19/03/2026
گھاٹے کا سودا
دو دوستوں نے مِل کر دس بیس لڑکیوں میں سے ایک لڑکی چُنی اور بیالیس روپے دے کر اُسے رات بَھر کے لیے خرید لیا۔ رات گزار کر ایک دوست نے اُس لڑکی سے پُوچھا۔ "تمہارا نام کیا ھے۔"
لڑکی نے اپنا نام بتایا تو وہ بِھنا گیا۔ اور اُس لڑکی سے بولا "ہم سے تو کہا گیا تھا کہ تم دُوسرے مذہب کی ھو۔"
لڑکی نے جواب دیا۔ "اُس نے جُھوٹ بولا تھا۔"
یہ سُن کر وہ دَوڑا دَوڑا اپنے دوست کے پاس گیا اور کہنے لگا۔
"اُس حرام زادے نے ہمارے ساتھ دھوکہ کیا ھے۔ ہمیں ہمارے ہی مذہب کی لڑکی تھما دی ، چلو واپس کر آئیں۔"
سعادت حسن منٹو ❤️
