Aibiz.Academy

07/05/2025

21/04/2025

ccdcdscsdcsd

26/01/2025

اے جذبۂ دل گر میں چاہوں ہر چیز مقابل آ جائے
منزل کے لیے دو گام چلوں اور سامنے منزل آ جائے

اے دل کی لگی چل یوں ہی سہی چلتا تو ہوں ان کی محفل میں
اس وقت مجھے چونکا دینا جب رنگ پہ محفل آ جائے

اے رہبر کامل چلنے کو تیار تو ہوں پر یاد رہے
اس وقت مجھے بھٹکا دینا جب سامنے منزل آ جائے

ہاں یاد مجھے تم کر لینا آواز مجھے تم دے لینا
اس راہ محبت میں کوئی درپیش جو مشکل آ جائے

اب کیوں ڈھونڈوں وہ چشم کرم ہونے دے ستم بالائے ستم
میں چاہتا ہوں اے جذبۂ غم مشکل پس مشکل آ جائے

اس جذبۂ دل کے بارے میں اک مشورہ تم سے لیتا ہوں
اس وقت مجھے کیا لازم ہے جب تجھ پہ مرا دل آ جائے

اے برق تجلی کوندھ ذرا کیا مجھ کو بھی موسیٰ سمجھا ہے
میں طور نہیں جو جل جاؤں جو چاہے مقابل آ جائے

کشتی کو خدا پر چھوڑ بھی دے کشتی کا خدا خود حافظ ہے
مشکل تو نہیں ان موجوں میں بہتا ہوا ساحل آ جائے

25/01/2025

محبت کی باتوں میں محبت کا دھوکہ ہے
وہ نادان سمجھنے پر دن رات روتا ہے
یہ تو کہنے کی باتیں ہیں ذرا محسوس کر کے دیکھو
سودا ایسا نہیں جو کہیں بازار میں بکتا ہے
مالی کو پھولوں پر پھولوں کو شبنم پر ناز ہوتا ہے
بس ننھے سے پودے کو گملے میں لگانا ہوتا ہے
محبت کی تلاش میں باہر نکلو ذرا دیکھو
کوئی بوتوں کو پوجتا ہے کوئی سجدوں میں گرتا ہے
محبت کر کے دیکھو پیغمبروں کی نسبت ہے
محبت میں فنا ہو کر وہی امر ہوتا ہے
کچھ نہ ایسا سوچنا تم کچھ نہ ایسا کہنا تم
جومنظور خدا ہو وہ ضرور ہوتا ہے
محبت کے وعدے محبت کی قسمیں بزم شام
کوئی پورا کرتا ہے کوئی مجبور ہوتا ہے

25/01/2025

تیرا خیال تیری تمنا تک آ گیا
میں دل کو ڈھونڈھتا ہوا دنیا تک آ گیا

کیا اتنا بڑھ گیا مری تشنہ لبی کا شور
سیلاب دیکھنے مجھے صحرا تک آ گیا

لیکن خزاں کی نذر کیا آخری گلاب
ہر چند اس میں مجھ کو پسینہ تک آ گیا

آگے رہ فراق میں آنا ہے اور کیا
آنکھوں کے آگے آج اندھیرا تک آ گیا

کیا ارتقا پذیر ہے انسان کا ضمیر
رشتوں کو چھوڑ چھاڑ کے اشیاء تک آ گیا

لیکن کسی دریچے سے جھانکا نہ کوئی رات
سن کر مری پکار ستارہ تک آ گیا

25/01/2025

یاد وہ عمر بھر رہے گا کیا...
دل اسی کام پر رہے گا کیا...

کیا بکھر کے رہیں گے خواب مرے...
آئنہ ٹوٹ کر رہے گا کیا...

کیا ہوا اب ادھر نہ آئے گی....
حبس یہ عمر بھر رہے گا کیا....

وہ جو اک شخص میرے اندر ہے...
میرے اندر ہی مر رہے گا کیا....

میں ہوا کی طرح ہوں آوارہ...
تو مرا ہم سفر رہے گا کیا..

نیند اڑتی رہے گی آنکھوں سے..
جشن یہ رات بھر رہے گا کیا....

11/01/2025

جو عشق چاہتا ہے وہ ہونا نہیں ہے آج...
خود کو بحال کرنا ہے کھونا نہیں ہے آج
آنکھوں نے دیکھتے ہی اسے غل مچا دیا
طے تو یہی ہوا تھا کہ رونا نہیں ہے آج
یہ رات اہل ہجر کے خوابوں کی رات ہے
قصہ تمام کرنا ہے سونا نہیں ہے آج
جو اپنے گھر میں ہے وہ ہے بازار میں نہیں
ہونا کسی کا شہر میں ہونا نہیں ہے آج
پھر طفل دل ہے دولت دنیا پہ گریہ بار
اور میرے پاس کوئی کھلونا نہیں ہے آج