19/06/2022
ملک محمد افضل کھوکھر اور ایم پی اے کرنل ریٹائرڈ رانا محمد طارق کے نام کھلا خط
علی حسین آباد، مراکہ کوارٹرز رانا ٹاؤن،مدینہ کالونی ،ڈیرہ گنگاں والا کی آبادی 75 ہزار سے زائد افراد پر مشتمل ہے یہاں کے مکینوں کا اہم مسئلہ قبرستان کا ہے مراکہ کوارٹرز اور علی حسین آباد کے قبرستان اس وقت فل ہو چکے ہیں اور یہاں مردوں کو دفنانے کے لئے کوئی جگہ نہیں ہے مندرجہ بالا علاقوں میں اگر کسی کا انتقال ہو جائے تو اسے دفنانے کے لئے کہیں جگہ نہیں ملتی ہمیں پتہ چلا ہے کہ ڈیرہ گنگاں والا کے قریب 88 کنال سرکاری زمین پڑی ہے جو ایک سال قبل قبضہ گروپوں سے واگزار کرائی گئی تھی اس میں سے آج دو ایکڑ 8 مرلے اراضی کرسچین کمیونٹی کو سرکاری سطح پر قبرستان کے لئے الاٹ کر دی گئی ہے اسی کھاتے میں سے جو بقیہ اراضی خالی پڑی ہے اس کو قبرستان کے لئے الاٹمنٹ کروا کر 75 ہزار افراد کا یہ مسئلہ ہنگامی بنیادوں پر حل کروایا جا سکتا ہے ہم اہلیانِ علی حسین آباد لوہاراں والا کھوہ رانا ٹاؤن ،مراکہ کوارٹرز اور مدینہ کالونی آپ لوگوں سے مشترکہ طور پر مطالبہ کرتے ہیں کہ آپ وزیر اعلیٰ پنجاب حمزہ شہباز شریف ڈی سی اے سی رائےونڈ اور دیگر اعلیٰ حکام سے بات کر کے ہمارا یہ مسئلہ ترجیح بنیادوں پر حل کروانے کی کوشش کریں اہل علاقہ مسلم لیگ ن کی مقامی قیادت رانا حسنین احمد خان ، رانا مبشر احمد خان اور ملک ریاض محمود سے بھی اپیل کرتے ہیں کہ وہ اس مسئلے کے حل کیلئے ہمارے ساتھ شانہ بشانہ کھڑے ہوں
