01/04/2023
اچھے لوگ آج بھی موجود ہیں جو معاشرہ میں بھلائی کا سبب بن رہے ہیں, گزشتہ روز شام 7 بجے میں سائٹ ایریا سے واپسی آرہا تھا گھر پہنچ کر میں نے جیب سے والٹ نکالا دوسری جیب میں ہاتھ دالا تو موبائل موجود نا تھا میں پریشان ہوگیا, میں نے اپنے نمبر پر کال لگائی تو ایک حضرت نے کال اٹھائی اور کہنے لگے بھائی میں ایک رکشہ ڈرائیور ہوں یہ شاید آپکا موبائل مجھے سائٹ ایریا شیرشاہ روڈ سے ملا ہے آپ پریشان نا ہوں آپکا موبائل باحفاظت میرے پاس موجود ہے میں ابھی عائشہ منزل سواری لیکر آیا ہوا ہوں تو آپ بتا دیں میں سواری چھوڑ کر آپکے پاس آجاتا ہوں, میں نے کہا میں تو صدر میں رہتا ہوں آپ کو دور پڑیگا آپ نا آئیں میں خود آجاتا ہوں آپ مجھے جگہ بتادیں, رکشہ والے بھائی نے مجھے فیڈرل بی ایریا بلاک 10 پر بلایا میں 20 منٹ میں وہاں پہنچ گیا, میں نے وہاں پہنچتے ہی رکشہ والے بھائی سے موبائل کے بارے میں دریافت کیا تو انہوں نے مسکراتے ہوئے میرا موبائل میرے حوالہ کردیا اور ساتھ کہنے لگا بھائی آپ اپنا موبائل تسلی سے دیکھ لیں, میں نے رکشہ والے بھائی کو گلے لگاکر شکریہ ادا کیا ساتھ ہی قریب ہی ریسٹورینٹ پر ساتھ کھانا کھانے کی پیشکش کی جس پر انہوں نے جواب میں کہا نہیں بھائی اس نیکی کا سلہ اوپر والا دیگا میری نیکی ضائع ہوجائگی, ﷲ پاک اس بھائی کے روزگار میں برکت عطا فرمائے۔
