Tula, gawang isip at kahit ano.

Tula, gawang isip at kahit ano. Contact information, map and directions, contact form, opening hours, services, ratings, photos, videos and announcements from Tula, gawang isip at kahit ano., Arts and entertainment, Manila.

07/03/2026

Ligaw na daanan

sa lupang tinubuan ng mga pangarap binitag,
napapalamon ang isip ng mga Pilipino sa gapos ng huwad;
sa paghihirang, hindi na gawa ang sukatan,
kagustuhan lang ang naghahari, walang kaligtasan.

ayaw mong magpakulong sa bilangguan ng hirap,
ngunit sila pa rin ang gustong umupo, bitag na tila sarap;
hahayaan mo bang ikaw ay gapusin ng mga kamay
ng mga taong gustong magpatuloy sa pagdaya?

ang tinutukoy ko ay ang mga tanikala ng katotohanan,
masakit, ngunit kailangan mong harapin, walang lusutan;
hindi ito panlalait, kundi pagmulat sa katotohanan,
kung kaya't maligaw man, ay hahanap ng bagong daan.

24/02/2026

hubaran mo ako

tanggalin mo ang mga saplot ko sa katawan,
hindi bilang pagtangkilik sa sarili,
kundi husgahan mo ang mga sugat
sa bawat parte ng aking katawan.
kahit sarado ang bibig, nalalagyan ng salita,
litisin mo ang mga sugat na hindi mabilang,
mga sugat na hindi matahimik,
mga sugat na nakakulong at sariwa pa rin,
hanggang sa kasalukuyan.

kaya hubaraan mo ako,
hawakan mo ang mga naka-umbok,
at pagnilayan mo ito,
hindi bilang pagtamasa,
kundi bilang pag-alala,
pag-alala sa mga nakagawian,
alaala ng mga karanasan.
sa bandang yon, mararamdaman na ika'y kabilang,
bilang nabubuhay at bilang tao.

01/02/2026

marunong na ako tumawid

noong una ay takot na takot ako sa pagtawid—
at ang tanging sagot ko lang lagi
ay "samahan mo ako sa pagtawid"
dahil sa bawat hakbang ng mga paa ko ay may naiiwang bakas ng nakaraan sa daraanan.

ang mga alaala na hindi nawawala,
mga alaala na humihingi ng hustisya,
mga alaala na masasaya’t malulungkot ay siyang bumabagabag.

sa pagtawid ng maraming panahon ay humupa ang mga sugat na akala ko ay maninitiling sariwa,
mga sugat na akala ko ay hindi kayang gamutin.

ngayon ay marunong na ako tumawid,
dahil tanggap ko na,
tanggap ko na ang mga alaala na ’yun ay dapat ng kalimutan at hindi na dapat hukayin pa.

may proseso ang paghilom at hindi ito minamadali,
ito ay ninanamnam muna bago mo malasahan ang tunay na nararamdaman.

15/12/2025

Ang tunay na bangungot ay nasa tunay na buhay


sa kulay ng buhay ay nakahandusay.
Sa pag suway ay mawawalan ng buhay.
akala ng tao ay hindi na susuway
kapag nalamang merong diyos
ngunit, mas lalo lang lumayo ’pagkat, maraming buhay ang nalustay.
wala ng kinikilalang diyos ang taong sinubok ng buhay.

16/11/2025

Wishing You Godspeed, Forever

I watch you fade into the distance, and every step you take feels like a piece of me unraveling.

I want to beg you to stay, to turn back, to give us one more moment—but love, real love, means letting you go even when it shatters me.

So I stand here, silent, with nothing left but hope.
Hope that the road is kind, that the world carries you gently, that somewhere in the quiet. you still think of me.

And though my heart is breaking.
I'll whisper the only words I can: wishing you Godspeed, forever.

16/11/2025

Walang nasa itaas

Matagal na akong hindi naniniwala
hindi ko inabandona ang paniniwala,
Inabandona ako ng aking pinaniwalaan.
Maraming beses akong humingi ng tulong,
Naghanap ako ng makakatulong, ngunit
Ang katawan ko at ang utak ay nakakulong.
Sinalubong ako ng maraming pagdududa,
Gumuhong pait at takot sa segundang anak
ay lumala.
Sabi nila sakin ay kailangan kita ngunit matagal na'kong nagsusumamo,
Hanggang sa napagtanto ko
na ako ay nabubuhay lang ng puno ng kasinungalingan at nagdarasal lamang sa hangin.
Matagal na pala akong kumakausap ng hangin.
kaya hindi kita kailangan,
Kung ang hindi maniwala sayo ay masama,
Yung lang ang aking kasalanan,
Ako lang ipako nyo sa krus
Walang ibang magtutubos sa kasalanan.

16/11/2025

Hangganan sa simula.

Sabi ng iba, "ang talon ay kahugis ng buhay"
Ngunit aking napagtanto
na ang talon ay hangganan sa simula.
Walang hangganan ang katapusan,
Hindi nauubos at hindi nagbabago.
Ang buhay ay may katapusan,
Ang itsura at buto ay nagbabago.
At kung patuloy ka lang makikinig
sa ibang tao
Ay dapat ka ng maglaho,
sa agos ng talon ay nakadapo.

16/11/2025

hindi ko maipapangako na ang lahat
ng matutuklasan ko saiyo ay mamahalin ko,
Ang tutuklasin ko ay ang mas malalim na mahal kita.

16/11/2025

Ang pag-lisan mo ay aking kabiguan,
Ang ’di mo pag balik ang aking kamatayan.

Address

Manila

Website

Alerts

Be the first to know and let us send you an email when Tula, gawang isip at kahit ano. posts news and promotions. Your email address will not be used for any other purpose, and you can unsubscribe at any time.

Shortcuts

Share

Category