What are the opening hours?

Monday 8am - 10pm Tuesday 8am - 10pm Wednesday 8am - 10pm Thursday 8am - 10pm Friday 8am - 10pm Saturday 8am - 12am

https://www.facebook.com/104514924288891/

The Creative Society

Home
Philippines
Tanauan
The Creative Society

Official Student Organization of FAITH Colleges
Arts • Design • Creativity • Innovation ✨

21/08/2026

𝐓𝐢𝐧𝐭𝐚’𝐭 𝐓𝐚𝐥𝐢𝐧𝐡𝐚𝐠𝐚: 𝐈𝐤𝐚𝐥𝐚𝐰𝐚𝐧𝐠 𝐓𝐢𝐧𝐭𝐚, 𝐈𝐤𝐚𝐥𝐚𝐰𝐚𝐧𝐠 𝐓𝐚𝐥𝐢𝐧𝐡𝐚𝐠𝐚 🎨🖋️

𝐒𝐚 𝐋𝐢𝐤𝐨𝐝 𝐧𝐠 𝐃𝐢𝐥𝐢𝐦: 𝐏𝐚𝐠𝐦𝐮𝐥𝐚𝐭

Nang nawala ang mga Diwata,
Nagliyab ang araw sa mga sirena;
Sa kanilang dagat ng luha,
Nagluluksa ang alon sa kaniyang pagkawala.

Humihip ang engkanto sa layag,
Dala ang pangarap na matatag;
May matang nagmulat sa dagat,
At ang Bungisngis ay pumikit sa takot.

Gumapang ang anino ni Bakunawa,
Tumigil ang Bungisngis sa pagtawa;
Tagu-taguan, maliwanag ang buwan—
Nang magmulat magmuli ang Bungisngis.

“Ako’y may naririnig na sirena,
Ngunit bakit madilim pa rin?
Ako’y wala nang makita.”
Ang engkanto’y napaisip din.

Ang buwan ay tuluyan nang nalamon,
Ang paligid ay patuloy na nagdilim;
Datapuwa’t winika ni Bathala:
“Mayroon pa ring liwanag sa umaga.”

—

Isinulat ni Prismo
Likha ni Darell Wilbert Arcega

19/08/2026

𝐁𝐚𝐰𝐚𝐭 𝐒𝐚𝐧𝐝𝐚𝐥𝐢𝐧𝐠 𝐍𝐚𝐡𝐮𝐥𝐢, 𝐊𝐮𝐰𝐞𝐧𝐭𝐨𝐧𝐠 𝐍𝐚𝐧𝐚𝐧𝐚𝐭𝐢𝐥𝐢 📸

Sa bawat kuha ng larawan, may nakakubling kwento.
Mga damdamin, emosyon, at mga dahilan sa likod ng bawat pagpindot.

Sa mga sandaling nais nating alalahanin. Isang ngiti, isang tanawin, isang damdamin,na minsang lumipas ngunit nananatili sa larawan hangga’t nais natin itong balikan.

Ang potograpiya ay hindi lamang tungkol sa nakikita ng ating mga mata. Ito rin ay tungkol sa mga kuwentong hindi kayang sabihin ng mga salita, mga damdaming nahuhuli sa isang iglap, at mga alaala na binibigyan ng pagkakataong mabuhay muli.

Ngayong 𝗪𝗼𝗿𝗹𝗱 𝗣𝗵𝗼𝘁𝗼𝗴𝗿𝗮𝗽𝗵𝘆 𝗗𝗮𝘆, ating ipagdiwang ang sining ng pagkuha, pagtingin, at pagbibigay-kahulugan sa mundong ating ginagalawan.

Dahil sa bawat larawan, may kuwentong naghihintay.
Sa bawat kuha, may sandaling hindi na muling mauulit pa.

𝐊𝐚𝐲𝐚 𝐢𝐤𝐚𝐰, 𝐛𝐚𝐤𝐢𝐭 𝐤𝐚 𝐤𝐮𝐦𝐮𝐤𝐮𝐡𝐚 𝐧𝐠 𝐥𝐚𝐫𝐚𝐰𝐚𝐧?

Sa pagdiriwang na ito, hatid ng 𝐓𝐚𝐧𝐠𝐥𝐚𝐰 ang mga larawang nagsisilbing sagot sa isang tanong “𝐖𝐡𝐲 𝐝𝐨 𝐲𝐨𝐮 𝐂𝐚𝐩𝐭𝐮𝐫𝐞?”

Ngayon naman, kami ang nais makarinig ng iyong kuwento.
𝐈𝐛𝐚𝐡𝐚𝐠𝐢 𝐬𝐚 𝐜𝐨𝐦𝐦𝐞𝐧𝐭 𝐬𝐞𝐜𝐭𝐢𝐨𝐧 𝐚𝐧𝐠 𝐩𝐚𝐛𝐨𝐫𝐢𝐭𝐨 𝐦𝐨𝐧𝐠 𝐥𝐚𝐫𝐚𝐰𝐚𝐧𝐠 𝐢𝐤𝐚𝐰 𝐦𝐢𝐬𝐦𝐨 𝐚𝐧𝐠 𝐤𝐮𝐦𝐮𝐡𝐚 𝐚𝐭 𝐬𝐚𝐠𝐮𝐭𝐢𝐧 𝐚𝐧𝐠 𝐚𝐦𝐢𝐧𝐠 𝐤𝐚𝐭𝐚𝐧𝐮𝐧𝐠𝐚𝐧.

𝐌𝐚𝐥𝐢𝐠𝐚𝐲𝐚𝐧𝐠 𝐖𝐨𝐫𝐥𝐝 𝐏𝐡𝐨𝐭𝐨𝐠𝐫𝐚𝐩𝐡𝐲 𝐃𝐚𝐲 𝐦𝐮𝐥𝐚 𝐬𝐚 𝐓𝐡𝐞 𝐂𝐫𝐞𝐚𝐭𝐢𝐯𝐞 𝐒𝐨𝐜𝐢𝐞𝐭𝐲! 📸

—

Layout ni Tala Alejo, Nicole Salinguhay, Gian Carlos Viray
Mga Litrato ng Tanglaw Committeee
Isinulat ni Nicole Salinguhay

17/08/2026

𝐓𝐢𝐧𝐭𝐚’𝐭 𝐓𝐚𝐥𝐢𝐧𝐡𝐚𝐠𝐚: 𝐔𝐧𝐚𝐧𝐠 𝐓𝐢𝐧𝐭𝐚, 𝐔𝐧𝐚𝐧𝐠 𝐓𝐚𝐥𝐢𝐧𝐡𝐚𝐠𝐚 🎨🖋️

𝐌𝐚-𝐚𝐏𝐮𝐥𝐚𝐧𝐠 𝐀𝐥𝐚𝐛 𝐬𝐚 𝐀𝐥𝐚𝐩𝐚𝐚𝐩

“ Mata sa Langit, Paa sa Lupa.”
Mga katagang naka pako sa aking puso.
Tila alon na di mahupa-hupa,
Mga tibok ng pusong tila walang pulso.

Alon ng ulap na may dalang taingting,
Pangarap na nagsisilbing lihim.
Kidlat at ipo-ipo’ng parang dingding,
Mga talang patuloy na humahanap ng ulap na kikimkim.

Mga mapulang pag-asa nga bang matatamo?
Sa hinaba haba ng pagmumuni-muni,
Bahaghari ba’y nakikita mo?
O mga palapag ng mga sana at paano.

Mga alapaap na nagsasayawan,
Alaalang ka’y hirap bitawan,
Inaasam-asam na di maabot kailanman,
Alab na tila ka’y hirap liyaban.

—

Inihahandog ng 𝐓𝐡𝐞 𝐂𝐫𝐞𝐚𝐭𝐢𝐯𝐞 𝐒𝐨𝐜𝐢𝐞𝐭𝐲 ang isang malikhaing kolaborasyon ng 𝐋𝐢𝐤𝐡𝐚 𝐚𝐭 𝐏𝐥𝐮𝐦𝐚, kung saan nagsasanib ang sining at panitikan upang bumuo ng mga likhang may kuwento, damdamin, at kahulugan.

Ito lamang ang unang likha, marami pang tinta at talinhagang naghihintay na mabuo. Abangan ang mga susunod pa na mga obra! 👀✨

☔️ 𝐏𝐚𝐚𝐥𝐚𝐥𝐚 𝐬𝐚 𝐚𝐭𝐢𝐧𝐠 𝐂𝐫𝐞𝐚𝐭𝐢𝐯𝐞𝐬! Sa maulan na panahon, mag-ingat, manatiling ligtas, at laging unahin ang kaligtasan!

—

Isinulat ni Froilan Buenvenida
Likha ni Zia Venize Pastrana

11/08/2026

🎨☕️ 𝐈𝐤𝐚𝐥𝐚𝐰𝐚𝐧𝐠 𝐚𝐫𝐚𝐰 𝐧𝐠 𝐆𝐄𝐀𝐑𝐓𝐒 𝐂𝐨𝐥𝐥𝐚𝐛𝐨𝐫𝐚𝐭𝐢𝐨𝐧!

Patuloy ang makulay na paglalakbay ng 𝐓𝐡𝐞 𝐂𝐫𝐞𝐚𝐭𝐢𝐯𝐞 𝐒𝐨𝐜𝐢𝐞𝐭𝐲 kasama ang mga mag-aaral ng 𝐀𝐫𝐭𝐬 𝐀𝐩𝐩𝐫𝐞𝐜𝐢𝐚𝐭𝐢𝐨𝐧 sa aming 𝐛𝐚𝐬𝐢𝐜 𝐜𝐨𝐟𝐟𝐞𝐞 𝐩𝐚𝐢𝐧𝐭𝐢𝐧𝐠 𝐰𝐨𝐫𝐤𝐬𝐡𝐨𝐩. Nakakatuwang makita ang pag-usbong ng pagkamalikhain, kumpiyansa, at kakaibang estilo ng bawat kalahok sa pagpipinta gamit ang kape.

Maraming salamat sa lahat ng naging bahagi ng ikalawang sesyon at sa patuloy na suporta sa kolaborasyong ito. Nawa’y magsilbi itong inspirasyon upang higit pang tuklasin at pahalagahan ang sining sa araw-araw na buhay.

Umaasa kami na mas dumami pa ang ating makulay na pagtuturo at magpatuloy ito hanggang sa susunod na pagkakataon!

—

Layout ni Nicole Salinguhay
Mga Litrato ni Miles Dimaiyacan
Inedit ni Adrian Johan Barrera
Isinulat ni Nicole Salinguhay

10/08/2026

🎨☕️ 𝐒𝐢𝐧𝐢𝐧𝐠 𝐚𝐭 𝐊𝐚𝐩𝐞, 𝐩𝐢𝐧𝐚𝐬𝐚𝐦𝐚 𝐬𝐚 𝐦𝐚𝐢𝐧𝐢𝐭 𝐚𝐭 𝐦𝐚𝐤𝐮𝐥𝐚𝐲 𝐧𝐚 𝐤𝐚𝐫𝐚𝐧𝐚𝐬𝐚𝐧!

𝐔𝐧𝐚𝐧𝐠 𝐚𝐫𝐚𝐰 𝐧𝐠 𝐆𝐄𝐀𝐑𝐓𝐒 𝐂𝐨𝐥𝐥𝐚𝐛𝐨𝐫𝐚𝐭𝐢𝐨𝐧!

Lubos ang aming pasasalamat sa mga g**o ng 𝐀𝐫𝐭𝐬 𝐀𝐩𝐩𝐫𝐞𝐜𝐢𝐚𝐭𝐢𝐨𝐧 sa pagbibigay ng oportunidad at pag-anyaya sa 𝐓𝐡𝐞 𝐂𝐫𝐞𝐚𝐭𝐢𝐯𝐞 𝐒𝐨𝐜𝐢𝐞𝐭𝐲 ng pagkakataong makipagtulungan at maibahagi ang kagandahan ng sining sa pamamagitan ng 𝐛𝐚𝐬𝐢𝐜 𝐜𝐨𝐟𝐟𝐞𝐞 𝐩𝐚𝐢𝐧𝐭𝐢𝐧𝐠 𝐰𝐨𝐫𝐤𝐬𝐡𝐨𝐩.

Sa pamamagitan ng presentasyon at live demonstration na isinigawa ng mga boluntaryong miyembro ng TCS, nabigyan ng pagkakaton ang mga mag-aaral na matuklasan na kahit simpleng kape ay maaaring maging instrumento ng paglikha at pagpapahayag ng damdamin at imahinasyon.

Maraming salamat sa lahat ng nakibahagi sa unang sesyon. Nawa’y magsilbi itong inspirasyon upang patuloy na tuklasin, likhain, at pahalagahan ang sining sa iba’t ibang anyo nito.✨

At munting paalala mula sa The Creative Society na

☔️ Sa gitna ng patuloy na pag-ulan at masamang panahon, manatiling ligtas, tuyo, at mag-ingat ang bawat isa.

—

Layout ni Nicole Salinguhay
Mga Litrato ni Miles Dimaiyacan
Inedit ni Adrian Johan Barrera
Isinulat ni Nicole Salinguhay

08/08/2026

𝐊𝐮𝐥𝐭𝐮𝐫𝐚 𝐬𝐚 𝐏𝐮𝐬𝐨. 𝐊𝐚𝐥𝐚𝐲𝐚𝐚𝐧𝐠 𝐬𝐚 𝐒𝐢𝐧𝐢𝐧𝐠.

𝐏aano nga ba nagsasalubong ang dalawang mundong tila hindi kailanman inaasahang magtagpo?

𝐈sa’y nagmula sa banayad na himig ng bukang-liwayway—minana, ipinasa, at patuloy na isinusulong.

𝐋umipas ang panahon, at nagbukas ang panibagong yugto ng buhay—mabilis, progresibo, at patuloy na umuusbong.

𝐈sa’y ugat ng makasaysayang kahapon, isa’y sibol ng makabagong henerasyon.

𝐏inagtagpo, pinagtugma, pinag-ugnay... hindi ng pagkakatulad, kundi ng puspusang paggunita.

𝐈ba man ang panahon ngayon sa ating nakasanayan, patuloy man tayong sumasabay sa agos ng kasalukuyan, hindi pa rin natin kinakalimutan…

𝐍a ang ating pinagmulan ay nakaukit sa ating katutubong wika, at ang patuloy na nagpapaunlad sa atin ay ang teknolohiya.

𝐀t kung tayo man ay tatanungin, oo, kayang-kaya natin itong pagsabayin.

𝐒apagkat ang tunay na pag-unlad ay hindi ang pagtalikod sa pinagmulan; hindi lamang ang matatag na pagharap sa kasalukuyan; kundi ang patuloy na paglalakbay tungo sa ating kinabukasan nang hindi nililimot ang ating pagkakakilanlan.

𝐏𝐈𝐋𝐈𝐏𝐈𝐍𝐀𝐒.

Isang bayang binibigyang-saysay ang kasaysayan, at pinagyayaman ang natatanging kayamanan.

Buwan ng Wika 2026:
Wikang Filipino at AI: Kasangkapan sa Pananaliksik at Tulay sa Yaman ng Impormasyon

𝐌𝐚𝐥𝐢𝐠𝐚𝐲𝐚𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝐦𝐮𝐥𝐚 𝐬𝐚 𝐓𝐡𝐞 𝐂𝐫𝐞𝐚𝐭𝐢𝐯𝐞 𝐒𝐨𝐜𝐢𝐞𝐭𝐲!

—

Likha ni Rovinn Leigh Marajas
Isinulat ni Cyndielle Anthonette Sandoval

05/08/2026

𝐌𝐚𝐝𝐥𝐚𝐧𝐠 𝐂𝐁𝐌𝐀, 𝐦𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨!

Tunay ngang 𝐈𝐭’𝐬 𝐒𝐡𝐨𝐰𝐭𝐢𝐦𝐞 lagi sa 𝐂𝐨𝐥𝐥𝐞𝐠𝐞 𝐨𝐟 𝐁𝐮𝐬𝐢𝐧𝐞𝐬𝐬, 𝐌𝐚𝐧𝐚𝐠𝐞𝐦𝐞𝐧𝐭, 𝐚𝐧𝐝 𝐀𝐜𝐜𝐨𝐮𝐧𝐭𝐚𝐧𝐜𝐲 sa mainit na pagtanggap sa The Creative Society. Mukhang confirmed na hindi lang business, accounting, hospitality, at tourism ang forte ng CBMA, kundi pati sa creativity and good vibes din!

Parang hindi lang simpleng General Assembly ang napuntahan namin, parang mini noontime show na puno ng saya, kwentuhan, talentadong studyante, at good vibes!

At dahil kayo ang huling college visit ng TCS, masasabi naming panalong-panalo ang pagtatapos ng aming recruitment journey! Hanggang sa muli, CBMA!

𝐏𝐚𝐚𝐥𝐚𝐥𝐚: Para sa mga estudyanteng nais sumali, huwag magdalawang isip na magpadala ng mensahe sa amin! Hindi po kami makapaghintay na makasama ang mga malikhaing estudyante ng CCJ sa pamilya ng TCS.

—

Layout at Isinulat ni Nicole Salinguhay

04/08/2026

🚨𝐍𝐀𝐈𝐓𝐀𝐋𝐀 𝐒𝐀 𝐔𝐋𝐀𝐓: 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐧𝐚𝐤𝐚𝐛𝐢𝐬𝐢𝐭𝐚 𝐚𝐧𝐠 𝐓𝐂𝐒 𝐬𝐚 𝐩𝐚𝐠𝐭𝐢𝐭𝐢𝐩𝐨𝐧 𝐧𝐠 𝐂𝐂𝐉 !⚖️✨

Ipinapakita ng ebidensya na ang mga mag-aaral ng Criminal Justice ay hindi lamang mga magiging tagapagtanggol ng hustisya, kundi taglay rin nila ang pagkamalikhain, talento, at natatanging personalidad.

Napakasaya ng pagbisita ng 𝐓𝐡𝐞 𝐂𝐫𝐞𝐚𝐭𝐢𝐯𝐞 𝐒𝐨𝐜𝐢𝐞𝐭𝐲 sa College of 𝐂𝐫𝐢𝐦𝐢𝐧𝐚𝐥 𝐉𝐮𝐬𝐭𝐢𝐜𝐞 (𝐂𝐂𝐉) 𝐆𝐞𝐧𝐞𝐫𝐚𝐥 𝐀𝐬𝐬𝐞𝐦𝐛𝐥𝐲! Maraming salamat sa mainit na pagtanggap at sa pagbibigay sa amin ng pagkakataong maibahagi kung ano ang TCS sa ating mga magiging tagapagpatupad ng batas, imbestigador, at lingkod-bayan.

🗂️𝐊𝐚𝐬𝐨 𝐬𝐚𝐫𝐚𝐝𝐨 𝐧𝐚 𝐛𝐚? 𝐇𝐢𝐧𝐝𝐢 𝐩𝐚!

Kung sa tingin mo ay ang The Creative Society ang komunidad kung saan maaaring umunlad ang iyong talento at mga ideya, ikararangal naming maging bahagi ka nito. Sapagkat sa likod ng matatag na isipan ay may malikhaing espiritung handang gumawa ng pagbabago.

𝐏𝐚𝐚𝐥𝐚𝐥𝐚: Para sa mga estudyanteng nais sumali, huwag magdalawang isip na magpadala ng mensahe sa amin! Hindi po kami makapaghintay na makasama ang mga malikhaing estudyante ng CCJ sa pamilya ng TCS.

—

Layout ni Nicole Salinguhay
Mga Litrato ng CCJ
Isinulat ni Nicole Salinguhay

03/08/2026

Sa bawat liblib na pasilyo ng FAITH Colleges, tila may mga kaluluwang hindi matahimik.

Panay ang bulong, animo’y may gustong ipahiwatig.

Mga kaluluwang ligaw, bitbit ang mabigat na pagsisisi.

“Sana…

Sana nag-register ako para sa Musical Play Auditions.”

Kaya, huwag mong hayaang ikaw ang sumunod.

Mag-register na!

https://forms.gle/XMxX6Li1ZLpUj6QL8

—

Inihanda nina: Tala Alejo, Rayver Camitan, Kaye Maca, Kath , Adrianna Paelmo

Kapsiyon ni: Cyndielle Sandoval

Address

2 President Laurel Highway
Tanauan
4232

Opening Hours

Monday	8am - 10pm
Tuesday	8am - 10pm
Wednesday	8am - 10pm
Thursday	8am - 10pm
Friday	8am - 10pm
Saturday	8am - 12am

Website

facebook.com

Alerts

Be the first to know and let us send you an email when The Creative Society posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to The Creative Society:

Want your establishment to be the top-listed Arts & Entertainment in Tanauan?