30/10/2022
MIGO CHRIS J,..UNA SA TANAN NAGA PANAMYAW AKO KANG MAYAD NGA HAPON SA MGA PINALANGGA NGA MGA TAGPARAMATI KANG DYANG ISTASYON 91.7 RADYO NATIN FM SAN JOSE, ANTIQUE. MAY E-SHARE AKO NGA ISTORYA NGA INDI KO GID MALIPATAN. ANG DYANG AKUN ISTORYA SA AKUN EXPERYENSYA SA SANGKA INDIBIDWAL, TAWGUN KO LANG TANA SA NGARAN NGA TRINA. TAWGA LANG NINYO AKO KAY ARKHIE, 28 ANYOS ANG IDAD KAG WARA PA TI ASAWA. NAGA OBRA AKO SA SANGKA KUMPANYA SA SANGKA LUGAR. BREAD WINNER AKO SA AMUN PAMILYA. MAY TATLO PA AKO KA BUGTO NGA GINAPA ESKWELA MIGO CHRIS J, TUNGUD NGA ANG AMUN MGA GINIKANAN NADURA-AN KANG KABUHI TUNGOD SA AKSIDENTE SA SARAKYAN. ANG AMUN TATAY KAG NANAY. NEGOSYANTE ANG AMUN MGA GINIKANAN. NAGA AGTO SANDA SA SANGKA LUGAR SAYLO PA GID SA SANGKA LUGAR PARA NGA IBALIGYA ANG NGA ANDA GINADARA SA ANDA NGA PAG BIYAHE. AMO DYA NGA KLASE KANG PANGITAN-AN ANG GIN SUPORTAR KANAMUN KANG AMUN MGA GINIKANAN. TUMAN GID KA SUBO ANG NADANGATAN KANG AMUN PAMILYA MIGO CHRIS J. AMO RA NGA KON KAISA AKO MISMO GINA HADLUKAN RUMAN MAG SAGI KA BYAHE PAAGTO SA MGA MARAYU NGA LUGAR. PERO DYA GINA BATU-AN PARA SA MAYAD NGA BWASDAMLAG KANG AKUN MGA BUGTO. TUNGUD AKO ANG PINAKA GURANG KANAMUN NGA MAG BUGTO, GIN SALO KO GID ANG DAAD RESPONSIBILIDAD KANG AMUN MGA GINIKANAN. MAYAD LANG HAY NAKATAPOS AKO KANG AKUN PAG ESKWELA KAG NAKA SULUD AKO SA SANGKA KUMPANYA. NALIPAY GID AKO HAY NAKATUPA AKO SA AMO DYA NGA KUMPANYA. SANGKA ADLAW MIGO CHRIS J, NAGPA TAWAG KANG MITING ANG AMUN BOSS. “GINPATAWAG KO KAMO PARA IPAMA-AN KANINYO NGA TUNGUD HAY NAGA LAPAD ANG SAKUP KAG NAGA UGWAD ANG ATUN KUMPANYA, GUSTO KO IPAMAAN KANINYO NGA, WE WILL PUT-UP ANOTHER BRANCH OF OUR STORE IN ONE OF THE PLACE, WHICH WARA PA GID MA BUTANGAN KANG IBA NGA COMPANY. OF COURSE WE ARE EAGERLY LOOKING FORWARD TO THAT SOON”. PAGKA BATI NAMUN KANG MGA IMAW KO SA KUMPANYA KANG GINHAMBAL KANG AMUN BOSS, NALIPAY GID KAMI MIGO CHRIS J TUNGUD NGA EVERYTIME NGA MAGSAKA ANG INCOME KANG COMPANY, GINA TUGRU-AN MAN KAMI KANG INCENTIVES LUWAS SA AMUN SALARY. “OF COURSE ANG ATUN STANDARD OPERATING PROCEDURE, WE WILL BE SENDING TWO PERSONS WHICH WILL SERVE AS OCULAR INSPECTOR ON THE PLACE. WE WILL DO IT TWICE TO ENSURE THE HIGH MARKETABILITY AND OF COURSE THE SECURITY OF OUR BRANCHES.” KU-ON KANG BOSS NAMUN MIGO CHRIS J. “WE WILL SEND ARKHIE FOR THE INSPECTION AND WITH HIM IS TRINA.” SI TRINA MIGO CHRIS J, TANA KADYA ANG GINASARIGAN KANG BOSS NAMUN KON OCULAR INSPECTION ANG PAGA ISTORYAHAN SA MGA LUGAR NGA WARA PA GID NAPATINDUGAN KANG MGA BRANCHES KAG SA MGA NAGA DEVELOP PA LANG NGA MGA LUGAR. KAG IN TERMS OF PHYSICAL ASPECTS NI TRINA MIGO CHRIS J, OF COURSE SHE IS LOVELY GIRL, MABU-UT, SIMPLE LANG ANG BEAUTY, DEDICATED SA OBRA AND VERY RESPONSIBLE. SA PRANGKA NGA HAMBAL MIGO CHRIS J, I LOVE TRINA SO MUCH. IM STILL WAITING FOR THE TIMING PARA MAKA PAHAYAG AKO KANG AKUN BARATYAGUN PARA KANA. KAG SARA PA, NAGA PAMALIKID PA AKO KANG AKUN RESPONSIBILIDAD SA MGA BUGTO KO.
NAG ABOT RUN ANG ADLAW KANG AMUN BIYAHE SA LUGAR NGA KON SA DIIN HIMO-ON ANG OCULAR INSPECTION. MAPATI KAMO KAG SA INDI MIGO CHRIS J, BUKUT AKO TI PAMILYAR SA LUGAR NGA PAGA AGTUNAN NAMUN. BESIDES, I AM INCHARGE OF THE STEERING WHEEL OR DRIVER. KAG SAMTANG GINA SUBAY NAMUN ANG DALAN SA AMO NGA LUGAR, NA OBSERBARAN KO SI TRINA NGA GARUT LANG ANG TUROK KANAKUN. “O INA ARE YOU ENJOYING OUR ROAD TRIP?” PAMANGKOT KO KAY TRINA. “ARKHIE, THIS IS NOT ROAD TRIP HA?! THIS IS BUSINESS TRIP REMEMBER?” KU-ON NI TRINA. “YEAH I KNOW GIRL,..UY NAGA-UGOT ANG GWAPA, RELAX..I GUESS RAYU PA SIGURO ANG LUGAR NGA AGTUNAN NATUN, HINAY-HINAY LANG, BASI MATAK-AN KAW KANG ITSURA KO HA, BASI MANGASYAN LANG AKO KARON NGA GIN BUKSAN MO RUN ANG DOOR KANG KOTSE, KAG GULPI LANG TIMO MAGLUMPAT!” KU-ON KO MIGO CHRIS J. SA TU-OD LANG NAGA DRIVE LANG AKO, PERO INDI GID AKO FAMILIAR SA LUGAR, NAGA HULAT LANG AKO KANG DIREKSYON NI TRINA MIGO CHRIS J. SAMTANG NAGA DRIVE AKO, MAN-AN KO NGA GARUT ANG TURUK NI TRINA KANAKUN. MABATYAGAN KO TUNGUD NGA KON KAISA NAGA TABU-AY ANG AMUN PANUROK NGA DARWA.
NAGAB-IHAN KAMI SA BYAHE MIGO CHRIS J, HASTA NGA NAG DESISYON KAMI NGA MAGPALIPAS ANAY KA GABII SA BALAY KA KILALA NI TRINA. TUNGUD KAY NAKAPOY RUN MAN AKO KAG ISARA PA DAW INDI KO RUN GID MAPUNGGAN ANG MGA MATA KO NGA MAGPIRUNG BANGUD SA KATUYO. KAG BASI KON MA AKSIDENTE PA KAMI KON PADAYUNON NAMUN ANG BYAHE. SA PAGKA RAYU KANG LUGAR NGA PAGA TINDUGAN KANG BRANCH KANG AMUN KUMPANYA.WARA GID AKO MAGPINSAR NGA MA ABOT SA WALO KA ORAS ANG BYAHE NAMUN. TUNGOD NGA MAINANDAMUN MAN AKO SA PAG DRIVE, AMO SIGURO NGA NABUHAYAN GID KAMI. KAG ISARA PA, NAHAPUNAN KAMI MAKAHALIN KAY NAG PATAWAG PA KANG EMERGENCY MITING ANG BOSS NAMUN. MIGO CHRIS J, NAKA-ABOT KAMI SA BALAY NGA PAHUWAYAN NAMUN NGA SOBRA GID KA KAPOY KAG SOBRA KA TUYO. NATINGALA GID AKO NGA ANG BALAY NGA TURUGAN NAMUN, SOBRA GID KA DAAN KAG DAW MA PUKLID RUN DYA SA KADAANUN. ANG SULO SA POSTE NGA NAGA TUGRO KANG KASANAG KADYA. NAGPAMANGKOT AKO KAY TRINA, “KAY SIN-O BALAY DYA TRINA?” “ANA DYA KANG KILALA KO ARKHIE, PWEDE KITA DYA KA PAHUWAY BISAN PIRA LANG KA ORAS” SABAT NI TRINA. “TI DAW WARA MAN DYA TI TAWO ANG BALAY?” KU-ON KO KAY TRINA. ABI KO MIGO CHRIS J KON WARA TI TAWO ANG BALAY, PERO KANG NAGSULUD RUN KAMI, KON ANO KA DAAN KAG WARA MALIMPYOHAN ANG MAKITA MO SA GWA, AMO MAN KA HIPID KAG BAG-O ANG MAKITA MO SA SULUD, TAM-AN GID KA NAMI MIGO CHRIS J ANG SULUD KANG BALAY. PAMATYAG KO GANI, DAW RUGYAN AKO SA SULUD KANG PALASYO. MAY MGA TAWO SA SULUD KANG BALAY, PERO ANG NATINGALAHAN KO LANG NGA NAGA TURUK LANG SANDA KANAKUN KAG NAGA YUHUM. WARA GID TI ISARA AKO NGA NABATI-AN NGA NAGHAMBAL KANANDA. NATINGALA GID AKO SA MGA NAKITA KO MIGO CHRIS J. PERO HAY GINADA-UG GID AKO KANG KATUYO KO, WARA RUN AKO TI LABUT KON ANO PA ITSURA KA BALAY, ANG IMPORTANTE MAKATUROG AKO. GINDARA AKO NI TRINA SA SANGKA KWARTO NGA DAW ANA KANG HARI. “TRINA, INDI KO KINAHANGLAN NGA MAGTUROG DYAN KARA, GUSTO MO IKAW LANG DYAN, DYA LANG TAKUN SA SALUG MA TUROG” KU-ON KO KAY TRINA MIGO CHRIS J. “SYEMPRE ESPESYAL KAW ARKHIE, GANI GIN BUTANG KAW SA AMO DYA NGA KWARTO. SAMTANG NGA GINA TURUK KO ANG PALIBOT KANG KWARTO KUNO ABI, DARA PASIPLAT KAY TRINA, NA PANILAGAN KO NGA NAGA SUNOD GID ANG PANURUK NA KANAKUN MIGO CHRIS J. KU-ON KO, “INA, MAY GUSTO AKO NGA HAMBALUN KANIMO” “INDI MO RUN KINAHANGLAN NGA HAMBALUN PA KANAKUN CHIE, MAN-AN KO RUN ANG GUSTO MO HAMBALUN KANAKUN” SABAT NI TRINA. “GUSTO KO GID NGA HAMBALUN KO KANIMO PARA MABATI-AN NGA PALANGGA KO IKAW”. “PALANGGA KO MAN IKAW ARKHIE” SABAT NI TRINA. “ARKHIE SALAMAT GID SA MGA MASADYA NATUN NGA MGA TYEMPO KANG PAG-IMAWAY BILANG MAG OFFICEMATES KAG MAG BEST FRIENDS.” SA TI-ON NGARA MIGO CHRIS J, NAKA BUGTAW AKO. BAHUL KO LANG NGA KATINGALA NGA NATURUGAN GALI AKO SA SARAKYAN NAMUN. PERO NADUMDUMAN KO GID NGA NAGTUROG AKO SA MANAMI NGA KWARTO. GINSAGAP KO SI TRINA, NAKITA KO TANA NGA NAGATINDUG SA UNAHAN KAG NAGA TALIKOD KANAKUN. GIN MANGKOT KO TANA, “TRINA, DI BALA NAGTUROG KITA SA SANGKA BALAY KABII? KAG SA MANAMI MO AKO NGA KWARTO GINPATUROG?” NAGLISO SI TRINA KANAKUN KAG NAGSABAT, “HA?! ANO NGA BALAY ANG GINAHAMBAL MO ARKHIE?” RUGTO KO NAKITA NGA MAY NAGBAG-O SA ITSURA NI TRINA. “ANG MAYAD PA MAPADAYUN KITA SA ATUN ARAGTUNAN” KUON NI TRINA. NAGA LIBUG GID ANG ULO KO MIGO CHRIS J, ANDUT NGA AMO TO ANG NATABO NGA RUGYA MAN LANG GALI KAMI NATURUGAN SA SULUD KA KOTSE SA BINIT KA DALAN KAG WARA TI PAMALAY. SAMTANG NAGA DRIVE AKO KANG SARAKYAN, SIGE ANG PAMINSAR KO KON PAANO TO NATABO NGA KAATHAG GID NGA SA BALAY KAMI NAGTUROG.
SAMTANG NAGADALAGAN ANG SARAKYAN, GIN PAMANGKOT KO SI TRINA “INA? MAY PROBLEMA KAW BALA? HALIN KANG PAGBYAHE NATUN, ANDUT KA LUYA KANG LAWAS MO KAG TALAGSA LANG IKAW NAGAHAMBAL. KON PAMANGKOTON KO IKAW KAISA NAGA LISU KAW LANG KAG MAG TURUK KANAKUN? ANO BALA ANG NATABO KANIMO TRINA? INDI MO HAW GUSTO NGA MAG IMAW KITA NGA DARWA? ANO...BASI NAGUTUM KAW OR?...ANO MAY SAKIT KAW NGA WARA MO MASUGID KANAMON OR KANAKUN? ANO BLA ANG PROBLEMA MO? ISUGID KANAKUN KAY WILLING MAN AKO NGA BULIGAN KAW BASTA MASARANGAN KO LANG A..” GINTUROK KO SI TRINA MIGO CHRIS J, NAKITA KO NGA NAGAHIBI TANA SAMTANG NGA NAGATUROK TANA SA RAYU. “INA…INDI AKO GUSTO MAKITA KAW NGA NAGAKASUBU” AMAT-AMAT NAGTURUK TANA KANAKUN MIGO CHRIS J, NAKITA KO SA MGA MATA NA NGA DAW NAGA PAKIT LUOY. “DON’T WORRY BULIGAN KO IKAW KON ANO MAN ANG PROBLEMA MO, BASTA ISUGID MO LANG KANAKUN” PAGKUON KO KARA MIGO CHRIS J, GINTURUK NA ANG CAR STEREO. “AH SIGE, PAANDARUN TA ANG RADYO, DAW TAM-AN GID KITA KA SERYOSO, DAW WARA AKO MAANAD EH” KU-ON KO MIGO CHRIS J. GIN PAANDAR KO ANG RADYO, SIGURO ANG ORAS KATO MGA MAS O MINUS ALAS SAIS SA AGA. RUGTO KO NABATI-AN ANG MAKAHARANGYUS NGA BALITA, NGA SANGKA KOTSE ANG NAHULOG SA PIL-AS SA SANGKA MALIGWIN NGA LUGAR ANG NASAPWAN KANG SANGKA MANUGPANGAHOY. KANG PAGTURUK KO LIWAN KAY TRINA MIGO CHRIS J, NAGAYUHUM RUN DYA KANAKUN KAG ANG MGA MATA PAREHAS BALA NGA NAGA PASALAMAT. “INA ANO MAN? AMO RUN LANG RA ANG SABAT MO KANAKUN ANG YUHUM MO? ABI PAG HAMBAL MAN ABI?” PAGTURUK KO LIWAN MIGO CHRIS J KAY TRINA…WARA RUN TANA SA PANUROKAN KO. GULPI LANG NAGPARANGRIGBUS AND BALAHIBO KO…ANG IMAW KO GALI SA KOTSE SAMTANG NAGA PAAGTO SA SITE KAG ANG GINA ISTORYA KO….KALAG RUN GALI TO NI TRINA. NA KUMPIRMA KO PA GID DYA KANG NABATI-AN KO PA GID AND DUGANG NGA DETALYE SA RADYO KAG ANG NGARAN NA. GIN HALA KO KA TAMPA ANG BAGI-ING KO MIGO CHRIS J, HAY BASI PALANG KON NAGA DAMGO LIWAN AKO. PERO WARA…WARA GID AKO NAGA DAMGO.. ANG TU-OD NGA AKO LANG GALI ISARA SA BYAHE NGATO..KANUGON GID KAY TRINA..WARA KO MAHAMBAL KANA IN PERSON ANG NABATYAGAN KO PARA KANA. GIN PABATYAG GID NI TRINA BISAN SA URIHI RUN LANG NGA TYEMPO ANG IMPORTANSYA KANG OBLIGASYON KAG ANG PAGPALANGGA SA SANGKA TAWO. SA KADYA..NAKA TAPOS RUN TANAN ANG MGA BUGTO KO SA PAG ESKWELA. KAG AKO WARA MAN SA GIHAPON TI PARTNER SA PAGPANGABUHI. HASTA LAMANG RUGYA ANG ISTORYA KO NGA GIN SHARE ANGUT SA DYANG PAGDUMDUM NATUN SA MGA MINATAY.. DURO GID NGA SALAMAT SA PAGBASA MIGO CHRIS J. ANG MATINAHUDON..ARKHIE..
“INSPEKSYON”
