Likha ni Jiyah

Likha ni Jiyah Mga Tula at Kwento ni Jiyah

06/07/2026

"Obra"

Iguguhit kita gamit ang lapis at papel,
Iguguhit kita hindi lamang ang 'yong mukha, kundi pati narin ang 'yong damdamin.

Nais rin kita ipinta gamit ang brotsa,
Ipipinta kita sa ulap, bituin at bughaw na langit,
Gagawa ako ng obra na ikaw lamang ang laman, obra na kailanma'y hindi maluluma ng panahon.

Iguguhit o ipipinta kita hindi dahil nais ko lang, kundi dahil mahal kita,
Sa aking bawat guhit ay may lihim na kwento, na sa puso ko'y tahimik na namumuo.

At kung sakaling masira ang aking obra,
O mabura ng ulan ang bawat guhit,
Sa puso ko'y mananatili kang buo,
Sapagkat ikaw ang obrang kaylan ma'y hindi maluluma ng panahon.

06/07/2026

"Alimuom"

Sa unang patak ng ulan sa lupa,
Alimuom ay dahan dahang sumisinta,
Amoy na tila nangyari kahapon,
Na sa puso'y nagsisimulang bumangon.

Bawat dampi ng hangin ay may dalang kwento, kaya ito ako lumuluha sa nakaraang meron tayo.
Tulad ng alimuom na panandalian,
Pag-ibig man ay may pagsubok na daraanan.

Kung ito'y ating iningatan, wari ko'y magkasama nating lulutasin ang pagsubok na ating daraanan.

Sa bawat ulang bumabagsak, lakas ng sarili ang kailangan, sapagkat matapos ang dilim at unos, alimuom ang hudyat ng panibagong kabanata.

14/06/2026

"Pwede ba?"

Sa bawat oras na ika'y pinagmamasdan, 'di maikakaila na ako'y nahuhulog sa'yong matatamis na ngiti, sa bawat pagdampi ng ating mga balat, hindi maitago ang pusong pumipintig.

Ngunit ito'y isang suliranin sapagkat ako'y umiibig sa kasarian na katulad ng akin,
Kay hirap itago ang nararamdaman, natatakot na baka hindi nya'ko mapansin

Ako'y minsan nang humiling na ganon rin sana ang iyong nadarama, ako'y isang buwan at s'ya ay isang araw na kailanma'y hindi mag tatagpo'ng landas.

Sa bawat pag-uusap nating dalwa 'di mapigilang tumingin sayong mga mata, sa bawat pag tingin sayo, tila nag sasalubong ating mga mata.

Lagi kong tinatanong kung "pwede ba", sa kaibuturan ng aking damdamin, lumabas sa aking bibig ang salitang "gusto kita", gusto kita dahil mahal kita, humihiling na ganon rin ang iyong nakikita.

14/06/2026

"Kay Sakit Umibig"

Hindi maikukubli na tayo'y umiibig, ngunit tila ito ay pasakit lamang, lagi kong sinasambit ang salitang "Bakit" bakit kay sakit umibig.

Nag lalaan ng oras at pagod, ngunit ang kapalit nito'y pananahimik, bakit tayo umiibig kung ang sanhi nito'y sugat na kay hirap pagalingin.

Bakit kay sakit umasa, kung ang taong ninanais nati'y hindi nakatakdang maging sa'tin, ang mga ngiti mo'y akin paring iingatan, ngunit ako'y may lihim na kinikimkim.

Ang iba ay swerte sa pag ibig, ngunit marahil, kaya ganito ang pag-ibig kasi ito'y may bakas ng aral sa puso natin.

At kahit hindi mag tagpo ang ating landas, kahit ito'y lubhang masakit, mas nanaisin ko paring piliing umibig, sapagkat ito ang tangi kong paraan upang maging matatag sa pag-ibig.

13/06/2026

"Kung Ano Tayo"

Sa bawat umaga tila may hatid kang ngiti, sa tinig mo'y nakaka pukaw ng damdamin, ngunit hindi pwedeng tawaging akin.

Tayo'y magkalapit ngunit tila may balakid, maraming tanong sa'kin kung ano nga ba sitwasyon natin, may damdamin akong hindi ko mawari.

Tila higit pa sa kaibigan ang aking pagtingin, may salita sa aking isipan na kay hirap bigkasin, hiling ko lamang na ganon rin ang iyong pagtingin.

Sa bawat tawanan nating dalawa tila may damdaming hindi mabigkas ng kusa, ikaw at ako ay nasa pagitan ng pangarap at totoo, nag babakasakaling mapansin mo ang pagtingin ko.

Kung iba man ang iyong nadarama ay ikaw parin ang pipiliin ko sinta.

13/06/2026

"Silakbo ng Bayan"

Sa panahong tayo'y nasa gitna ng dilim, tinig ng pinuno ang tanging hiling, demokrasya ang tanging gabay natin, ngunit sa puntong ito tila mali ang pag gamit natin, bayan ay humihiling na maibalik ang para sa'tin.

Tanging pangarap ay makamtan ang liwanag, ngunit tila ang ilan sa'tin ay tinik sa sa pag unlad natin, kaya pano makakamit ang nais kung iba iba ang ating nais.

Karamihan sa'tin ay bumabase sa ngalan at hindi sa liwanag na naidulot sa atin, humihiling na sana'y maging tapat ang mga opisyal ng pamahalaan sa bayan natin.

Umaasang sa susunod na halalan ay pumili ng magsisilbing liwanag sa bayan. Kabataan ang tila mag sisilbing boses ng bayan, ako, ikaw, tayo ang susi sa magandang hinaharap natin.

13/06/2026

"Tahimik na Pagtingin"

Sa bawat sulyap, dala ko'y lihim na pagtingin, mga wika'y hirap bigkasin, ika'y tila tala sa dilim na kay hirap sungkitin.

Sa panahong ako'y nasa dilim ikaw ang tala na nag bigay liwanag sa akin, ngunit ang talang iyo'y may planeta na palang binibigyang liwanag sa dilim.

Sa silakbo ng aking damdamin, nasabi ko ang aking lihim, humihiling na baka sakaling mahalin, ngunit ito pala ang kutsilyong susugat sa akin.

Sa sandaling handa na kitang limutin, ang iyong mga mata't tinig ay nananatiling gunita saakin.

Kahit saan makarating naririnig ko parin ang ngalan mo, sa pag sapit ng takipsilim, gunitain ang araw na pinapasaya mo'ko, kahit na ang unan ko'y basang basa na ng luha ko.

Kung ika'y hindi para sa'kin naway ika'y maging masaya kahit kanino, at sa puntong ito'y handa na kitang iwan sa nakaraan ko, at ang aking tanging hiling ay maghilom ang sugat na nag mula sa'yo.

Address

Bulihan
Silang
4118

Website

Alerts

Be the first to know and let us send you an email when Likha ni Jiyah posts news and promotions. Your email address will not be used for any other purpose, and you can unsubscribe at any time.

Shortcuts

Share

Category