29/08/2022
: PILIPINAS, POSIBLENG MANGUTANG NG MAHIGIT P1 TRILLION PARA PUNAN ANG BUDGET DEFICIT SA TAONG 2023
Posibleng kailanganin ng Pamahalaan na mangutang ng mahigit P1 trillion sa susunod na taong 2023.
Ito ang inihayag ni Finance Secretary Benjamin Diokno kasabay ng isinagawang House of Representatives Budget Briefings.
Aniya, ito ay upang mapunan ang tinatayang nasa P1.16 trillion na budget deficit sa 2023.
Base umano kasi sa kabuuang revenue projections sa susunod na taon ay aabot lamang ito sa P3.6 trillion na mas mababa kaysa sa panukalang budget na P5.268 trillion.
Pero sinabi rin ng opisyal na malaki naman ang tyansa na hindi na mangutang pa ang Pilipinas kung hindi na masusundan pa ang panibagong pandemya sa mga susunod na taon at tumaas pa ang kita ng Pamahalaan.
