30/03/2025
Pasigueño, Pinagbuhateño
⚫️ 4. ASILO, SYVEL
Si Syvel Asilo ang Konsehala ko, isang lingkod-bayang tapat, masipag, at may malasakit sa bawat mamamayan ng ating komunidad. Sa bawat proyekto at programang kanyang inilulunsad, pinapakita niya ang kanyang dedikasyon sa pagpapabuti ng buhay ng kanyang nasasakupan.
Bilang isang konsehala, hindi lamang siya isang tagagawa ng batas sa lokal na antas kundi isang lider na may malasakit sa edukasyon, kabuhayan, kalusugan, at kapakanan ng bawat pamilya. Sa kanyang panunungkulan, isinulong niya ang mga programang naglalayong bigyan ng oportunidad ang mga kabataan sa pamamagitan ng pagbibigay ng espasyo gayundin ang pagbibigay ng pagsasanay at suporta at pagpapalawak sa kanilang mga karapatan.
Malapit sa puso ni Konsehala Syvel Asilo ang serbisyong pangkalusugan, kaya naman patuloy niyang tinutulungan ang mga nangangailangan ng libreng gamot, pagbibigay ng pinansyal, at iba pang serbisyong medikal. Siya rin ay aktibong nakikilahok sa mga proyektong pangkapaligiran, dahil naniniwala siyang ang isang malinis at maayos na kapaligiran ay susi sa masiglang pamumuhay ng bawat mamamayan.
Hindi lang siya isang opisyal ng gobyerno, kundi isang kaibigan, katuwang, at tunay na kakampi ng mamamayan. Sa kabila ng mga hamon, nananatili siyang matatag sa kanyang adbokasiya para sa isang mas maunlad, mas makatao, at mas maayos na pamayanan. Kaya naman, buong puso kong sinasabi: Si Syvel Asilo ang Konsehala ko!
