TULA LNG

TULA LNG HATDOG PA FOLLOW NAMAN✌️

14/04/2026

May mga pag-ibig na tila uling ng lapis, madaling mabura kapag ang pagkakamali ay naging labis.
Ngunit may mga pag-ibig ding tila tinta ng ballpen nananatili, naninindigan, at hindi kailanman maglalaho sa dilim.
Sa tulang ito, ating sisilipin ang sining ng pagmamahal sa bawat guhit at bura ng ating mga damdamin."

Sa Guhit ng Lapis at Tinta ng Ballpen

Sabi nila, ang pag-ibig ay parang lapis,
May kakayahang sumulat ng mga pangakong kay tamis.
Ngunit sa bawat pagkakamali at bawat hapdi,
May pambura tayong laging nakatabi.
Isang kaskas lang, ang sakit ay kayang itago,
Binubura ang mga linyang hindi na nagbabago.
Maaari nating simulan ang kuwento mula sa una,
Na tila ba walang bakas ng luhang pumatak na.

Ngunit ang tunay na pag-ibig ay parang ballpen,
Hindi takot sa pagkakamali, gaano man ito kalalim.
Kapag ang tinta ay dumapo na sa puting papel,
Kahit anong kuskos, ang marka ay mananatiling matatag at seryoso.
Ang sugat man ay maging peklat na itim,
Ito ang patunay na ang nararamdaman ay hindi lang isang tingin.

30/03/2026

Ang Huling Pahina

Pagod na ang mga salitang dati’y masigla,
Ang mga pangako, unti-unti nang nawawala.
Hindi dahil sa kulang ang ibinigay na taya,
Kundi dahil ang puso ay hindi na makahinga.

Hindi na kaya.
Isang katotohanang kay pait tanggapin,
Na ang dating "tayo" ay kailangan nang palayain.
Masyado nang mabigat ang dala-dalang pasanin,
Ang apoy ng kahapon, wala na ring ningning.

Ngunit sa bawat tuldok na ating ilalagay,
May bagong panimulang sa atin ay naghihintay.
Isasara na ang aklat ng ating paglalakbay,
Upang mahanap ang sariling landas at tunay na kulay.

Panibagong kabanata.
Dito na hihilom ang bawat lamat at sugat,
Sa paggising sa mundong mas malaya at sapat.
Magkaiba man ang landas na ating itatapat,
Salamat sa bawat sandaling naging tapat hanggang sa huling puyat.

Hindi na kailangang ipilit ang hindi na tugma,
Dahil ang pagbitaw ay isa ring uri ng pag-unawa.
Sa paglipat ng pahina, baon ay aral at diwa,
Malaya na tayo, sa wakas, ay wala nang luha.

14/03/2026

‎Kulang na lang ay maging photographer ako, kasi sa bawat anggulo mo, panakaw na tingin lang ang tanging nagagawa ko. "
‎
‎Yung Ngiti Mo Kasi
‎
‎Kinikilig na naman ako, hindi ko na maikubli,
‎Ang saya sa damdamin, abot hanggang sa tabi.
‎Sa tuwing dadaan ka, mundo ko’y tumitigil,
‎Ang pintig ng puso, sadyang ’di mapigil.
‎
‎Hindi ko mapigilan ang panakaw na tingin,
‎Para kang magnet na humahatak sa akin.
‎Kunwari ay busy, kunwari ay may binabasa,
‎Pero ang totoo, sa ganda mo lang ako nakatunganga.
‎
‎Grabe ang iyong ganda, nakakasilaw sa mata,
‎Para akong nanalo sa lotto, ang sarap sa kaba.
‎Isang sulyap mo lang, ako’y tunay na natutunaw,
‎Sa tamis ng ngiti mo, ang araw ko’y nagliliwanag, 'di malungkot o gabi man ay pumanaw.
‎
‎Sana’y mapansin mo ang pasimpleng paghanga,
‎Na sa bawat sulyap ko, ikaw lang ang nakikita.
‎Kahit pasulyap-sulyap at panakaw lang ang lahat,
‎Basta’t ikaw ang tinitingnan, solve na ako at sapat.

29/12/2025

‎Wala lang
‎
‎May “good morning” at “ingat ka lagi,”
‎May “kumain ka na ba?” eat well aking sinta.
‎Araw-araw nag uusap, tawag at text,
‎Akala ko’y pag-ibig, akala ko’y totoo palagi.
‎
‎May send picture, may tawag, may lambing sa salita,
‎May “tulog ka na” bago pumikit ang aking mga mata.
‎Ngunit sa tagal ng oras na tayo’y nag uusap,
‎Nalaman kong wala palang pag-ibig na dala.
‎
‎Mas mabuti pa raw na tayo’y magkaibigan,
‎Kaysa umasa sa damdaming walang patutunguhan.
‎Masakit mang tanggapin ang dulo ng kwento,
‎Ito pala ang wakas ng puso kong nalito.
‎


Address

Aninuan Puerto Galera
Puerto Galera

Telephone

+639551674278

Website

Alerts

Be the first to know and let us send you an email when TULA LNG posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to TULA LNG:

Shortcuts

Share

Category