01/09/2024
TD “ENTENG” CLASS SUSPENSION
Sinakat na kan PAGASA an klasipikasyon kan LPA bilang saro nang bagyo o Tropical Depression “ENTENG”. Susog pa weather advisory ninda, halangkaw an posibilidad na magin makusog an pag-uran saaga sa Camarines Sur na igwa nin 100-200mm rainfall.
Dahil sa posibleng huma kaini sa kaligtasan kan mga namamanwaan urog na kan mga estudyante asin mga paratukdo asin susog man sa rekomendasyon kan CDRRMC, satong sinusugo an Suspensyon nin Klase sa gabos na eskwelahan sa Syudad nin Naga para saaga, Setyembre 2, 2024 (Lunes).
Dahil sa makusog na uran, posible an pagbaha sa mga harababang lugar. Satong inaabisuhan an mga pamayo kan mga eskwelahan urog na su mga binabaha na sagkod amay pa mailipat na sa halangkaw na lugar an saindang mga kagamitan sa eskwelahan.
Bantayan man lugod kita kan Kagurangnan asin irayo kita sa peligro kan Bagyong “Enteng”
source: Mayor Son Legacion
