30/01/2026
Sa among kasingkasing nga puno sa pasalamat, among gialay kining kalampusan ngadto sa among mahal nga Señor Santo Niño, nga kanunay nagauban ug nagagiya sa among selebrasyon.
Daghang salamat Señor Santo Niño, among mahal nga patron, sa tanang grasya ug panalangin. Malampuson na pud ang among Sinulog tungod sa suporta sa mga tawo nga kanunay nagauban ug naga suporta sa among tulumanon matag tuig. Daghang salamat sa tanan nga ni-participate ug nitabang. Viva Pit Señor! ❤️
Sa among mga dancers, daghang salamat sa inyong makanunayong pagsayaw isip halad sa atong Señor Sto. Niño. Dili gyud ni mahimong posible kung wala kamo. Ang inyong kakugi, sakripisyo, ug kasingkasing sa pag-alagad makita gyud sa matag lihok ninyo.
Sa Contad Family, pinangulohan ni Alfonso Contad uban sa iyang tibook pamilya daghang salamat sa inyong kinasingkasing nga serbisyo aron magmalampuson kini alang sa atong mahal nga patron. Dako kaayo among pasalamat sa inyong walay kapoy nga pag serbisyo.
Sa atong Konsehal Arnold Labe ug SK Chairman R-ben Jay Rodriguez, daghang salamat sa inyong suporta, ilabi na sa pag-provide ug sakyanan para sa atong mga drummers. Dako kaayo ni nga tabang para magpadayon ang kalipay sa Sinulog. Salamat gyud kaayo!
To Anna’s Drum Beaters, daghang salamat sa pagpahulam ug costume para sa among mga dancers ug sa inyong nindot, sadya, ug makapadasig nga tukar. Tungod ninyo, nisamot gyud kasadya ug kabibo ang among Sinulog. Dako kaayo among pasalamat kaninyo tanan.
Daghang salamat usab sa tanang sponsors para sa pa-ice cream, coins, ug candy nga gipanghatag human sa Sinulog.
*Emelito Ybañez
*Niza Torres
*Jeans Miraflor
*Malvar Sombilon Real
*April Mercado
*Delia Managuil Aguilar
*Ema Vallega Torres
Ang inyong paghatag nakapahimo gyud nga mas malipayon, ug memorable ang among selebrasyon.
Sa katapusan, daghang salamat sa tanang katawhan nga kanunay nagauban, nagaampo, ug naga-suporta sa among tulumanon matag tuig. Kining Sinulog dili lang usa ka selebrasyon, kundili usa ka simbolo sa among pagtuo, panaghiusa, ug gugma sa atong mahal nga Señor Santo Niño. Padayon unta nga gabayan ug panalanginan ta Niya tanan. Viva Pit Señor! Viva Señor Santo Niño! 🙏✨
