13/06/2026
بڈھا بڑا مکار اور شاطر نکلا
لوگوں کو الو بنا کر
ٹرک کی بتی کے پیچھے لگا دیا
اس کے بیان کا ابتدائی حصہ درست تھا
لین دین کا مسئلہ تھا
میں لینا چاہتا تھا
وہ دینا نہیں چاہتی تھی
اسی پر بات بگڑ گئی
اور میں نے لوہے کے راڈ کے پے در پے وار کرکے اپنی بیوی کو قتل کر دیا
خبطی بوڑھے
نے اس سوچے سمجھے منصوبے کو غلط رنگ دے کر
اصل حقائق چھپائے
ذرائع کے مطابق خبطی بوڑھے کے پڑوسیوں نے اس کی قلعی کھول دی
کہ مقتولہ فالج کی مریضہ تھی
مقتولہ کے جسم کا آدھا حصہ فالج سے مفلوج اور متاثر تھا
متاثرہ خاتون عرصے سے صاحب فراش تھیں
وہ کئی سالوں سے بستر مرگ پر پڑی ہوئی تھی
اسی خاتون کی ملکیت میں ایک چپل کی دکان تھی
یہ گھناؤنا کھیل مقتولہ کے اسی دکان کو ہتھیانے کے لیے کھیلا گیا
اس کھیل میں یہ خبطی بڈھا اکیلا نہیں تھا
اس کے بچے بھی شریک تھے
خاتون دکان دینا اور بیچنا نہیں چاہتی تھی
خبطی بڈھا اور اس کے بچے یہ دکان لینا اور بیچنا چاہتے تھے
اس میں سب سے بڑی رکاوٹ مقتولہ تھی
خبطی بوڑھے اور اس کے بچوں نے مقتولہ کا کام تمام کرکے اسے راستے سے ہٹا دیا
دکان کے لین دین کے معاملے کو غلط رنگ دے کر وقتی طور پر اس خبطی بوڑھے کو آگے کرکے قربانی کا بکرا بنا دیا
بعد میں اس کے بچے یہ کہہ کر راضی نامہ دے کر خبطی بوڑھے کو قید سے رہا کرا لیں گے کہ ہم نے اپنی مقتولہ والدہ کا خون بہا قصاص و دیت اپنے اس خبطی بوڑھے ابا کو معاف کرکے بخش دیا ہے
اور بعد میں مقتولہ کے اس دکان جو وہ دینا اور بیچنا نہیں چاہتی تھی
کے وارث بن کر اسے فروخت کرکے مال کھائیں گے
بیشک اس کے لیے مقتولہ کا سر کھانا پڑا
اس واقعے کی شفاف تحقیقات کی جائے
اور اس میں ملوث تمام کرداروں کو کیفرِ کردار تک پہنچایا جائے
