18/07/2022
مکّہ میں حرم پاک کے بغل میں موجود یہ بازار "سوق اللیل " کے نام سے جاننا جاتا ہے - اس بازار کے اہمیت دوسرے بازاروں سے اس لیے زیادہ ہے کہ یہ بازار رسول الله صلی الله علیہ وسلم کے ظاہری زمانے یعنی مکّہ میں جب آپ صلی الله علیھ وسلم رہا کرتے تھے اس وقت سے موجود ہے - اور کیوں کہ اس زمانے میں اس مقام پر یہ بازار رات میں لگا کرتا تھا اس لیے اس کا نام " سوق اللیل " رکھا گیا تھا جس کے معنی ہیں " رات کا بازار " - عربی میں سوق ، بازار کو کہتے ہیں جبکہ لیل ، کے معنی رات کے ہیں -
گو کہ آج کا مکّہ پوری رات جاگتا ہے اور حرم کے چاروں اطراف موجود بازار پوری رات جگمگ کرتے رہتے ہیں لیکن صرف یہی وہ تاریخی بازار ہے جس کو سوق اللیلل کے پرانے اور تاریخی نام سے یاد کیا جاتا ہے - حرف عام میں اسے چھپڑا بازار بھی کہتے ہیں کیوں کہ اس پر شیڈ پڑے ہیں -
اگر آپ حرم کے "باب المروه " جہاں سعی مکمل ہوتی ہے ، باہر نکلیں یہ بازار سامنے نظر اتا ہے - یہیں قریب رسول الله صلی الله علیہ وسلم کی مبارک جائے پیدائش ہے اور یہ محلّہ شعب عامر کہلاتا ہے - گویا یہ بازار اس علاقے میں قائم ہے جو رسول الله صلی الله علیہ وسلم کا محلّہ مبارک تھا -
گو کہ حرم کی حدود کو بڑھانے کے لیے اب اس بازار کو ختم کیا جارہا ہے تا ہم اس کو ابھی کسی نہ کسی حالت میں دیکھا جا سکتا ہے
===============================================admin
MUAVIA
