24/04/2026
ကြောက်မက်ဖွယ် “ခေါင်းလောင်းသံ” နဲ့ စတင်ပြီး ရေလည်မိုက်တဲ့ guitar solo + double kick ဒရမ်သံတွေက နားထောင်သူတွေကို အိပ်မက်ဆိုးထဲ ဆွဲခေါ်သွားသလို ခံစားရစေတယ်။ ဒါကတော့ ကျွန်တော်တို့ကို အမှောင်ထဲကို ဆွဲခေါ်သွားမယ့် အချက်ပေးသံတစ်ခုပါပဲ။
ဒါဟာ "Nightmare” ဆိုတဲ့ သီချင်း Nightmare အယ်လ်ဘမ်ထဲက Avenged Sevenfold ရဲ့ အဖိုးတန်လက်ရာတစ်ခုပါ။ M. Shadows သူမင်္ဂလာမဆောင်ခင် ဘတ်စကက်ဘောကစားပြီး စက်ဘီးစီးရင်း ပြန်လာတဲ့လမ်းမှာ BlackBerry ဖုန်းနဲ့ အသံသွင်းခဲ့တဲ့ သီချင်းပါ။
အိမ်ရောက်တော့ instrument အားလုံးကို သူကိုယ်တိုင်တီးပြီး demo လုပ်ခဲ့တယ်။ မင်္ဂလာဆောင်တဲ့နေ့မှာ The Rev ကို ပေးနားထောင်ကြည့်လိုက်တော့ The Rev အရမ်းကြိုက်ပြီး "ဒီသီချင်း ပေါက်ကိုပေါက်ရမယ်လို့" သူကိုယ်တိုင် ကြွေးကြော်ခဲ့တာပါ။
အဲ့ဒီအချိန်မှာပဲ M. Shadows ခေါင်းထဲက "It’s your f****** nightmare” ဆိုတဲ့စာသားက ထွက်လာခဲ့ပါတယ်။ ဒီသီချင်းမှာ ကျနော်အကြွေဆုံး စာသားကလည်း ဒီစာသားပဲ။ အထူးသဖြင့် Synyster Gates ရဲ့ ဂစ်တာ solo ကတော့ အခိုက်ဆုံးပေါ့။
Intro ထဲက bell sound က actually professional bell မဟုတ်ဘူး။ M. Shadows အိမ်မှာ keyboard အသံနဲ့တူတဲ့ အသံကိုသုံးထားတာ။ Studio မှာ sound အသစ်ရှာကြပေမယ့် demo version လောက် မကောင်းတာကြောင့် မပြောင်းပဲ ဒီအတိုင်း ထားခဲ့တာပါ။
ဒီသီချင်းဟာ The Rev မသေခင် complete ပြီးသား တစ်ခုတည်းသော သီချင်းတစ်ပုဒ်ဖြစ်ပါတယ်။ အဓိပ္ပါယ်က လောကကြီးရဲ့ မကောင်းမှုတွေ၊ အမှောင်ဘက်တွေကို
ပြောပြဖို့ ရည်ရွယ်ထားတာပါ။ sound style ကလည်း
Ozzy ရဲ့ စတိုင်နဲ့ ဆင်တူနေပြန်ပါတယ်။
Bridge part ကို The Rev က "fight, fight, not to fail…” ဆိုပြီး response vocal ထည့်ပေးခဲ့တာကြောင့် သီချင်းကို ပိုပြီး မိုက်သွားတယ်လို့ ဆိုရမယ်။ Producer က "အော်တာလျော့” လို့ပြောပေမယ့် M. Shadows က မလျော့ဘဲ နောက်ဆုံးတော့ အဲဒီအသံတွေက Legendary ဖြစ်သွားခဲ့တာပါ။
Dream Theater ရဲ့ ဒရမ််မာ Mike Portnoy က The Rev ရဲ့ idol ဖြစ်ပြီး The Rev ကွယ်လွန်သွားတဲ့အချိန်မှာ ဒီအခွေကို သူ့နေရာမှာ ဆက်လက်ဖြည့်စွက်ဖို့ Mike ကို ဖိတ်ခဲ့တာပါ။ ၂၀၀၉ ဒီဇင်ဘာ ၂၈ ရက်မှာ The Rev ကြွေလွင့်ခဲ့ပါတယ်။ သူကွယ်လွန်ချိန်မှာ အသက် ၂၈ ပဲ ရှိပါသေးတယ်။
"Nightmare” အယ်လ်ဘမ်ကို 2010 ခုနှစ် July 27 မှာ ထုတ်ဝေခဲ့ပြီး ပထမအပတ်မှာတင် ကော်ပီပေါင်း ၁ သိန်း ၆ သောင်းရောင်းချခဲ့ရပါတယ်။ Billboard 200 မှာ နံပါတ် ၁ လည်း မှတ်တမ်းတင်ခဲ့တဲ့ အခွေပါ။ The Rev မရှိတော့ပေမယ့်လည်း "Nighmare” အယ်လ်ဘမ်ဟာ မက်တယ်သမိုင်းထဲမှာ အချိန်တိုင်းအတွက် အကောင်းဆုံးသော A7X တို့ရဲ့ Legendary လက်ရာတွေထဲက တစ်ခုပါ။
