Viral Things Of Pakistan

06/05/2026

حکومت پاکستان کی بجٹ 2026-27 کی تیاری کے لیے آئی ایم ایف سے ابتدائی ورچوئل مشاورت جاری ہے۔ جیو نیوز کے مطابق عالمی مالیاتی فنڈ (آئی ایم ایف) نے حکومت پاکستان سے مطالبہ کیا ہے کہ پیٹرولیم مصنوعات پر سبسڈی جاری نہ کی جائے، آئی ایم ایف نے مطالبہ کیا ہے کہ آئندہ بجٹ میں ٹیکس کی چھوٹ اور رعایتیں کم سے کم رکھی جائیں، بجٹ میں ٹیکس نیٹ وسیع کرنا، سیلزٹیکس استثنیٰ میں کمی، اخراجات مزید کم کرنے کی تجاویز بھی دی گئی ہیں، اس کے علاوہ آئی ایم ایف کا کہنا ہے کہ ٹیکس ٹو جی ڈی پی شرح میں کم از کم ایک فیصد اضافہ کیا جائے۔ رپورٹ کے مطابق حکومت اور آئی ایم ایف کے درمیان آئندہ بجٹ کے لیے اہم اہداف طے کیے جا رہے ہیں، عالمی حالات میں بہتری اور معاشی اصلاحات سے آئندہ مالی سال کی درمیانی مدت میں شرح نمو کا ہدف 5.5 فیصد تک رہنے کا امکان ہے۔

05/05/2026

😥

04/05/2026

ملک بھر میں سونے کی فی تولہ قیمت میں 3800 روپے کی کمی ریکارڈ کی گئی ہے۔ آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 3800 کی کمی ہوئی ہے جس کے بعد ایک تولہ سونا 4لاکھ 79ہزار 962 روپے کا ہوگیا ہے۔ ایسوسی ایشن کے مطابق اسی طرح 10 گرام سونے کا بھاؤ 3 ہزار 257 روپے کم ہوکر4لاکھ 11ہزار 490 روپے ہوگیا ہے۔ دوسری جانب عالمی بازار میں سونے کا بھاؤ 38ڈالر کم ہوکر 4576 ڈالر فی اونس ہے۔

04/05/2026

نارتھ کراچی: سیکٹر 5-D عثمانیہ مسجد میں نماز کی ادائیگی کے دوران ایک نمازی دورانِ نماز اچانک انتقال کر گیا ۔
ایدھی ذرائع کے مطابق متوفی شدید گرمی کی شدت برداشت نہ کر سکا، جس کے باعث اس کی طبیعت بگڑ گئی اور وہ موقع پر ہی دم توڑ گیا۔

04/05/2026

04/05/2026

ڈپٹی ڈائریکٹر محکمہ موسمیات انجم نذیر ضیغم نے کہا ہے کہ 7 مئی سے سندھ میں ہیٹ ویو کی ایک اور لہر آئے گی، کراچی میں 13 مئی سے ایک بار پھر درجہ حرارت بڑھے گا۔ ڈپٹی ڈائریکٹر کا کہنا تھا کہ شہر میں آج پارہ 43 ڈگری سینٹی گریڈ کو چھونے کا امکان ہے، آج صبح کے اوقات میں ہی درجہ حرارت 40 ڈگری سے تجاوز کر گیا تھا، موسم اس وقت شدید گرم اور خشک ہے، شہر میں گرم ہوائیں چل رہی ہیں، نمی کا تناسب صرف 8 فیصد ہے۔ انہوں نے کہا کراچی میں کل سے درجہ حرارت میں کمی کا امکان ہے اور شہر میں بارش کا کوئی امکان نہیں ہے۔

07/04/2026

کراچی میں بچوں میں خسرہ، چکن پاکس اور ممپس کے کیسز بڑھنے لگے ہیں۔ جنگ نیوز کے مطابق حکام کا کہنا ہے کہ سرکاری اسپتالوں کی او پی ڈی میں روز 3 سے 4 بچے ان ہی علامات کے ساتھ لائے جا رہے ہیں، اسپتال حکام کا یہ بھی کہنا ہے کہ خسرہ، چکن پاکس اور ممپس کی علامات میں بخار، جسم درد اور جلد پر دانے شامل ہیں۔ دوسری جانب طبی ماہرین کا کہنا ہے کہ بدلتے موسم میں وائرل انفیکشنز کا پھیلاؤ بڑھ جاتا ہے۔ ماہرین نے ہدایت کی ہے کہ بچوں کو خصوصاً خسرہ اور چکن پاکس کی ویکسین بر وقت لگوائیں۔

04/04/2026

03/04/2026

🚫 آج نہیں تو کبھی نہیں!
اگر واقعی مہنگائی کا مقابلہ کرنا ہے تو سب مل کر آواز اٹھائیں
⛽ پٹرول ڈیزل کا مکمل بائیکاٹ کریں
🚗 پہیہ جام کریں — یہی عوام کی طاقت ہے