26/08/2021
رحیم یارخان میں اس مہینے واپڈا نے آ ٹھ سے دس دن لیٹ ریڈنگ کر کے عوام پر قصابی چھری چلائی اور غریب عوام کو 30فیصد تک اضافی بل کا ٹیکا لگایا۔
المیہ یہ ہے کہ ہماری عوام میں اکثریت واپڈا کے اس دو نمبر سسٹم سے نا واقف ہیں اور جو اس سسٹم کو سمجھتے ہیں وہ آواز نہیں اٹھاتے۔ تمام صارفین سے التماس ہے کہ اس ناانصافی کو سمجھ کر اس کے خلاف آواز اٹھائی جائے تو ادارے اس قسم کے ھتکنڈے استعمال کرنے سے بعض رہیں۔
مہنگائی کے اس دور میں غریب عوام گھر میں تین وقت کی روٹی سے تنگ ہے اوپر سے اداروں کی طرف سے اس قسم کی ناانصافی عوام کا بھرکس نکال رہی ھے۔ لاکھوں تنخواہیں دے کر عوامی خدمت کے لیے بٹھاے گئے افسران کے دماغوں پر ٹھنڈی مشینوں میں بیٹھ بیٹھ کر چربی چڑھی ہوئی ہے اس لیے ان کا دھیان اس طرف نہیں جا رہا۔ آ ج تک ہمارے کسی نام نہاد عوامی خدمت گزار MNA, MPA, DC, AC, یا واپڈا افسر کو توفیق نہیں ہوئی کہ وہ کسی سے اس بارے کوئی سوال کر لیں کیوں کہ اس قسم کی عوامی خدمت کر کے اس پر اپنے نام کی تختی لگانے کی جگہ نہیں ہوتی جھاں تختی لگا کر اپنی پوزیشن مضبوط کرنے کی ضمانت مل جائے اور لوگ ان کو یاد رکھ سکیں۔ ان خود غرض افسران سے سوال کرنے کی ہمت نہ سہی لیکن اس پوسٹ کو شیئر کر نے کا حوصلہ تو کرو۔
شائد کہ تیرے دل میں اتر جائے میری بات
ایک عام شہری کی آواز
