21/08/2026
چمکنی کے 31 دیہات میں ایک بار پھر آپریشن کا اعلان کر دیا گیا ہے۔ آخر کب تک پشتونوں کو آپریشن، خوف، بدامنی اور بے دخلی کی سزا دی جاتی رہے گی؟ 2013 میں بھی آپریشن ہوا، آج پھر آپریشن کی بات ہو رہی ہے۔ اگر اتنے سالوں کے آپریشن کے باوجود مسئلہ ختم نہیں ہوا تو پھر سوال یہ ہے کہ آخر ناکامی کس کی ہے؟
اداروں سے ہمارا سیدھا سوال ہے: بار بار آپریشن کرنا، عام لوگوں کو اپنے گھروں سے نکالنا، ان کے کاروبار اور زندگی کو تباہ کرنا اور پوری قوم کو خوف میں مبتلا کرنا آخر کہاں کا انصاف ہے؟ آخر ان لوگوں کا قصور کیا ہے؟ کیوں انہیں بار بار ذلیل و خوار کیا جا رہا ہے؟
ہم نوجوانوں سے اپیل کرتے ہیں کہ اپنی تمام تر توانائیاں پُرامن اور قانونی جدوجہد کے لیے استعمال کریں۔ سوشل میڈیا پر متحد ہو کر اس آپریشن کے خلاف اپنی آواز بلند کریں، دنیا کو بتائیں کہ چمکنی کے عوام کے ساتھ کیا ہو رہا ہے۔
ہم علاقے کے مشران، علماء کرام اور سماجی رہنماؤں سے بھی اپیل کرتے ہیں کہ خاموشی اختیار نہ کریں، قوم کو متحد کریں اور عوام کے حقِ امن، عزت اور تحفظ کے لیے آواز اٹھائیں۔
پشتونوں کو مزید آپریشن نہیں چاہیے۔
ہمیں اپنے گھروں میں امن، عزت اور سکون چاہیے۔
بار بار آپریشن مسئلے کا حل نہیں، عوام کے زخم مزید گہرے کرنے کا راستہ ہے۔
