24/11/2024
تلمیزالرحمن : فرض شناسی کی اعلیٰ مثال
ممش خیل کے رہائشی، تلمیزالرحمن ، جن کی پیدائش 1993 میں ہوئی، ہمارے اسکول کے سب سے قیمتی اور باوقار فرد ہیں۔ ان کا عزم اور محنت کسی سےڈھکی چھپی نہی۔ ان جیسی محنت، ایمانداری اور خلوص شاید ہی کہیں اور دیکھنے کو ملے۔
تلمیزالرحمن گزشتہ آٹھ سال سے ہمارے اسکول میں اپنی خدمات سرانجام دے رہے ہیں۔ ان آٹھ سالوں کے دوران تلمیزالرحمن نے محض دو دن کی چھٹی کی، وہ بھی اس وقت جب ان کی شادی تھی ۔ یہ ان کی فرض شناسی اور عزم کا منہ بولتا ثبوت ہے۔ اللہ تعالیٰ سے دعا ہے کہ وہ تلمیزالرحمن کو لمبی عمر عطا فرمائے اور ان کے اخلاص کو برقرار رکھے۔
تلمیزالرحمن
نہ صرف اپنے کام میں انتہائی مستعد ہیں بلکہ ان کی خوش اخلاقی اور عاجزی بھی سب کے دل جیت لیتی ہے۔ جب میں ان سے کہتا ہوں کہ تھوڑا آرام کر لیجیے، آپ تھک جائیں گے"، تو وہ مسکرا کر جواب دیتے ہیں:
مجھے یہ تنخواہ کام کرنے کی ملتی ہے، اگر میں بیٹھ گیا تو یہ مجھ پر حرام ہو جائے گی۔
یہ بات سن کر دل ان کی عظمت کو سلام پیش کرتا ہے۔ ان کی یہ عادت انہیں دوسروں سے منفرد بناتی ہے۔ ان کا ماننا ہے کہ فرض کو ایمانداری سے ادا کرنا نہ صرف ہماری ذمہ داری ہے بلکہ عبادت کا درجہ رکھتا ہے۔
تلمیزالرحمن
جیسی شخصیات معاشرے کے لیے مشعلِ راہ ہیں۔ ان کی محنت اور اخلاص ہمیں سکھاتے ہیں کہ ایمانداری اور دیانت داری زندگی کی سب سے بڑی دولت ہے۔تلمیزالرحمن جیسے لوگ ہمارے معاشرے کا فخر ہیں، ان کے کردار،اخلاق اور مخنت کوممش خیل قوم قدر کی نگاہ سے دیکھتےہیں۔
قلمکا ر :نوشاد علی
انچارج: GPS ممش خیل خاص۔
