Fun World Wide

17/04/2026

singapore built a forest inside a city! Singapore is famous for combining nature with technology. Massive "Supertrees" collect solar energy and help cool the environment. 1,607 Buildings are covered with plants and green rooftops. Rainwater is also collected and reused across the city. A perfect example of how cities can grow while staying green. FLINTRA Add comment..

05/04/2026

Mehrdar Quetta❤

05/04/2026

05/12/2025

انتہاپسندی نہ منو❤

18/10/2025

14/10/2025

09/10/2025

Janaan.❤

درنو دوستانو السلام علیکم!
نن سبا په فیسبوک کي د منظور پښتین په باره کي زیات بحثونه کیږي. که څه هم چي زه له خپلي لومړۍ ځوانۍ څخه په دې پوه سوی یم چي د سیاست لپاره جوړ نه یم، خو د منظور پښتین ملاتړ د ټول پښتون قام له حقوقو څخه دفاع ده او زه باید د یوه پښتانه په حیث لبیک ورته ووایم.

زه ولي د منظور پښتین دفاع کوم؟ هغه منظور چي په ژوند کي مي یو ځل لیدلی نه دی؟ علت یې دادی چي ما په خپل ژوند کي د پښتنو بل داسي رهبر نه دی لیدلی چي په دومره ریښتیني ډول یې د ټول پښتون قام د یووالي غوښتنه کړې وي او نه مي په ژوند کي لیدلي دي چي د ټولو سیمو او قامونو پښتانه دي، په دومره اخلاص او د زړه له کومي، په چا پسي ولاړ سي.

منظور پښتین زما امام دی. ما په خپل ژوند کي هیڅ انسان د خپل امام په حیث نه دی منلی. او دا هم ځکه چي زموږ د دې ځوان مشر شعار د لر او بر یو افغان چیغه ده. پښتنو په خپل ټول تاریخ کي تر بې اتفاقۍ له بل هیڅ شي څخه دومره رنځ نه دی وړی. زما امام د پښتنو د همدغه دایمي رنځ د علاج کولو ږغ پورته کړی دی. زما له خپلو ټولو پښتنو وروڼو او خویندو څخه دا هیله ده چي که په ریشتیا د خپل زورېدلي پښتون قوم نېکمرغي غواړی نو د همدغه ځوان امام تر شا ودرېږی او زما په څېر اقتداء ورپسي وکړی.

زه دا منم چي د افغانستان او لري پښتونخوا د پښتنو ستونزي او غوښتني به توپیر سره لري. خو دې خبري ته ستاسي پام را اړوم چي پر لرو پښتنو باندي د پنجاب د استبداد د دوام علت د هغوی ترمنځ بې اتفاقي ده او همدغه رنځ د افغانستان د اوسېدونکو پښتنو په کور دی. دغه علت دی چي موږ په افغانستان کي تر داسي استبداد لاندي ژوند کوو چي د هیواد له اوسېدونکو څخه یې د تعلیم له حق څخه نیولې تر ټولو مدني آزادیو پوري حقوق سلب کړي او موږ د خپل هیواد مستبدینو ته هیڅ نه سو ویلای.

ځکه نو ویلای سم چي زموږ او د لرو پښتنو غوښتني که سره بیلي دي خو رنځ مو یو دی او علاج مو یو دی. د دې دایمي رنځ یوازینی علاج تر یوه بیرغ لاندي په راټولېدلو کي دی. خدای بیرغ راکړی او خدای رهبر راکړی دی. دا طلايي فرصت، چي قامونو ته په پېړیو کي یو ځل ترلاسه کیږي، له لاسه مه ورکوی. د ټولو هغو کسانو او مشرانو مخونه تور کړی چي تاسي په یوه او بل نامه سره بېلوي. څوک چي موږ په هر نامه سره بېلوي هغه زموږ د ټولو دښمن دی. څوک چي زموږ د قرنونو رنځ علاج کولو ته یې ملا تړلې ده هغه زموږ دغه ځوان رهبر منظور پښتین دی. د منظور پښتین دښمن د ټولو پښتنو دښمن دی.

ژوندی او بریالی دي وي زموږ ځوان مشر منظور پښتین.

عبدالباري جهاني

10/09/2025

17/03/2025

د شهید مفتي منیر شاکر په ویر کي

نن به زما پرکور وي ساندي سبا ستا پر مېنه غم دی
موږ د ویر په شپه پیدا یو د ښادۍ نصیب مو کم دی

موږ قسمت یو ژړولي موږ ازل یو پېژندلي
له هغه به څه ګیله کړو چي وهلی یې قلم دی

د نیکه توره راپاته د خپل ورور په وینو سره ده
تر برېتو مو ویني څاڅي د تربور سر مو قلم دی

قوم له قوم سره جنګیږو ورور پر ورور باندي بلوسیږو
یو د بل په وینو پایو طبیعت مو د لړم دی

یو د بل سترګو ته ګورو یوه بل ته ړانده وایو
د هیندارو له نېستیه پر دې ښار باندي ماتم دی

د عثمان ۱ نوبت پرون وو د منیر جنازه نن وړي
هدیرې دي د زلمیو شهید ښخ پر هر قدم دی

اتفاق په پښتانه کي خوشحال خانه پیدا نه سو
موږ پخپله ګناهکار یو غلیم خوشي په موږ ګرم دی

د دې قام په نصیب نه دي ویښي سترګي رسېدلي
چي ژوندي پر دنیا ګرځي دا لا هم د خدای کرم دی

کشکي نه وای زېږېدلی جهاني په دې وطن کي
لمر یې ورک دی په اسمان کي خړي دوړي دي تور تم دی.

یادونه۱: پښتون مبارزعثمان کاکړ، چي په عثمان لالا مشهور وو.

عبدالباری جهاني
د ۲۰۲۵ کال د مارچ شپاړسمه، ویرجینیا