05/11/2024
මගේ ලොව සුදු පැහැයෙන් හැඩ කළ Asher වෙනුවෙන් ලියමි,
නුඹ දන්නවාද ,
හිම මිදෙන සීතලක වුවත්
නුඹේ එක බැල්මකින්
මා අවුලවාලිය හැකි බව
නුඹ නිතර දෙවේලේ ගතලන
ස්වේත වර්ණයට
මා කොතෙක් ප්රේම කරනවාද කිවහොත්
යාවත්කාලීන වූ මගේ දිවියෙහි
අලුපාට දින
අලුපාට මිනිසුන්
අලුපාට හැඟීම්
මේ කිසිවකුත් නැත
මන්දයත් මා අලුපාට තුලින්
සුදු පැහැය පමණක් ම
පෙරා උලුප්පා ගැනීමට දරන තැත නිසාම මිසක
අලුපාට කිසිවක් මිහි මත නොවනවා ද නොවේ
ලා පැහැති වර්ණයන් තුළ
ඉඳහිටක නුඹ ද ගලපන තද වර්ණයන්
සැබවින් ම
නුඹෙන් මතුවන
නමුත් සඟවන
නොයෙක් රස මවන හැඟීම් පොදියට සමයි
ඉඳහිටකදි නුඹ පා කර එනව
මන්දස්මිතිය තුළ
අතරමංව බලා හිඳින මා
නැවත එතුලින්ම
නුඹ වෙතට ම මග කියන
ප්රේමණීය මිනිසෙක්
මේ ලොව වෙන කොහිද?
එහෙව් නුඹ නැති ලොවක
නිල් අහසක වුව ද
ස්වේත වළාවන් පෙනේවිද මට?
ඉතිං,
ආදරෙයි කියා ලියනවා මිස
වෙන කුමක් මා ලියා තබන්නද ?
|නෙතූ අනුත්තරා
(Mickey)
