10/09/2026
ہارٹیکلچر ایجنسی سرگودھا آفس میں محفل میلاد کا انعقاد، تقریب میں ڈائریکٹر ہارٹیکلچر اینڈ انجینئرنگ شہباز احمد سمیت دیگر آفیشلز/ سٹاف کی شرکت
ماہِ ربیع الاول کی مناسبت سے دفتر ہارٹیکلچر ایجنسی سرگودھا میں محفل میلاد کا اہتمام کیا گیا، اس موقع پر علماء کرام نے اظہار خیال کرتے ہوئے کہا کہ ربیع الاول پوری امتِ مسلمہ کے لیے خوشیوں، رحمتوں اور برکتوں کا مہینہ ہے، کیونکہ اسی مقدس مہینے میں حضرت محمد مصطفیٰ ﷺ کی ولادتِ باسعادت ہوئی۔ نبی کریم ﷺ کی سیرتِ طیبہ ہمارے لیے محبت، امن، رواداری، بھائی چارے اور انسانیت کی خدمت کا بہترین نمونہ ہے۔ ہمیں چاہیے کہ ربیع الاول کے موقع پر سیرت النبی ﷺ کا مطالعہ کریں اور آپ ﷺ کی تعلیمات کو اپنی عملی زندگی کا حصہ بنائیں۔
