23/02/2026
Inviting everyone to the Oriental Mindoro's MINA NG Hinas 2February 25-28, 2026 in celebration of National Arts Month at Oriental Mondoro Heritage Museum
Theme:“Kasaysayan, Kultura, Kalikasan at Kinabukasan”
Mga thema ng exhibit:
I. KASAYSAYAN
(Kaagapay: Hapag Aruga Foundation)
Mga obrang sumasalamin sa alaala, pinagmulan, at kolektibong karanasan.
Mga eksena ng pamilyang Pilipino (lumang tahanan, hapag-kainan, henerasyon)
Mga alaala ng bayan at komunidad
Tradisyonal na gawain ng mga ninuno
Lumang larawan o eksena na muling binigyang-buhay sa pintura
Mga simbolo ng pamana at alaala (lumang gamit, sulat, retrato)
Kwento ng sakripisyo, pagtitiyaga, at pagbangon
II. KULTURA
(Kaagapay: Mangyan Heritage Center Inc. at Pamanang Kwerdas)
Mga obrang nagbibigay-pugay sa buhay na kultura at identidad.
Mangyan life and traditions
Katutubong kasuotan, disenyo, at pattern
Musika at sining ng bayan (kwerdas, sayaw, ritwal)
Araw-araw na buhay ng katutubo at lokal na komunidad
Simbolismo ng kultura at paniniwala
Pagpapatuloy ng tradisyon sa makabagong panahon
III. KALIKASAN
(Kaagapay: Dao Waterlily Association)
Mga obrang tumatalakay sa ugnayan ng tao at kapaligiran.
Tubig bilang buhay (ilog, lawa, dagat), Water lilies at likas-yaman ng komunidad
Kabuhayang nakaugat sa kalikasanIna at kalikasan (mother earth symbolism)
Pangangalaga at proteksyon sa kapaligiran
Mga tanawin ng Mindoro at iba pang likas na yaman
IV. KINABUKASAN
(Kaagapay: Ruel Foundation, HIA GS students, Punla Center for Theater
MINA NG HINAS 2 Magbubukas ng Pagdiriwang ng Sining, Kultura, at Komunidad sa Mindoro
Magbubukas ang MINA NG HINAS 2 bilang isang apat-na-araw na pagtitipon ng sining at kultura na magtatampok sa kolektibong alaala, identidad, at pag-asa ng mga komunidad sa Mindoro, sa temang “Kasaysayan, Kultura, Kalikasan at Kinabukasan.”
Layunin ng gawain na ipakita ang sining bilang buhay na daluyan ng kuwento—mula sa nakaraan, sa kasalukuyan, hanggang sa hinaharap—sa pamamagitan ng biswal na sining, musika, pelikula, at mga interaktibong aktibidad na bukas para sa komunidad.
Sa Pebrero 25, sisimulan ang programa sa isang makulay na opening ceremony na magtatampok ng on-the-spot painting ng mga lokal na artista. Itatampok din ang dance painting performance ng bagong artist na si Henri Lamy na magpapakita ng malikhaing pagsasanib ng galaw at biswal na sining. Magbibigay naman ng musikal na pagtatanghal ang Pamanang Kwerdas, na maghahandog ng tugtuging nakaugat sa pamana at tradisyon ng bayan.
Sa Pebrero 26, isasagawa ang film viewing ng “Mangyan Ambahan: Wisdom for Our Filipino Soul,” na susundan ng isang panel discussion kasama si Ms. Emily Catapang at dalawang lider-katutubong Mangyan. Tatalakayin sa panel ang Indigenous Peoples’ (IP) Law at ang wastong koordinasyon ng sining at kulturang katutubo, bilang gabay sa mga artistang nagnanais makipag-ugnayan sa mga komunidad nang may paggalang. Isasagawa rin ang mga workshop at demonstrasyon ng Surat Mangyan sa kawayan, pakudos bead-making, at ramit creation bilang pagpapakilala sa tradisyunal na sining at kaalaman ng mga Mangyan.
Ipagpapatuloy sa Pebrero 27 ang programa sa pamamagitan ng Art Therapy for Mental and Environmental Health, na pangungunahan ni Mr. Lloyd P. Cataring. Tatalakayin dito ang ugnayan ng sining, kalusugang pangkaisipan, at kapaligiran. Bahagi rin ng araw ang crafting demonstration ng Dao Waterlily Association, na magpapakita kung paano nagiging kasangkapan ang sining sa kabuhayan at pangangalaga sa kalikasan.
Magtatapos ang MINA NG HINAS 2 sa Pebrero 28 sa isang Family Day na magtatampok ng singing at dancing workshop ng Dezza Dreamer Academy, kasunod ang isang bukas na art jam na inaasahang lalahukan ng mga bata, kabataan, at pamilya—isang simbolo ng pagpapatuloy ng sining at pag-asa sa susunod na henerasyon.
Inaasahang magsisilbing plataporma ang MINA NG HINAS 2 para sa mas malalim na pag-uusap sa pagitan ng sining at komunidad, at magpapatunay na ang sining ay hindi lamang likha, kundi isang kolektibong karanasan na humuhubog sa kasaysayan at kinabukasan ng sambayanan.
