خوابوں کے باسی

خوابوں کے باسی "Welcome to a world where dreamers thrive and imagination knows no limits.

A place for thinkers, creators, and believers—where dreams inspire action and possibilities become reality".
🥀

26/07/2026

ہم کہتے ہیں "اگر میں اس کی جگہ ہوتا تو کبھی ایسا نہ کرتا۔" لیکن حقیقت یہ ہے...
آپ اس کی جگہ نہیں ہیں۔
آپ کی پرورش الگ تھی۔
آپ کے حالات الگ تھے۔
آپ کے تجربات الگ تھے۔
اسی لیے انصاف کا تقاضا یہ ہے کہ پہلے سمجھیں... پھر فیصلہ کریں۔

اگر آپ چاہتے ہیں کہ گھر میں جھگڑے کم ہوں، دوستیاں مضبوط ہوں، بچے آپ پر ٹرسٹ کریں، اور لوگ آپ کو سمجھدار انسان سمجھیں... تو صرف اپنی آنکھوں سے دنیا نہ دیکھیں۔
کبھی کبھی دوسروں کی آنکھوں سے بھی دنیا دیکھنے کی کوشش کریں۔

شکریہ

23/07/2026

ہر انسان ایک سوال کے مطابق زندگی گزارتا ہے "اس میں میرا فائدہ کیا ہے؟"

یہ خودغرضی نہیں... بلکہ انسانی نفسیات ہے۔ ہم ہر فیصلے سے پہلے شعوری یا لاشعوری طور پر یہی سوچتے ہیں۔ مجھے کیا ملے گا؟ میری زندگی کیسے بہتر ہوگی؟ میری عزت ہوگی یا مجھے سکون ملے گا؟

اسی لیے اگر آپ لوگوں کو صرف اپنی ضرورت بیان کریں گے تو وہ کم متاثر ہوں گے۔ اگر آپ ان کا فائدہ دکھائیں گے تو وہ خود تیار ہو جائیں گے۔

ایک والد اپنے بیٹے سے کہتا ہے "جا کر پڑھائی کرو، میں کہہ رہا ہوں!" اب بیٹا شاید کتاب تو کھول لے... لیکن دل وہاں نہیں ہوگا۔

اب دوسرا والد کہتا ہے "بیٹا، تمہارا خواب تو فوج میں جانا ہے نا، تم نے اسکالرشپ حاصل کرکے باہر جانا ہے نا؟ اگر آج محنت کرو گے تو کل وہ خواب حقیقت بن سکتا ہے۔"

اب بیٹا صرف والد کی بات نہیں مان رہا... بلکہ اپنے خواب کے لیے پڑھ رہا ہے۔ بس یہی تو فرق ہے 😊

17/07/2026

کبھی غور کیا ہے؟
شیطان کی کامیابی یہ نہیں کہ وہ تم سے گناہ کروا دے... بلکہ یہ ہے کہ وہ تمہارے دل کو گناہ کا عادی بنا دے۔

نفسیات کہتی ہے کہ جس عمل کو بار بار دہرایا جائے، وہ عادت بن جاتی ہے۔ پھر دماغ اسے معمول سمجھنے لگتا ہے، اور احساسِ ندامت آہستہ آہستہ کم ہونے لگتا ہے۔ اسی لیے قرآن بار بار دلوں کو جگاتا ہے، کیونکہ جب دل جاگتا رہے تو انسان غلطی کے بعد فوراً پلٹ آتا ہے، اور جب دل سو جائے تو غلطی بھی معمول لگنے لگتی ہے۔

آج ایک لمحہ اپنے دل سے پوچھو تو سہی۔۔۔۔
کیا میری حساسیت زندہ ہے؟ کیا مجھے آج بھی اپنی غلطی پر شرمندگی محسوس ہوتی ہے؟ یا میرا دل صرف دوسروں کی غلطیاں دیکھتا ہے؟

دل کی سختی ایک دن میں نہیں آتی... یہ ہر اُس غلطی کا نتیجہ ہوتی ہے جسے ہم نے معمول کہہ کر نظر انداز کر دیا۔

نہیں معلوم آپ اس وقت کس پریشانی میں ہیں، مگر یقین رکھیں کہ ایک دن ایسا ضرور آئے گا جب آپ سکون اور راحت میں ہوں گے، اور ...
10/07/2026

نہیں معلوم آپ اس وقت کس پریشانی میں ہیں، مگر یقین رکھیں کہ ایک دن ایسا ضرور آئے گا جب آپ سکون اور راحت میں ہوں گے، اور ان دنوں کو یاد کریں گے کہ کیسے اللہ نے ہر پریشانی میں آسانیاں عطا فرمائیں۔ بے شک اللہ اپنے وعدے کو پورا کرنے والا ہے کہ "ہر مشکل کے بعد آسانی ہے"۔ ☺️🥹🫀

*ایک شخص کہتا ہے:* *`جب میرے چھوٹے بچے مجھ سے کوئی فرمائش یا کسی کام کے لیے کہتے ہیں تو میں ان سے کہتا ہوں: نماز کے بعد ...
10/07/2026

*ایک شخص کہتا ہے:*

*`جب میرے چھوٹے بچے مجھ سے کوئی فرمائش یا کسی کام کے لیے کہتے ہیں تو میں ان سے کہتا ہوں: نماز کے بعد مجھ سے دوبارہ پوچھنا،`* کیونکہ اس وقت میرا مزاج
خوشگوار اور دل خوش ہوتا ہے۔
یہاں تک کہ میں جان بوجھ کر نماز کے فوراً بعد انہیں خود بلاتا ہوں اور بعض اوقات وہ درخواست بھی مان لیتا ہوں جسے پہلے رد کر چکا ہوتا ہوں، تاکہ وہ نماز کے میرے مزاج پر مثبت اثر کو محسوس کریں، اور ان کے دلوں میں نماز خوشی، سکون اور راحت کے ساتھ وابستہ ہو، نہ کہ صرف ایک فرض کے طور پر جسے ادا کرنا ہوتاہے" ۔ ۔"

تربیت کا ایک خوبصورت انداز 🌸

*لوگ کیا کہیں گے؟؟؟*🍁انسان اپنی زندگی کا سب سے قیمتی سرمایہ دوسروں کی رائے کے خوف میں ضائع کر دیتا ہے۔ وہ اپنے فیصلے اپن...
09/07/2026

*لوگ کیا کہیں گے؟؟؟*🍁

انسان اپنی زندگی کا سب سے قیمتی سرمایہ دوسروں کی رائے کے خوف میں ضائع کر دیتا ہے۔ وہ اپنے فیصلے اپنی خوشیاں اپنے خواب اور اپنی شناخت صرف اس لیے قربان کر دیتا ہے کہ کہیں لوگ کچھ نہ کہہ دیں۔ اور بدقسمتی سے راقم بھی ان لوگوں میں سے ایک ہےمگر حقیقت یہ ہے کہ لوگوں کی زبان کبھی خاموش نہیں ہوتی۔ وہ جیتے جی بھی تبصرہ کرتے ہیں اور مرنے کے بعد بھی صرف چند لمحوں کے لیے افسوس کا اظہار کر کے اپنی زندگیوں میں واپس لوٹ جاتے ہیں۔

آخرکار انسان کی پوری زندگی ایک جملے پر آ کر ختم ہو جاتی ہے

*" إِنَّا لِلَّهِ وَإِنَّا إِلَيْهِ رَاجِعُونَ "*

اس لیے اپنی زندگی لوگوں کی رضا کے لیے نہیں، اللہ کی رضا کے لیے گزارو۔ کیونکہ قبر میں نہ لوگوں کی تعریف کام آئے گی، نہ ان کی تنقید۔ وہاں صرف اعمال نیت اور اپنے رب کے ساتھ تعلق انسان کے کام آئے گا

Address

Rawalpindi

Website

Alerts

Be the first to know and let us send you an email when خوابوں کے باسی posts news and promotions. Your email address will not be used for any other purpose, and you can unsubscribe at any time.

Shortcuts

Share

Category