18/03/2024
جمعيت علماءِ اسلام سٽي پنوعاقل جي چئني يونٽن جي عھديدارن آئمه مساجد و خطباء حضرات جو اجلاس الفاروق مسجد ۾ منعقد ٿيو ، جنهن ۾ خصوصي شرڪت تعلقه امير محترم جگر گوشه حضرت ھاليجوي حضرت سائين غلام الله ھاليجوي صاحب ۽ تعلقه سيڪريٽري جنرل مولانا علي اڪبر عباسي صاحب جن فرمائي ،
اجلاس ۾ پنوعاقل شھر ۾ انڪروچمينٽ ڪارواين بابت جائزو ورتو ويو ،
ان موقعي تي حضرت سائين غلام الله ھاليجوي صاحب مولانا علي اڪبر عباسي صاحب علامه اظھر حسين الحسيني صاحب ۽ ٻين اجلاس ۾ انڪروچمينٽ ڪاروائي بابت تشويش جو اظهار ڪندي فرمايو ته جيڪڏھن انڪروچمينٽ ۾ امتيازي سلوڪ اپنايو ويو ته جمعيت علماءِ اسلام ڀرپور مزاحمت ڪندي ۽ شھرين سان گڏ ھوندي ، انڪروچمينٽ جي نالي شھر جون قديم مسجدون شھيد ڪرڻ جون تياريون ڪيون وڃن پيون جنھن جي سخت لفظن ۾ مذمت ڪيون ٿا اسان مسجد کي شھيد ڪرڻ جي ھر گز اجازت نه ڏينداسين جمعيت علماء اسلام اڳ به مساجد جو دفاع ڪيو آھي ۽ ھيئر به اسان مساجد جي تحفظ ۽ دفاع خاطر صف اول جو ڪردار ادا ڪنداسين
