Sibtain Raza

27/01/2026

سیوا آرٹ سوسائٹی مشاعرہ

Sibtain Raza is a contemporary Urdu poet from Lahore, Pakistan, celebrated for his poignant and emotionally resonant poetry. His work encompasses a range of ...

10/10/2024

دل اگر لبریز ہے اک چشمۂ پُرآب سے
بے تعلق تو نہیں ہے آنکھ بھی سیلاب سے

آ رہے ہیں روز کیسے مشورے گرداب سے
کشتیوں میں ہو رہے ہیں لوگ کیوں بے تاب سے

ڈھونڈتا رہتا ہوں چہرے رفتگاں کے رات بھر
دیکھتا رہتا ہوں دن بھر جانے کیسے خواب سے

جانے کیا بے نام سی شے کھینچتی ہے اُس طرف
کچھ تعلق تو ہےمیرا قریۂ مہتاب سے

کچھ تو ہو اخلاص کی صورت تعلق کیلئے
جاں نکلتی ہے فقط اس گرمیٔ احباب سے

چھپ نہیں پائے ترے غازے کے پیچھے وسوسے
دل کی ویرانی عیاں تھی حالتِ شاداب سے

ان گنت انمول لمحوں کا خزانہ ہے یہاں
ہر گھڑی اک یاد ملتی ہے مرے اسباب سے

ایک جیسی چھینا جھپٹی ہر طرف ہے گامزن
گاؤں بھی واقف ہوا ہے شہر کے آداب سے

احتیاجِ شورشِ دل اس لیے مجھ کو نہیں
تنگیٔ داماں ہے بہتر وسعتِ گرداب سے

حضرتِ اقبال اور مرشد مجید امجد، سلام
اردو کو ٹھنڈی ہوا ملتی رہے پنجاب سے

خود کو ہر الزام دینا چھوڑ دے سبطین اب
دوستی کرنا ضروری بھی نہیں اعصاب سے

سبطین رضا
#سبطین

26/09/2024

نہاں بھی ہوں، ذرا سا میں عیاں بھی
کوئی ہے جسم و جاں کے درمیاں بھی

گماں کے سامنے ہے بدگماں بھی
کہاں تک دیکھئے خوابِ گراں بھی

ہمارے سامنے بیٹھی تھی دنیا
کسی کے پاس تھا اپنا نشاں بھی؟

مرے اندر کہیں جنگ و جدل ہے
مرے اندر مسلسل ہے اذاں بھی

اترتی ہے فلک سے خاک، یعنی
کوئی موجود ہے ہم سا وہاں بھی

میں خود کو ڈھونڈنے نکلا تو دیکھا
مسخر ہو رہا تھا آسماں بھی

بہت دن سے غزل بے سُدھ پڑی ہے
ہوئے ہیں بے اثر حرف و بیاں بھی

ہیں مصروفِ تماشا، اُس گلی میں
چراغاں بھی، چراغوں کا دھواں بھی

فقط ہے میڈیائی شور برپا
کہ چپ ہیں اب یہاں اہل زباں بھی

سب اپنی اپنی منزل کو رواں ہیں
خدا بھی اور خدائی کی دکاں بھی

نہیں سبطین کچھ بھی دسترس میں
وہاں بھی بے ارادہ ہم، یہاں بھی

سبطین رضا
#سبطین

25/05/2024

https://www.youtube.com/watch?v=0mZjBBQ3Dnc

One of the most romantic songs from Bollywood, which has a fresh appeal even today, it reveals the intensity of the love between Jeevan Thakur and Nalini. On...

01/05/2024

ملکہ ترنم کی آواز پنجاب کی ثقافت کا لازمی جزو ہے

11/11/2023

ایک غزل، دوستوں کی نذر ۔۔۔

ہر گام ہیں برائے سخن، محترم پڑے
آوارگاں پہ سایۂ لطف و کرم پڑے

زلفِ دراز، سرخیٔ لب، بانکپن کا حسن
ایسے جہانِ معنی کو تصویر کم پڑے

خوابیدہ ماہ و سال نے تسخیر کرلیا
وہ لمحہ جس سے اجلے خیالوں میں خم پڑے

دیوانہ وار خود کو سنبھالے ہوئے ہیں لوگ
یوں زندگی ہے جیسے قدم پر قدم پڑے

اک یادِ خوش خیال نے دامن ہی بھر دیا
خوابوں کی جستجو میں زمانے بھی کم پڑے

کیا کیا نہ اک سفر سے کھلا بھید راہ کا
رستے میں رہ گئے ترے دیر و حرم پڑے

وہ وصل کیا کہ جس میں لہو منجمد نہ ہو
وہ ہجر کیا کہ جس سے نہ آنکھوں میں نم پڑے
سبطین رضا

Har gaam heiN bara e sukhan, mohtaram paday
aawargaaN pe saaya e lutf o karam paday

zulf e daraaz, surkhi e lab, baankpan ka husn
aesay jahan e maani ko tasveer kam paday

khabeeda maah o saal ne taskheer kar lia
woh lamha jis se ujlay khayaloN meiN kham paday

deewana waar khud ko sanbhalay hoay heiN log
yuN zindagi hae jaesay qadam par qadam paday

ik yaad e khush khayaal ne daaman hi bhar diya
khaaboN ki justaju meiN zamaanay bhi kam paday

kia kia na ik safar se khula bhed raah ka
rastay meiN reh gaey teray daer o haram paday

woh wasl kia keh jis meiN lahoo munjamid na ho
woh hijr kia keh jis se na aankhoN meiN nam paday

Sibtain Raza