26/11/2025
مریضِ محبت اُنہی کا فسانہ،
سناتا رھا دَم نکلتے نکلتے
مگر ذکر شامِ الم جب بھی آیا
چراغِ سحَر بُجھ گیا جلتے جلتے
انہیں خط میں لکھا تھا دلِ مُضطرب ہے
جواب ان کا آیا ، محبت نہ کرتے
تمہیں دل لگانے کو کس نے کہا تھا
بہل جائے گا دل ، بہلتے بہلتے
مجھے اپنے دل کی تو پروا نہیں ھے
مگر ڈر رھا ھوں کہ بچپن کی ضد ھے
کہیں پائے نازک میں موچ آ نہ جائے
دلِ سخت جاں کو مسلتے مسلتے
بھلا کوئی وعدہ خلافی کی حد ھے
حساب اپنے دل میں لگا کر تو سوچو
قیامت کا دن آ گیا رفتہ رفتہ
ملاقات کا دن بدلتے بدلتے
ارادہ تھا ترکِ محبت کا لیکن
فریبِ تبسّم میں پھر آ گئے ھم
ابھی کھا کے ٹھوکر سنبھلنے نہ پائے
کہ پھر کھائی ٹھوکر سنبھلتے سنبھلتے
بس اب صبر کر رہروِ راہِ الفت!
کہ تیرے مقدر میں منزل نہیں ھے
اِدھر سامنے سر پہ شام آ رھی ھے
اُدھر تھک گئے پاؤں بھی چلتے چلتے
وہ مہمان میرے ھوئے بھی تو کب تک
ھوئی شمع گُل اور نہ ڈُوبے ستارے
قمرؔ اس قدر ان کو جلدی تھی گھر کی
کہ گھر چل دیٸے چاندنی ڈھلتے ڈھلتے.
قمر جلالوی
