11/02/2025
کیا راز ہے مقتول ولا مَیریں کوں ڄم پئے
ہر عہد جَیندے قتل دا واقعہ نئیں وِسردا
تُوں اپݨی انا ویچ کے ذونکی ہئیں مگر سوچ
ہجرت دے مسائل کوں قبیلہ نئیں وِسردا
کائنات دی ترتیب دا ادراک ہے جیکوں
او شخص نَویں سِجھ دا سنیہا نئیں وِسردا
بُھل ڳئین تیݙی یاد دیاں بے سمت نمازاں
احساس کوں افلاس دا کعبہ نئیں وسردا
مر ویندے مگر رات دی بیعت نئیں کریندا
ہر شام کوں سجھ موت دا رستہ نئیں وسردا
ہک ٻال دیاں وک ڳئین دوا ہوٹیو کتاباں
ہک ماء کوں اڄاں ٻال دا بستہ نئیں وسردا
فریاد ہیروی (مشرق دے خُدا نال)
