Culture of Togh sarai

22/08/2026

ہنگو کے لیے وزیراعلیٰ سہیل آفریدی کے میگا پروجیکٹس کا اعلان!

یہ منصوبے صرف ہنگو کی ترقی نہیں بلکہ توغ سرائے اور گردونواح کے عوام کے لیے بھی بہتر سفری سہولیات، صحت، صاف پانی اور ترقی کی نئی امید ہیں۔

🔹 ہنگو تا سروزئی روڈ — مکمل فنڈنگ
🔹 ڈی ایچ کیو ہسپتال ہنگو — کیٹیگری C سے B میں اپ گریڈ
🔹 تورواری ڈیم — بڑا میگا پروجیکٹ
🔹 واٹر سپلائی اسکیم — تقریباً 2 ارب روپے
🔹 مزید اہم ترقیاتی منصوبے

19/08/2026

14/08/2026

13/08/2026

دونوں دوستوں کے لیے خصوصی دعائے مغفرت

مصطفیٰ نہایت خاموش، شریف اور ہمیشہ اپنے کام سے کام رکھنے والے انسان تھے۔ انہوں نے کبھی کسی کا برا نہیں سوچا۔ ان کے حجرے کے دروازے ہمیشہ یاروں، دوستوں اور ملنے والوں کے لیے کھلے رہتے تھے۔

گزشتہ دو سالوں سے وہ بالکل خاموش اور سب سے الگ تھلگ ہوگئے تھے۔ شاید اللہ تعالیٰ انہیں اپنی طرف بلانے سے پہلے گناہوں سے بچنے اور اپنی اصلاح کا موقع دے رہے تھے۔

اس سال ان کے قریبی دوست ظاہر، جو ہمیشہ ان کے ساتھ رہا کرتے تھے، بھی ہارٹ اٹیک کے باعث وفات پا گئے۔ اور کچھ عرصے بعد مصطفیٰ بھی ہارٹ اٹیک کے باعث اس دنیا سے رخصت ہوگئے۔

دونوں دوستوں کی جدائی یقیناً ان کے چاہنے والوں کے لیے بہت بڑا صدمہ ہے۔ اللہ تعالیٰ دونوں مرحومین کی کامل مغفرت فرمائے، ان کے درجات بلند فرمائے، قبر کو نور سے بھر دے اور انہیں جنت الفردوس میں اعلیٰ مقام عطا فرمائے۔

تمام دوست احباب سے دونوں مرحومین کے لیے خصوصی دعائے مغفرت کی درخواست ہے۔ آمین یا رب العالمین۔ 🤲

11/08/2026

إِنَّا لِلّٰهِ وَإِنَّا إِلَيْهِ رَاجِعُونَ
انتہائی افسوس کے ساتھ اطلاع دی جاتی ہے کہ گاؤں توغ سرائے، محلہ خرزون سے تعلق رکھنے والے حاجی نظیر بہادر کے صاحبزادے اور تنظیم صدر عمر بہادر کے بھتیجے محمد مصطفیٰ رضائے الٰہی سے وفات پا گئے ہیں۔
اللہ تعالیٰ مرحوم کی کامل مغفرت فرمائے، درجات بلند فرمائے اور لواحقین کو صبرِ جمیل عطا فرمائے۔ آمین 🤲
🕌 نمازِ جنازہ: آج رات 10 بجے ادا کی جائے گی۔
تمام احباب سے مرحوم کے لیے دعائے مغفرت کی درخواست ہے

05/08/2026

گورنمنٹ ہائی سکول توغسرائے کا نہم اور دہم جماعت کا رزلٹ انتہائی افسوسناک ہے۔ اگر واقعی 170 طلبہ میں سے 146 طلبہ فیل ہوئے ہیں، تو یہ صرف ایک سکول کا مسئلہ نہیں بلکہ ہمارے تعلیمی نظام کے لیے ایک سنجیدہ لمحۂ فکریہ ہے۔

غریب والدین، جو نجی سکولوں کی بھاری فیسیں اور دیگر اخراجات برداشت نہیں کر سکتے، آخر اپنے بچوں کو کہاں تعلیم دلوائیں؟

ہم اپنے اساتذہ کا احترام کرتے ہیں اور ان کی خدمات کی قدر کرتے ہیں، لیکن اتنے کمزور نتائج اس بات کی نشاندہی کرتے ہیں کہ تعلیمی معیار، تدریسی نظام، نگرانی اور جوابدہی پر فوری توجہ دینے کی ضرورت ہے۔

متعلقہ حکام سے گزارش ہے کہ اس رزلٹ کی شفاف تحقیقات کی جائیں، وجوہات معلوم کی جائیں اور طلبہ کے بہتر مستقبل کے لیے مؤثر اقدامات کیے جائیں۔

تعلیم ہر بچے کا بنیادی حق ہے، اور ہمارے بچوں کا مستقبل ہم سب کی مشترکہ ذمہ داری ہے۔

02/08/2026

💐 Culture of Togh Sarai
کی جانب سے محمد خارث کو شادی کی پرخلوص مبارکباد! 💐
اللہ تعالیٰ آپ کی نئی زندگی کو اپنی بے شمار رحمتوں، برکتوں اور خوشیوں سے مالا مال فرمائے، آپ دونوں کے درمیان ہمیشہ محبت، اتفاق اور سکون قائم رکھے، اور ہر قدم پر اپنی خاص رحمتوں کا سایہ عطا فرمائے۔

بارک اللہ لکما وبارک علیکما وجمع بینکما فی خیر۔

🌹 ڈھیروں مبارکباد اور نیک تمنائیں! 🌹

30/07/2026

کل کے المناک واقعے کے حقیقی ہیرو — سابق ناظم جناب فرمان خان

ہنگو کے افسوسناک واقعے میں جناب فرمان خان نے جس بے مثال بہادری، جرات اور انسان دوستی کا مظاہرہ کیا، وہ قابلِ تحسین ہے۔ انہوں نے اپنی جان کی پروا کیے بغیر شہداء اور زخمیوں کو موقع سے محفوظ مقام تک پہنچانے میں اہم کردار ادا کیا۔