29/06/2025
PALAYAIN ANG IMUS 5! IPAGLABAN ANG KARAPATAN NG MANGGAGAWANG PANGKULTURA!
Mariing kinokondena ang iligal na pag-aresto sa limang kabataang manggagawang pangkultura sa Imus, Cavite noong madaling araw ng Hunyo 27. Kabilang sa mga dinampot sina Shinice Wacan at Ronald โOnadโ Valderama, mga aktibong kasapi ng Cavite Collective Alliance for Social Change (CCLASIC), ang pangkulturang alyado ng BAYAN Cavite.
Habang inihahanda ang Oplan Pintaโisang mapayapang aksyong sining laban sa demolisyon at komersyalisasyonโsila ay tiniktikan, tinutukan ng baril, sinakote ng civil security ng lokal na pamahalaan, at dinala sa barangay hall at presinto ng PNP Malagasang. Wala silang nilabag na batas. Ang kanilang pagkakaaresto ay malinaw na panunupil sa karapatan sa malayang pagpapahayag.
Si Shinice ay mula sa komunidad sa Bacoor na paulit-ulit nang binulabog ng demolisyon, habang si Ronald ay naorganisa noong 2016 sa gitna ng demolisyon sa Talaba 2. Ginagamit nila ang siningโmula tula, kanta, sayaw, at teatroโbilang sandata ng pampulitikang edukasyon at paglaban.
Ang Imus 5 ay biktima ng patuloy na crackdown sa mga progresibong artista, tulad ng sa Romblon 4, Fatima Banjawan, at iba pang aktibistang hinuli matapos ang effigy burning sa SONA 2023. Pananakot ito ng estadong takot sa mulat at lumalabang mamamayan.
Palayain ang Imus 5! Panagutin ang mga nasa likod ng ilegal na pag-aresto!
