Kataga

01/03/2026

| 𝗕𝗶𝗴𝗹𝗮𝗮𝗻

Manipis ang kutson sa ibabaw ng makitid na k**a sa loob ng makipot na silid kung saan siya naroroon. Iisang unan lamang ang nasa ibabaw nito at maayos na nakasapin ang isang manipis ding kumot. Marumi na ang bumbilyang nagbibigay ng malamlam na ilaw sa kuwarto, sa tabi ng pinto na inaantay niyang bumukas.

‘Lokong Marny ‘to, napasubo tuloy ako.’ Naisip niya. Nagkantiyawan lang sila kanina matapos ang duty. Matagal na daw bago sila nakadaan sa patay-sindi. At matapos ang inuman biglang nagkuwarto-kuwarto ang mga kasamahan. ‘Buti na lang at handa ako’ sabay kapa ng kaniyang wallet kung saan nakasingit ang isang kondom.

Marahang bumukas ang pinto at pumasok ang isang babae. Sa tantiya niya, disi-siyete lang ito sa amo ng mukha at takot sa mata nang dapuan siya ng tingin. Walang imik nitong isinara ang pinto at umupo sa dulo ng k**a. Pinak**alayo sa kanyang kinatatayuan.

Naghalukipkip ito ng mga braso at nang yumuko, tumakip ang hanggang balikat na buhok sa maamong mukha.
Sa isang iglap, nakita niya ang kanyang panganay sa kinauupuan ng dalaga. Nakahalukipkip ang k**ay at nakayuko nang masermunan niya nung isang linggo nang mahuli ng ina sa pagliban sa klase. Napa-atras siya sa gulat.

Mabilis siyang dumukot ng pera sa bulsa at iniwan ito sa ibabaw ng k**a. Nagmadali siyang lumabas ng kwarto at nang may madaanan na basurahan, inihagis niya dito ang kondom.

***
Si Geraldine Gentozala-Juachon ay nagtrabaho bilang writer sa telebisyon para sa pambata, lifestyle at travel na programa, gayundin sa pelikula, ahensiya, events at turismo. Naging fellow sa Palihang Rogelio Sicat 12 at 28 th Iligan National Writers Workshop para sa Drama (Jimmy Balacuit Literary Award recipient). Nakapaglathala ng mga dagli sa Liwayway, Agos at Sahaya (Sentro ng Wikang
Filipino). Natanggap ang akda sa antolohiyang Kalimbahin, Points of Contact (Philippine Collegian), Locked Down, Lit Up (UP Manila), Hinaharap sa Isang Iglap, at Aruga Anthology ng UST Publishing House. Napabilang sa 2020 AAG-KFLI Essay Writing Prize (Winner), PNU Normal Awards for Gender-Inclusive Literature 2021 (Honorable Mention) at QC Essay Writing Compet**ion 2020 (Finalist).

Siya ay kasapi UP Mountaineers, at nagturo sa SHS, kolehiyo at ngayon ay kawani ng gobyerno at Kalihim ng Kataga, Samahan ng mga Manunulat sa Pilipinas. Kamakailan ay inilabas ng Sentro ng Wikang Filipino ang kaniyang e-book, ‘Bilang
Babae’ sa ilalim ng programang Aklatang Bayan.

14/02/2026

| 𝗞𝗮𝗿𝘆𝗮́𝗱𝗮

Nariyan na sila
malayo pa lang, maririnig na
ramdam ang yabág
sa mga kabáng hila-hila.

Isa, tatlo, walong kalabaw nakapila
tila parada ng biyaya,
Hunos na sakay ng Kuya
aking binilang, labindalawa.

Hila-hilang kinabán,
mula sa tabing sapang sakahan
kaldero ay may laman
hanggang muling mag-anihan.

Nariyan ang karyáda
malayo pa lang, maririnig na
ramdam ang yabág
sa mga kabáng hila-hila.

Subalit sa parada
wala na si Kuya.
kalabaw ay ibinenta,
para sa yabág ng pasáda.

***
Si 𝗔𝗿𝗯𝗶𝗲 𝗙𝗿𝗮𝗻𝗰𝗶𝘀𝗰𝗼 ay isang CPA, g**o, at manunulat na aktibong nakikilahok sa mga samahang nagsusulong sa pag-unlad ng mga komunidad sa bansa.

Kasalukuyan siyang nagtatrabaho para sa isang PR agency sa Makati, habang patuloy ding lumilikha ng mga akdang nakasulat sa Filipino at Ingles na hango sa araw-araw na karanasan, kultura, at pananaw ng kabataang propesyonal.

Interesado siya na lalo pang paunlarin ang sarili sa malikhaing pagsulat at sa pagkukuwento ng mga simpleng realidad ng buhay, mula sa trabaho hanggang sa komunidad.

14/02/2026

| 𝗞𝗮𝗿𝗴𝗼

I-click para mabasa ang buong sipi: https://online.fliphtml5.com/sbwon/gdwx/ =1

***
Si 𝗘𝘃𝗲𝗹𝘆𝗻 𝗣. 𝗔𝗻𝘁𝗼𝗻𝗶𝗼 ay nagtapos ng Doktor sa Pilosopiya sa Araling Filipino - Wika, Kultura at Midya sa De La Salle University - Manila. Kasalukuyan siyang Tagapangulo ng Kagawaran ng General Education sa Manila Tytana Colleges.

May-akda ng Retoke at iba pang mga dagli at Sarì: Isang Dagling Novella. Napabilang ang kaniyang mga dagli sa antolohiyang “Saanman: Mga Kuwento mula sa Biyahe, Bagahe at Balikbayan Box (2017) at maikling kuwento sa “Tuwing Umuulan” Antolohiya (2018). Kasapi siya sa Kataga, Samahan ng mga Manunulat sa Pilipinas, Inc. Rebyuwer din siya ng ilang institusyunal at pambansang journal sa pananaliksik at malikhaing pagsulat.

03/02/2026

| 𝗞𝗮𝘁𝗿𝗲

***
Si 𝗚𝗘𝗥𝗢𝗠𝗘 𝗡𝗜𝗖𝗢𝗟𝗔𝗦 𝗗𝗘𝗟𝗔 𝗣𝗘𝗡̃𝗔 ay g**o ng Filipino at Panitikan sa De La Salle University – Manila at Manila Tytana Colleges. Kasalukuyan niyang tinatapos ang digring PhD Malikhaing Pagsulat sa Unibersidad ng Pilipinas – Diliman.

Siya ang Pangulo ng KATAGA (Samahan ng mga Manunulat sa Pilipinas) at isa sa mga Tagapamahalang Patnugot ng Luntian: Online Journal para sa Malikhaing Akda ng mga G**o at Gradwadong Mag-aaral.

Awtor siya ng siyam (9) aklat ng mga sanaysay, tula, at novella sa Filipino. Mababasa rin ang kaniyang mga malikhaing akda sa ilang mga antolohiya at diyornal sa loob at labas ng bansa.

24/01/2026

| 𝗞𝗵𝗮𝗹𝗶𝗾, mula sa Siyam Napu't Siyam na Ngalang Pinak**amahal Ko

Kakaiba ang ngiyaw ni Sama sa araw na iyon tila ngumangawa sa SONA ni PNoy na kasalukuyan kong pinapanood online. May hang-over pa ako dahil sa bar hopping namin kagabi sa The Harvesters bar sa Crowne Plaza sa Manama. At di kinaya ng panadol ang init ng ulo ko lalo na sa patuloy na pangiyaw ng isang pangulo.

Narinig ko ang paghihilik ng lalaking kasama ko kagabi. Klinik ko na ang shutdown ng laptop.

Para akong si Santa Maria na nakatayo sa kanyang harapan. Tinitigan ko siya sa aking mahabaging mga mata. Sinlaki ng kanyang k**ao ang nakabukol sa kanyang boxers. Sig**o biniyayaan siya ng kanyang diyos na magkasinlaki ang k**ao, t**i, utak at puso. Sa apat na bahagi na ito, maaaring saktong isang kilo lang din ang karapatdapat na iaalay ko sa kanya bilang ako sa aking pagkatao.

At sa mala-diyosang boses, naiusal ko:
tingnan mo ako sa mga mata,
sa aking mga mata
tulad ng pagt**ig mo sa araw,
tuwing may eklipse
hindi ka maluluha ni mabubulag
dahil liwanag ko'y nilamon ng disyerto
alab ko'y ibinaon sa buhangin
at tinuyot ng uhaw na oasis
tingnan mo ako sa mga mata,
sa aking mga mata

***
𝗦𝘁𝗲𝗳𝗮𝗻𝗶 𝗝. 𝗔𝗹𝘃𝗮𝗿𝗲𝘇-𝗕𝗿𝘂̈𝗴𝗴𝗺𝗮𝗻𝗻, isang Kagay-anon at migrant artist. Nagkamit ng Philippine National Book Award para sa kaniyang unang librong Ang Autobiografia ng Ibang Lady Gaga (VisPrint, 2015) na ginawaran bilang Best Book of Nonfiction Prose in Filipino; at ang Kagay-an, At Isang Pag-Ibig sa Panahon ng All-Out War (Psicom, 2018) ay naging finalist para sa Best Book of Short Fiction in Filipino category. Siya ay alumna artist-in-resident sa Akademie Schloss Solitude sa Stuttgart, Germany. Ilan sa kaniyang mga akdang isinalin sa Ingles ay nailathala sa US, Beirut, London, Taipei, Chicago, Berlin, Helsinki, Macau, Dublin, Paris, at Canada. Nagtatanghal rin siya ng kaniyang sining sa pamamagitan ng mixed-media installations, video poetry at performative readings. Naging OFW sa Saudi Arabia simula 2008 hanggang 2022 at ngayon ay nakabase sa Alemanya. Bisitahin ang kaniyang website sa https://stefanijalvarez.com

17/01/2026

| 𝗦𝗽𝗮𝗰𝗲 𝟰 𝗥𝗲𝗻𝘁

***
Si 𝗚𝗹𝗲𝗻𝗻 𝗚𝗮𝗹𝗼𝗻 (o BON) ay nagtapos ng BSE-Filipino sa Rizal Technological University, Mandaluyong City. Nasungkit niya ang Ikatlong Gantimpala ng Premyong LIRA (2021) para sa nabuo niyang unang koleksiyon ng concrete poem: Hindi Matigas Pero Concrete. Mababasa ang kaniyang mga prosa at/o tula sa Agos: Refereed Journal ng Malikhaing Akdang Pampanitikan TOMO 3 (2023), Kasingkasing Nonrequired Reading in the time of COVID-19: Alternative Digital Poetry Magazine, Issue No. 4 (2020), Sinuman Literary Magazine (UP Writers Club), Santelmo I: Liwanag sa Dilim (San Anselmo Publications, Inc.), Katastropiya (7 Eyes Productions), Quaranzine (Kataga Manila), ATBP. Higit sa lahat, siya ay musa ng sariling kahibangan at kabadingan.

07/01/2026

Pagbati, ka-Kataga! Dangal ka ng samahan!

Isang taos pusong pagbati kay Atty. Mique.

Mula sa entablado ng Dulayan, nasaksihan namin ang kanyang sipag, disiplina, at dedikasyon. Mga halagang dinala niya hanggang sa kanyang tagumpay sa Bar Examination.

Ipinagmamalaki ka ng Dulayan Theater.
𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨, 𝘼𝙩𝙩𝙮. 𝙈𝙞𝙦𝙪𝙚! ⚖️❤️

05/01/2026

Panawagan para sa ika-2 isyu ng KATAGAYzine mula sa mga kasapi ng Kataga, Samahan ng Mga Manunulat sa Pilipinas.

https://drive.google.com/file/d/13wJooO6lB68OuB-iLurpz71pZrbkWdQV/view?usp=drivesdk

Narito ang link ng unang tagay: https://drive.google.com/file/d/1YWSfPcECDtPQA8GNONmp1AKHKX3P9Iy1/view?usp=sharing

15/12/2025

11/11/2025

𝑺𝒖𝒑𝒐𝒓𝒕𝒂𝒉𝒂𝒏 𝒏𝒂𝒕𝒊𝒏, 𝒎𝒈𝒂 𝒌𝒂-𝑲𝒂𝒕𝒂𝒈𝒂! 𝑷𝒂𝒖𝒏𝒂𝒏𝒈 𝒑𝒂𝒈𝒃𝒂𝒕𝒊 𝒔𝒂 𝒂𝒕𝒊𝒏𝒈 𝒎𝒈𝒂 𝒌𝒂𝒑𝒂𝒕𝒊𝒅 𝒔𝒂 𝑫𝒖𝒍𝒂𝒚𝒂𝒏! ✊

Available na ang physical tickets para sa lahat ng nagpa-reserve at sa mga nais pang bumili ng ticket para sa 𝙆𝙪𝙣𝙨𝙬𝙚𝙡𝙤! Mula November 11, makukuha ito sa ticket booth sa labas ng Pacific Mall Event Theater, Lucena — bukas mula 10AM hanggang 7PM.

Tara na, abot ka pa!