11/08/2026
#نظم
مالھڻور جي پٽن تي ھِن،
آڙنگ جيان اکيون کُتل..!!
اک منهنجي حسرت مان،
ڏسي ٿي ڏُور منظر،
آنچل جي آڌار تي آئون،
ڪٽيا پيو سُور اندر،
آنچل منهنجي اکين ۾ ،
سُرمئي جيان آ سُموئيل،
ڀاونائون ڀونر وانگيان،
اُڏامن ٿيون مالھڻور ۾،
من منھنجو مختصر،
مُسافر آ مالھڻور ۾،
گھرن کان دُور آھي،
ڏوھر ۾ کُوھ ھڪڙو،
سرتين سان ھو سراسر،
اُڏائي ھوا ۾ آنچليو..!
اچي ٿِي پاڻ آنچل،
مالھڻور جي مَڙھي ۾،
سجُھي ٿِي سيم ھڪڙي ،
بيٺل آ وڻ وڍي تي ڊگھو ،
تِن جي ڇانوَ ھيٺيان،
کلياسين خُوب ٻئي ڄڻا،
ميڙي ٺِڪريون دِلنَ جيون،
رَمي سين دري راند آنچل،
چيو تو ھو ساري عمر
رھندو پنھنجو ساٿ آنچل،
وقت جي تراٽ تي پيار جا،
اُڏامي ويا اندر جا پنڇي،
خوف مان ڳوٺ ڇڏي،
ويٺس شھر ۾ سائين!!
سراسر سنگنل چاھت جا ،
مُڪمل موضوع رھيا مون ۾،
ڦري وقت ويو آ ھاڻي،
ساڻ تون به وئين ڦِري،
سچي منهنجي ڪھاڻي،
سگھي ڪونه محبت ماڻي،
آخر اچي فنڪشن ۾ سماڻي،
آسرن جا ڪڪر اُڀ تي،
ڏني گواھي اِھا ھئي آنچل،
سواءِ توبن سانوڻ سَويلو،
ڪَري ڳوڙو ڪونه ايندو ،
آڪاش شفاف ٿي ويو آ،
ٻڌُي دانھن منهنجي آنچل،
مالھڻور ۾ دل مُنهنجي،
مچي ڪونه مانھد ھئي،
ڏٺو جنھن ڏينھن کان توکي،
سراسر ويو آ چين فٽي،
سدائين اُلڪو رھيو تنھنجو ،
نشو الڪوحل جيان ذھن ۾،
ڄمي وئي جيءُ ۾ برف مثل،
جڙي بناوت وئي اندر ۾ تون،
مُحبت جو ٽينٽ لڳايو تو،
دل جي واڌي تي آنچل،
قسم ڪي کنيائين، توکان..
دُور منهنجي دنيا ناھي،
ازل ۽ ابد توساڻ آئون،
تو ۾ ڪائنات منهنجي،
ڪھڪشائن کان وَڌ،
ڏنيون تو آٿتون مُون کي،
وسارڻ تو کي جانان..!
مرڻ سريکو آئون ڀانيان،
مُحبت تنھنجي ۾ پاڳل،
آنچل آئون ئي آھيان..!!
سواءِ توبن سڃو مٺي ۾،
آنچل آئون ئي آھيان...!!
