Punto Asintado Reload

Punto Asintado Reload Co-hosted by Erwin Tulfo and Aljo Bendijo

03/02/2025

PARhighlight I Inilunsad ng Pag-IBIG Fund ang “Pag-IBIG 1 Plus 1 Raffle Promo”.

Layon nyang hikayatin ang mas marami pang overseas Filipino workers (OFWs), self-employed individuals, online sellers, at informal sector workers na magparehistro bilang miyembro.

At ang papremyo, aabot ng P500,000 o kalahating milyong piso sa grand draw.

Puntuhan na ‘yan, Bayan!

03/02/2025

PARhighlight I Humingi na ng tulong sa publiko ang Bureau of Immigration para matukoy ang mga kahina-hinalang mga dayuhang espiya sa bansa.

Kasunod ‘yan ng serye ng mga naarestong mga dayuhan na umano’y naniniktik sa mga opisina ng pamahalaan, kampo ng mga pulis at militar, at ang iba, sinu-surveilance ang West Philippine Sea at mga barko ng Philippine Coast Guard.

Puntuhan na ‘yan, Bayan!

31/01/2025

PARhighlight I Nanawagan ang ilang grupo na aksyunan na ng Department of Education ang kakulangan ng mga school principals sa bansa.

Sa ulat ng The Second Congressional Commission on Education, 24,916 o mahigit kalahati ng 45,199 na pampublikong paaralan sa bansa ang walang principal at pinamumunuan lang ng mga head teacher, teacher-in-charge, o officer-in-charge.

Puntuhan na ‘yan, Bayan!

31/01/2025

PARhighlight I Nasa kustodiya na ng National Bureau of Investigation ang 5 Chinese nationals na hinihinalang espiya ng China sa bansa.

Nahuli ang mga dayuhan matapos madiskubreng naglagay sila ng CCTV na nakatutok sa West Philippine Sea.

Isa rin sa mga dayuhan ang natiyempuhang kinukunan ang mga barko ng Philippine Coast Guard.

Puntuhan na ‘yan, Bayan!

31/01/2025

PARhighlight I Pasado na sa House Committee on Labor and Employment ang P200 across-the-board na dagdag sa daily minimum wage ng mga pangkaraniwang manggagawa.

Kapag naisabatas, magiging P845 na ang arawang minimum wage sa Metro Manila.

Nakatakda namang sumalang at pagdebatihan sa plenaryo ng Kamara ang naturang panukala.

Puntuhan na ‘yan, Bayan!

30/01/2025

PARhighlight I Hinikayat ng isang mambabatas na madaliin na ang pagpapatupad ng Expanded Solo Parents Act para mapakinabangan na ito ng maraming single parent sa bansa.

Sa ngayon daw kasi, isang lokal na pamahalaan pa lang ang may kakayahang magbigay ng P1,000 subsidy sa solo parents at magbigay ng booklet na magagamit para makakuha ng discount sa pangunahing bilihin ang isang single parent.

Puntuhan na ‘yan, Bayan!

30/01/2025

PARhighlight I Pinamamadali na ni Pangulong Ferdinand R. Marcos Jr. ang pagpasa ng Kongreso sa suspensyon ng Bangsamoro Autonomous Region in Muslim Mindanao o BARMM Parliamentary Elections na nakatakda rin sa May 12, 2025.

Ikinatuwa naman ito ng Commission on Elections para mas matutukan nila ang paghahanda sa darating na May 2025 mid-term elections sa bansa.

Puntuhan na ‘yan, Bayan!

29/01/2025

PARhighlight I Popostehan na ng mga tauhan ng PNP-Highway Patrol Group at Land Transportation Office ang bahagi ng Marilaque Highway sa Tanay, Rizal.

‘Yan ay para maiwasan na ang galawang stuntman ng mga humaharurot na motorcycle rider sa pakurbang bahagi ng kalsada na nagiging sanhi ng aksidente sa lugar.

Puntuhan na ‘yan, Bayan!

29/01/2025

PARhighlight I Lusot na sa ikatlo at huling pagdinig sa Kamara ang pag-amyenda sa K-12 Program.

Laman ng panukala ang pagbibigay ng opsyon sa mga mag-aaral na magtatapos ng junior high school.

Ang mga didiretso sa kolehiyo ay dadaan sa 2-taong university preparatory program o senior high.

Habang maaari namang dumiretso na sa vocational program ang mga hindi kukuha ng kurso sa kolehiyo.

Puntuhan na ‘yan, Bayan!

28/01/2025

PARhighlight I Dalawa na ang nasawi sa insidenteng may kaugnayan sa halalan.

Ayon sa Comelec, posibleng madagdagan pa ang hotspot areas lalo’t dumarami ang mga lugar na tumataas ang tensyon ng mga magkakatunggaling kandidato.

Puntuhan na ‘yan, Bayan!

28/01/2025

PARhighlight I May bagong benepisyo para sa mga miyembro ang PhilHealth.

Simula February 14, 2025, ipapatupad na ng PhilHealth ang Rehabilitation and Mobility benefit program.

Layon nyang magbigay ng financial support sa rehabilitasyon ng mga pasyente.

Maaari na ring magbigay ang PhilHealth ng saklay, wheelchair, walker o crane na makatutulong sa pagkilos ng mga miyembrong hirap sa paglalakad.

Puntuhan na ‘yan, Bayan!

27/01/2025

PARhighlight I 5,000 employment opportunities ang nag-aantay sa mga dadalo sa 2-day Job Fair ng Department of Labor and Employment sa SMX Convention Center sa Pasay City simula bukas hanggang Miyerkules.

Kabilang sa mga bubuksang trabaho ang para sa industriya ng finance, shipping and logistics, food and benerage, retail at business process outsourcing o BPO sectors.

Pinaalalahanan naman ang mga aplikante na magdala ng maraming udpated resumes, ballpen, valid IDs, at iba pang pre-employment application requirements.

Puntuhan na ‘yan, Bayan!

Address

81 Mother Ignacia Avenue, Brgy. Paligsahan
Quezon City
1103

Website

Alerts

Be the first to know and let us send you an email when Punto Asintado Reload posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Punto Asintado Reload:

Shortcuts

Share

Category