MISYON
Ang Dulaang Tobias ay nag-aatas sa kanyang sarili na pagyamanin at hubugin
ang pagmamahal sa bayan, pananalig sa Maykapal at kakayahang pansining
ng mga kabataan upang muling buhayin at ipagpatuloy ang magagandang
kaugaliang Filipino at patatagin ang diwa ng bansa. PANGARAP
Isang samahang pandulaang nakasentro sa pagpapahalagang-pangkatauhan
na nagbibigkis sa iba’t ibang kultura ng mga Filipino tungo
sa pagpapabuti ng lipunan at kaisahan sa pambansang pagkakakilanlan. Magsanay ng mga kabataan sa larangan ng dula, pagsulat, pag-arte, awit/musika, sayaw, pelikula, biswal at iba pang ugnay na sining.
2. Lumikha at maglunsad ng mga pagtatanghal na nagtatampok ng ating pagka-Filipino at Kristiyano na nagtataglay ng mabubuting katangian bilang tao.
3. Lumikha ng mga dulang pambata tulad ng mga "PUPPET SHOWS" na nagtatampok ng kabutihang asal, tradisyon at kultura.
4. Pagbibigay-pugay at pagdakila sa mga Filipinong nag-ambag para sa ikabubuti ng kapwa at bayan sa pamamagitan ng pagpaparangal at pagtatampok ng buhay sa mga dula at iba pang ugnay na sining.
5. Gumawa ng mga pananaliksik at pag-aaral ukol sa mga kasaysayan, kultura at tradisyon ng ating lahi.
6. Kaagapay ng pamahalaang lokal at nasyunal sa paglulunsad ng mga makabuluhang proyekto na may kaugnayan sa sining, edukasyon at serbisyo para sa mga pamayanan.
7. Katuwang ng Simbahan at iba pang kapatirang panrelihiyon sa pagpapalaganap ng Pag-ibig ni Kristo.
