوں ہیں، سن
ان خوابوں میں بھی تعبیر کی گنجائش ہے

عملِ پیہم ہو اگر دیدۂ بیدار کے نام
پھر نہ تفصیل، نہ تفسیر کی گنجائش ہے

خواب ٹوٹے تو ہوئی دیدۂ دل کی تطہیر
دشت میں پھر نئی تعمیر کی گنجائش ہے

سر بسر سجدۂ شوق میں گزر جاتی ہے عمر
اب فقط دید کی تاثیر کی گنجائش ہے

اشفاقؔ شکوہ نہ کر تنگیِ دامانِ امیدِ حیات کا
تقدیر میں ابھی تدبیر کی گنجائش ہے

23/07/2024

Welcome, friends! Dive into a world of love,ideas and inspiration. Your journey starts here.