ghulam e MOLA

18/08/2026

اللھم صل علی محمد و آل محمد

02/07/2026

خمسہ بر یکے شعر از احمد رضا راجا

حُسین مولا شہیدِ اعظم سلام میرا قبول سائیں
تمام عالم یہ کہہ رہا ہے سلام ابنِ رَسول سائیں۔

سَحابِ رحمت وَجود تیرا
تُو فخرِ آلِ رَسول سائیں
تُو شاہِ حیدر کے گھر کی رونق
تُو چینِ زہرا بتول سائیں
میں دشتِ عِصیاں کا خار ٹھہرا
تُو باغِ جنت کا پھول سائیں
حُسین مولا شہیدِ اعظم
سلام میرا قبول سائیں
تمام عالم یہ کہہ رہا ہے
سلام ابنِ رَسول سائیں

شَعورِ اِنسانیت کا مَحور
تُو عزم و ہمت وَفا کا پیکر
تُو قُدسیانِ فَلک کا کعبہ
تُو صبر و صدق و صفا کا سایہ
ہے حُکمِ ذِبْحٍ عَظِيم شاہد
تُو اس کی شانِ نزول سائیں
حُسین مولا شہید اعظم
سلام میرا قبول سائیں
تمام عالم یہ کہہ رہا ہے
سلام ابن رسول سائیں

تِرے کرم کا لئے سَہارا
پَڑا ہے دَر پر یہ سَگ تُمہارا
نہ غَم ہو تیرا تو پاس کیا ہے ؟
بَجز تُمہارے یہ داس کیا ہے ؟
نَواز ڈالو اسےبھی مولا
بِجاہِ زہرا بتول سائیں
حُسین مولا شہیدِ اعظم
سلام میرا قبول سائیں
تمام عالم یہ کہہ رہا ہے
سلام ابن رسول سائیں

سُخن جُدا ہے چَلن نِرالا
تُو شَب کی ظُلمت میں اِک اُجالا
زَمینِ کرب و بلا گواہ ہے
تو جانثاروں کی قبلہ گاہ ہے
حبیبِ کمتر کے سر کا سہرا
تمہارے پاؤں کی دُھول سائیں
حُسین مولا شہیدِ اعظم
سلام میرا قبول سائیں
تمام عالم یہ کہہ رہا ہے
سلام ابنِ رَسول سائیں

کلام ،،،،، احمد رضا راجا
خمسہ ازیں م ح
قندِ مکرر

28/06/2026

28/06/2026

یہ سورۂ صحیفۂ اَنوار کون ہے
امّ الکتابِ امّتِ اَحرار کون ہے

حبلُ الوریدِ خیمۂ تطہیر کے سوا
حبلُ المتینِ حلقۂ اَطہار کون ہے

اس شہ سوارِ دوشِ نبی کے سوا کوئی
مسند نشینِ صُفّۂ اَبرار کون ہے

ہے جُزوِ نعت، مدح یہ کس جانِ نور کی
یہ چشمۂ لطافتِ دیدار کون ہے

قربانیوں کے تیز تسلسل پہ مطمئن
روح و روانِ معنیِ ایثار کون ہے

یہ سجدہ ریز کون ہے بارانِ تیر میں
اے تشنگی، یہ قافلہ سالار کون ہے

اے نوکِ نیزہ، تیری شہادت بھی چاہیے
یہ آیتِ کریمۂ انکار کون ہے

ابنِ علی نہیں ہے تو اے دشتِ کربلا
مجھ کو بتا یہ صاحبِ کردار کون ہے

بیعت پہ شرحِ صدر یہاں پر کسے نہیں
اب دیکھ لیجیے کہ وفا دار کون ہے

اندوہ پر اجارہ وراثت نہیں کوئی
دل ہی سے پوچھیے کہ عزا دار کون ہے

اس کوفۂ دغا میں، دمشقِ مفاد میں
صدق و صفا کا آج طلب گار کون ہے

تیغ و نمک ہی مانعِ اظہار ہیں ہمیں
ورنہ کسے خبر نہیں غدار کون ہے

تاریخ جان دے کے اشارے تو کر گئی
مخفی نہیں کسی سے کہ مکّار کون ہے

کٹوا کے سر قیامِ قیامت تلک معین
طے کر گیا ہے کون کہ سردار کون ہے

معینؔ نظامی

22/06/2026

طاقت ہوندیاں زور نہ لایا بیٹھے من رضائیں
پانی باجھ پیاسے چلے دین دنی دے سائیں
میاں محمد بخش رحمۃ اللہ علیہ

'طاقت ہوندیاں زور نہ لایا بیٹھے من رضائیں "
یعنی کربلا والوں کے پاس روحانی قوت، شجاعت اور نصرتِ الٰہی کی طاقت موجود تھی، مگر انہوں نے اپنی قوت کو ذاتی نجات یا دنیاوی غلبے کے لیے استعمال نہ کیا، بلکہ اللہ تعالیٰ کی رضا پر راضی رہے اور اسی کے حکم کے سامنے سرِ تسلیم خم کیا۔

"پانی باجھ پیاسے چلے دین دنی دے سائیں "
یعنی دین و دنیا کے سردار، امام حسینؑ اور ان کے رفقاء، فرات کے کنارے موجود ہونے کے باوجود پیاسے شہید ہوئے۔ پانی حاصل کرنے کی قدرت رکھنے کے باوجود انہوں نے اللہ کی مشیت اور مقصدِ الٰہی کو ترجیح دی اور راہِ حق میں پیاس برداشت کی۔

اس تشریح کا خلاصہ یہ ہے کہ:
اہلِ کربلا بے بس نہ تھے، بلکہ صاحبِ اختیار تھے؛ مگر انہوں نے اپنی طاقت سے زیادہ اللہ کی رضا کو اختیار کیا۔ یہی ان کی عظمت اور قربانی کا سب سے بلند پہلو ہے۔

08/06/2026

اللھم صل علی محمد و آل محمد

پیرومرشدحضرت پیر سید امام شاہ سرکار گیلانیؒ

چنڈالہ شریف عرس مبارک 14 جون، بروز اتوار

📍2026 مقام: آستانہ عالیہ چنڈالہ شریف، ضلع گجرات

29/05/2026

https://www.facebook.com/share/v/1BnkmXGKNz/

25/05/2026

اللهم صل علی محمد و آل محمد