25/09/2023
کچن گارڈننگ کی تیاری شروع
پنجاب میں میدانی علاقوں میں مختلف سبزیوں مثلاً آلو، پیاز، گوبھی، گاجر، مولی، شلجم ،لہسن اور پالک وغیرہ کی کاشت کے لئے نومبر تک کا موسم موزوں ہے. ہمارے ہاں نوے کی دہائی تک گھریلو باغبانی کا بہت رجحان تھا، مصالحے گھروں میں ہی تیار کئے جاتے، بلکہ کہا جاتا کہ ہم صرف نمک بازار سے خریدتے ہیں، اور نمک بھی پاؤڈر کی صورت میں نہیں ہوتا تھا بلکہ نمک کے بڑے بڑے پتھر آتے اور پھر خواتین انہیں پیس کر استعمال کرتیں، لیکن پھر وقت کے ساتھ ساتھ ہمارا طرزِ زندگی جدید ہوتا گیا. سب کچھ بازار میں دستیاب ہو گیا اور کیمیکل زدہ سبزیاں اور ملاوٹ شدہ مصالحے وہیں سے آنے لگے.
لیکن اب پھر ایسا وقت آ چکا ہے کہ کمر توڑ مہنگائی کی وجہ سے سبزی بھی عام آدمی کی پہنچ سے دور ہو گئ ہے.
لہذا میرے خیال میں اب پھر اگر گھریلو باغبانی کی جانب واپس لوٹا جائے تو اس میں کوئی حرج نہیں ہے.
