Muhammad Qasim Afzaal Siddiqui

21/03/2026

تمام عالم اسلام کو دلی عید مبارک

اللہ پاک سے دعا ہے جہاں کہیں بھی مسلمان محکوم و محصور ہیں ، اللہ انہیں نجات عطا فرمائے اور عید کی خوشیاں نصیب فرمائے

آمین

19/03/2026

اُن کے اوصاف جو گفتار میں آجاتے ہیں
چاند تارے مری دستار میں آجاتے ہیں

رنگ سیرت کے جو کردار میں آجاتے ہیں
پہلو تاریک بھی انوار میں آجاتے ہیں

نکہتِ احمدِ مختار میں آجاتے ہیں
پھول کیا خار بھی مہکار میں آجاتے ہیں

دو جہانوں کا اگر حسن سمیٹا جائے
جلوے سب آپکے رخسار میں آجاتے ہیں

آیئنہ انکو بنانے سے سنورتی ہے حیات
رنگ تطہیر کے سنگھار میں آجاتے ہیں

بارِ عصیاں سے قدم چور ہیں ، لیکن ہے کرم
ذکرِ سرکار سے رفتار میں آجاتے ہیں

آسمانوں کے زمینوں کے احاطے سارے
آپ کی وسعتِ پرکار میں آجاتے ہیں

مجھ سے بے مول بھی رحمت کی عطاؤں کے سبب
"قریہ ءِ مدحتِ سرکار میں آجاتے ہیں"

سر علی سے وہ بچا کر تو دکھائیں اپنا
جو بھی دشمن زدِ تلوار میں آجاتے ہیں

توڑنا ہو جو کہیں قوت باطل کا جمود
سب ہنر بازؤے کرار میں آجاتے ہیں

رب کے محبوب نے مانگی ہے دعا رب کے حضور
لو عُمر دامنِ سرکار میں آجاتے ہیں

یوں تو اشعار بنانے نہیں آتے قاسم
مدحتِ سیدِ ابرار میں آجاتے ہیں

شاعر قاسم افضال صدیقی اپنا کلام پیش کرتے ہوئے

17/03/2026

16/03/2026

سلام اے حیدرِ کرار اے شیرِ خدا تم پر
ملاحظہ فرمائیے ، سلام کی صورت میں منقبت
آواز و شاعری:- قاسم افضال صدیقی

14/03/2026

سلام اے حیدرِ کرار اے شیرِ خدا تم پر
سلام اے شوہرِِ زہرہ ، رفیقِ مصطفیٰ تم پر

سلام اے خندق و بدر و اُحد میں دھاڑنے والے
سلام اے دینِ مصطفوی کے جھنڈے گاڑنے والے

سلام اے مردِ میدان عمل اے شیر یزدانی
سلام اے بابِ شہرِ علم و حکمت نورِ ایمانی

سلام اے قوتِ باطل کی ہیبت توڑنے والے
سلام اے ہر تنی گردن زمیں سے جوڑنے والے

سلام اے نعرہ تکبیر سے للکارنے والے
سلام اے سورماؤں کو گرا کر مارنے والے

سلام اس پر کہ جس نے لشکرِ ظلمت پچھاڑا ہے
وہ جس نے زور بازو سے در خیبر اکھاڑا ہے

سلام اس ضربت حق پر کہ جسکا وار کاری ہے
جہانِ کفر میں اب تک علی کا خوف طاری ہے

دوارہ علم کا جس کو دیارِ علم نے بولا
نبی نے خود یہ فرمایا کہ بولو سب علی مولا

سلام اس پر جو بولی تو کڑک تیری نظر آئی
خطابِِ شاہزادی میں جھلک تیری نظر آئ

سرِ دربارِ ظالم علم کا دریا ہُوا جاری
مخاطب جب ہوئی زینب تو سکتہ ہوگیا طاری

لہو کے بحر سے لڑ کر سفینے کو سنبھالا ہے
علی کی آل سے دینِ نبی (ص) کا بول بالا ہے

علی بچپن سے لیکر تادمِ آخر عبادت تک
غریقِ عشقِ پیغمبر ولادت سے شہادت تک

علئ کی آل پہ قاسم اگر قربان ہو جاؤں
بروز حشر نذرانہ لئے میں سرخرو جاؤں

#مولاعلی

10/03/2026

اصحابِ بدر ❤️

17/02/2026

تیرگی میں جگمگاتی روشنی کی بات ہو
دہر میں چاروں طرف آلِ نبی کی بات ہو

جن کے در کی بھیک پر ہی پل رہا ہے کل جہاں
خانوادہ ءِ رسولِ ہاشمی کی بات ہو

قصرِ شاہی کی طلب ہے نہ حشم کی آرزو
فاطمہ زہرہ کے در کی نوکری کی بات ہو

آج بھی باطل لرز جاتا ہے جسکے نام سے
اس علیُ المرتضیٰ حق کے ولی کی بات ہو

اپنی گردن ہی نہیں، کٹوا دیئے معصوم بھی
شہسوارِ کربلا ابن علی کی بات ہو

خیر و شر کی جنگ میں دستِ خزاں نے نوچ لیں
گلشنِ شیرِ خدا کی ہر کلی کی بات ہو

باپ کے لہجے میں گرجی ظلم کے دربار میں
فاتحِ خیبر کی زینب شیرنی کی بات ہو

ذکر اہلِ بیت کی تطہیر کا جب کیجئے
پھر نہ قاسم اور کوئی بھی کسی کی بات ہو

15/02/2026

نئے اشعار کے ساتھ ۔۔

05/02/2026

چنیوٹ مشاعرے کا ویڈیو کلپ ملاحظہ فرمائیں
مکمل حاضری